الاثنين، 15 أبريل 2013

فليساعدنى احد :(


ابحث عن
تطور القصيدة العربية منذ ظهور الاسلام حتى الان

المشكلة ان معظم الكتب اللى بقراها لشوقى ضيف ومحمود مصطفى  وعبد المنعم تليمة وغيرهم مش بتوضح كيف تطور شكلها
بتحكى تاريخ الادب العربى بشكل عام
اللى ااقصده عشان اكون اكثر وضوحا يعنى مثلا فى العصر الاموى كان الايقاع مثلا واضح لكن فى العصر العباسى فكرة التكرار لكن حصل انهيار مثلا فى العصر الفلانى
الخلاصة الهامة..
انا يهمنى تتبع القيم الجمالية فى التطور
 ايقاع  التوازن  التكرار  التجريد الحركة اللون المركزية
تواجدها فى الشعر عبر العصور
انا لاقيه حاجات بتتكلم فى تطور الشعر فى الجزء ده بس بدءا من القرن العشرين لكن صدر الاسلام والعصور الاسلامية مش عارفة
يارب حد يعرف يفدنى
حتى اقتراح لاسماء مؤلفين او كتب وانا ادور


شكراً جزيلاً


اللوحة بتاعتى اتممتها امس :)


هناك 14 تعليقًا:

حاول تفتكرنى يقول...

املك كتابا لفاروق شوشة اسمه ( اجمل ٢٠ قصيدة حب في الشعر العربي ) يتنقل فيها عبر العصور الشعرية جاهلي ، اسلامي ، اموي ، عباسي ، حديث مع الشرح والتحليل ، مستشهدا بقيس وجميل وكثير وابن ابي ربيعة ، مفندا وامطرت لؤلؤ ليزيد بن معاوية ، مارا بالحمداني والشابي والقيرواني وناجي واسماعيل
كتاب جيد ان لم يفيد في بحثك سيفيد في اطلاعك
للاسف فقدت تلك النسخة ناء وجودي خارج مصر وكنت اخذتها كن معرض الكتاب منذ ١٥ سنة

تحياتي

حاول تفتكرنى يقول...

نسيت الاشادة باللوحة ، اعتقد انها الازهي ، اري زهورك هذه المرة تغني ، وأود الاعتذار عن الاخطاء المطبعية ، لان الكتابة عبر الموبايل شيء صعب واتعهد بالتركيز
تحياتي

Muhammad يقول...

يخرب بيت كده :D
انتى بتعملى دراسات عليا والا ايه؟

كده يعنى صدر الاسلام واموى - نطلع منه ع الاندلس - واتنين عباسى ومملوكى وتركى ثم الحديث من اول الاحياء لغاية دلوقتى. انتى بتهزرى :D

الواحد يفهم تناول قرن معين او عصر معين او شاعر معين، لكن كل ده!!!

بس اكيد الكتب اللى اشرتى ليها فيها تناول للحاجات دى بجانب تناولها للتغيرات المضمونية!

فيه رسالة ماجستير كنت محمّلها - مش عارف ليه - اعتقد ممكن بعض فصول فيها تفيدك، بس خاصة بالقرن التانى بس

"التطور الفنى فى شكل القصيدة وموضوعاتها فى القرن الثانى الهجرى - الباحثة/ أحلام الزعيم - إشراف الدكتور محمد زكى العشماوى"

هتلاقيها اونلاين

ولو اتكعبلت فـ حاجة - وأشك فى ذلك - هقولك ان شاء الله

الله يعينك :D

shaimaa samir يقول...

حاول تفتكرنى

مشكلة هذة الكتب انها تناقش اعمال الفنانين وشكلها
انا اريد شكل عام للقصيدة مسيطر فى هذة الفترة
سابحث عنه على النت للاطلاع ربما يفيدنى بشكل غير مباشر
..

اللوحة
جميل انها اعجبتك

اشكرك جدا

تحياتى

shaimaa samir يقول...

محمد

للاسف
المؤسف
الاسيف
الماسوف على عمره انى بعمل دراسات عليا
واحب اطربك بالعنوان عشان تنهار اكتر مش من تحديد العصر بس لا من تداخل الفنون
"القيم الجمالية المشتركة بين الشعر العربي والفنون الإسلامية"
(دراسة تطبيقية لإنتاج أعمال فنية جماهيرية معاصرة )
انا للاسسف مضطرة امر مرور على العصور لانى هستخدم القيم الجماللية المشتركة دى بكتابة حديثة وبفنون حديثة وكدة
هو من الواضح انى ضعت من قبل ما ابدا

الله المستعان
ادعيلى انا اتكعبل
ويارب كل الناس تتكعبل فى حاجات ليا
يارب

إبـراهيم ... يقول...

على فكرة يا شيماء، وزي ما محمد قال لك كده، الموضوع كبير، وإنتي عشان تبقي دكتور شاطرة، مش المفروض تغرقي ف الكتب سعادتك ..
وفقًا لعنوان دراستك ممكن الإبجاز واقتصار على نموذج من كل عصر لا سيما العصور التي ارتبط فيها الشعر بالفن الإسلامي .. يعني م الآخر هتاخدي لك نموذج م العصر الجاهلي وتقولي إنهم كانوا بيمدحوا يا عيني يا حول الله الأطل والصحراء الجرداء، وبيشبه حبيبته بالبقرة (لامؤاخذة يعني) .. لكن لمَّا ربنا فتح عليهم الأندلس بقوا بيفهموا، وهاتي لك كام قصيدة في وصف الحمراء ولا حاجة، وعرِّجي على أبو البقاء الرندي في رثاء الأندلس ..
أعتقد كده هتبقي عملتي دراسة 100 فل وعشرة :)

.
وصباح الفل

shaimaa samir يقول...

صباح الطلسئة

ايه ده يا ابراهيم بس
الواحد عايز يعمل حاجة عليها القيمة وتبقى علم ينتفع به
تقولى كوبى بست

المهم انت الحمد مش هتعرف تفدنى وانا كنت حاطة عليك امل كبير
المهم لو عندك اقتراحات لكتب او لاسماء مؤلفين
اتحفنى يا ابراهيم بيهم

صباح الخير
:)

shaimaa samir يقول...

معلشى يا ابراهيم لو تعرف برضو
"ا العصور التي ارتبط فيها الشعر بالفن الإسلامي" زى ما انت بتقول يبقى خير

انا بدور على تطور القيم وشكلها مش موضوعاتها
شكل وبناء القصيدة

الله المستعان

جنّي يقول...

السلام عليكم

بداية اللوحة جميلة ما شاء الله ..

ومعذرة فتخصصي في البيولوجي والتربية ..
ولكني سأحاول واستعين بصديق ..

ربنا معاكي

حاول تفتكرنى يقول...

دعيني ارشدك عن مكانيين في مصر ستجدي ضالتك فيهم لا محالة وبالكثرة والوفرة بشكل خارج توقعاتك :
أولهما مكتبة الهيئة المصرية العامة للكتاب ، علي الكورنيش بمنطقة رملة بولاق بجانب فندق الكورناد ، وقومي بالبحث عن طريق الحروف الابجدية ، ستجدي الالاف الكتب وامهاتها ، ولكن الاستعارة هناك داخلية فقط ، وذلك في قاعة الاطلاع بالدور الخامس ( وصفة مجربة ) لكنها تستلزم جهدا وكللا وهذا امر مطلوب

ثانيهما : مكتبة اكاديمية البحث العلمي والتكنولوجيا بشارع قصر العيني بجانب مسرح السلام ، المكتبة تشبه كثيرا مكتبات الجامعات العريقة في العالم ، البحث متاح باللغتين العربية والاجنبية وهناك من يقوم لك بالبحث بمجرد اعطاءه المصطلح ، ثم يتم تخييرك اذا كنتي تريدي الحصول علي تقريرا عن كل بحث او كتاب في الموضوع او ملخصا او حتي البحث كاملا والخدمة هناك سهلة ويسيرة ، ومدفوعة الاجر استخدمتها كثيرا في رسالة الماجستير وافادتني كثيرا في موضوعي النادر

لو تريدي تفاصيل اكتر في البحث ، يسرني اضافتها
تحياتي

حاول تفتكرنى يقول...

نصيحة مخلصة ، ابتعدي تماما عن الانترنت في بحثك واطلاعك ، ليس لانه غير موثق فقط ولكن المعلومات كلها منقوصة او منقولة بتلفيق

shaimaa samir يقول...


جتى

:)
اشكرك كثيرا



حاول تفتكرنى

اشكرك كثيرا جدا
هجرب المكانين لانى اتعقدت من مكتبات جامعة القاهرة مش بيخدمو حد لا مش بيدخلو حد برة كليه اداب وحاجات لاتليق بطالب بحث علمى عموما انا هجرب ده جدا والله المستعان ميكونش الدنيا اختلفت بعد الثورة

النت فيه كتب الواحد يقدر يحملها ودى فايدة عيمة اوى اوى بجد ورسايل علمية لكن المقالات وخلافه هى ما لا يؤخذ بها لانها اراء شخصية

حاول تفتكرنى يقول...

اي كتاب في التاريخ سمعت عنه مجرد سماع قرأته في مكتبة الهيئة المصرية العامة للكتاب ، ابتداء من دواوين طرفة بن العبد مرورا بمؤلفات الغزالي وابن رشد حتي ميكي ماوي ، انها صرح مصر الثقافي المجهول ، والمكتبة بها قاعة للمراجع في الدور الرابع وقاعة للموسيقي في الثالث ، تستطيعي في فترات الراحة الاستمتاع بالسيمفونية الريفية لبيتهوفن ، وكذلك قاعة للمخطوطات النادرة والجرائد بالدور الثاني ، وتتسم بالهدوء والنظام ، وتعتبر بيئة بحثية مناسبة . الشيء الوحيد السلبي هناك هو عدم الاعتماد علي الكمبيوتر في البحث عن الكتب ، واكاد اجزم انه لا يوجد كتاب علي مدار التاريخ لا يوجد له نسخة هناك
اما مكتبة البحث العلمي بسهولة تنقل عندك بيانا ببحوث تتعلق بالموضوع من كل جامعات العالم
ونسيت ان ارشح المكتبة المركزية لجامعة حلوان لاني انتمي لهذه الجامعة ، المكتبة تفوق توقعات الكثيرين كمان ان بها الاعداد القديمة لمجلة جامعة حلوان ، وهي مجلة بحثية رائعة وفي كل المجالات اذا تحصلتي عليها فتأكدي انك حصلتي علي كنز كبير
لا تضيعي وقتك في المكتبات المركزية لجامعة عين شمس والقاهرة والازهر ، فليس بهم كليات كالفنون الجميلة والتطبيقة والنوعية كجامعة حلوان
الامر شاق في البداية وشاق في النهاية وشاق جدا بينهم ولكنه يستحق خصوصا ان كانت النية في البداية علم ينتفع به من بعدك
ولو وجدتي صعوبة فهناك وسائل اخري اسهل وايسر وانجز وافيد ، ساتركها لحينها
ان شاء الله ستجدي ما نصحت به مفيدا جدا ودقيقا جدا ، فقد - تمرمرت - كتيرا في كل هذه المكتبات ، ضالتك هناك وستهتدي اليها باذن الله ، واذا استصعب الامر ، عرفينا ازيدك وسائل اخري متاحة
بالتوفيق

shaimaa samir يقول...

حاول تفتكرنى

اشكرك كثيرا
حاضر ساحاول مع ان مشوار جامعة حلوان فظيع بالنسبة لى بس كله يهون

تحياتى