الأربعاء، 17 أبريل 2013

يا لسعادتى ..




http://www.arts-mart.com/en/product/when-children-play-i

http://www.arts-mart.com/en/product/three-women-ii

أخيرا بدأت اعمالى تنزل على سايت بحبه جدا _ولسه الباقى_

أخيرا فى حاجات فى حياتى خلتنى ارجع ابتسم وافرح بعد حزن طويل

أخيرا بدأت افوق من حاجات كانت مغطيانى او كنت متغطية بيها

أخيرا يارب لك الحمد كما ينبغى لجلال وجهك ولعظيم سلطانك

الحمد لله
الحمد لله
الحمد لله


هناك 12 تعليقًا:

Muhammad يقول...

:D بغض النظر عن الاتمان المكتوبة واللى بتدخل تحت ما يُسمى بتسليع الفن، فاللوحتين تحفة، وخصوصا عندما يلعب الاطفال. لسبب ما، أشعرتنى بشىء من البهجة، رغم البسمة الغائبة عن وجوه اللوحة. على الاقل، هكذا تبدّت لى

وحيث انك بقيتى فنانة دولية وهتلعبى بالدولارات عن قريب ان شاء الله، فمتنسيش رفاق التشرد والصعلكة :D

الف مبروك يا ست الكل :)

shaimaa samir يقول...

الله يبارك فيك يا محمد
كنت متاكدة ان لازم تتكلمو عن الاسعار
حقيقى السايت بياخد نسبة كبيرة جدا جدا للبيع يعنى انا باخد ملاليم برضو يعنى هفضل فى الصعلكة والتشرد وانا اصلا ببيع لوحات بمبالغ زهيد جدا حتى ناس كتير كانت بتستغرب ومش بعرف اسوق لنفسى ابدا يعنى اللوحات دى مرسومة من 2009 ومركونة عند جدتى فافرجت عنها اخيرا فى لوحات تانية هما 3 بنات ولو شفت باقى اسعار السايت هتعرف انى غلبانة غلب :)
بس فى يوم الخط بتاعى هيبقى بمبلغ وقدره دايما بقول لوالدى كدة عشان ارفع من روحى المعنوية
وعلى العموم المدونين ليهم اسعار خاصة بس انت تؤمر يعنى انا فى اتنين مدونين " ابو خالد-فاتيما" عندهم لوحات كنت مهدياهم ليهم وقت افتتاح معرض ليا فى 2008 فيعنى انا سخية متقلقش بس انت انوى وهتلاقى الدسكونت نازل

ودعواتكم
شكرا محمد

shaimaa samir يقول...

حاجة نسيت ااقولها

اسعار الالوان والفرش والتوال والمستلزمات بقت غالية بطريقة مش طبيعية بجد ده والله حاجة مضيقانى جدا وربنا يرحمنا والله

حاول تفتكرنى يقول...

مبروك
الاعمال النادرة في العالم تقاس باثمانها ، فالذهب معدن لكنه سيظل ذهب ، كوني ذهبا ولا تنشغلي بمن سيقتنيه

shaimaa samir يقول...

حاول تفتكرنى

بدات اعمل كدة
بدات اشتغل ومش حاطه فى دماغى حاجة غير الفن ..

اشكرك

تحياتى

Muhammad يقول...

ههههههههههههههههه
يخرب عقلك يا شيماء
يا بنتى اللى هيشوف ردودك هيفتكر انى كنت جاى انق. معاذ الله :D
انا كنت بتكلم عن ظاهرة عامة مش عن لوحاتك تحديدا. ظاهرة تشمل اعمال بيكاسو نفسه. خصوصا وان المعارض الفنية والمتاحف تخضع لمعايير اخرى - غير الفن - ترويجية ودعائية ومتعلقة بالقدرة على تكوين علاقات وهكذا

لكن بالنسبة ليكى ربنا يا ستى يفتحهالك من وَسَع كما يقولون. اى حاجة تسعدك تسعدنا يا شيماء، ومن غير ديسكاونتات والله يا استاذتنا :D

بالتوفيق فى كل شىء يا معلمى: الصورة والكلمة :)

إيناس حليم يقول...

دايما فيه حاجات في الدنيا تخلينا نفرح :)

ربنا يفرحك دايما دايما

shaimaa samir يقول...

ايناس
الحمد لله يا ايناس
الحمد لله
ربنا يفرحنا دايما
ويديم الفرحة علينا
:)
ويزود فرحتنا بافراح كتير

Nelly Aly يقول...

مبروك يا شيماء..
أهم حاجة أنك حاجات تخرج للنور ومتتحبس أبداً

الأحلام بتحب الحرية..والنور

وتكره الحبسه والضلمه:)

جنّي يقول...

السلام عليكم

الف مبروك ..

ربنا يوفقك دايما..

نهى جمال يقول...

مبروك يا شيماء ربنا يوفقك وتكسري السوق :)

لوحة three woman هايلة جدا :)

shaimaa samir يقول...

نيللى

اشكرك كثيرا
:)


جنى

ربنا يكرمك


نهى

اتفضلى :):)