الجمعة، 20 يونيو 2008

هام.. وضرورى.. وعاجل

انهيت بفضل الله امتحاناتى اول امس.. وانتهيت
اسالكم الدعاء بصدق
اود منكم امرا عاجلا
فرايكم هام بالنسبة لى الى اقصى درجة
وعاجل الى اقصى درجة ايضا
ساعطيكم اسماء لديوان شعر
وعليكم اختيار الافضل والاكثر جاذبية لكم
وللعلم ان كل الاسماء توافق المحتوى فلا قلق من هذة الناحية
باذن الرحمن
انين طفلة
انامل طفلة
خربشات
انا و الانا
عندما ينجب الدمع
احمال الليل
ولكامل العلم ايضا ان اول ثلاثة هى حالة عامة ولا توجد قصيدة
بالداخل تحمل اسمها
اما الثلاثة الباقيين توجد باسميههم
انتظركم
هذا للاهمية القصوى
وعلى عجل كبير

هناك 33 تعليقًا:

فاتيما يقول...

مشموشة يا قمورتى
أنا عجبنى قوى عنوان
خربشات
مختلف و بيدى إحتمال لألف حاجة
يا ألف حاجة فى إحتمال
ربنا يوفقك يا حبيبتى
و ناجحة و غانمة بإذن الله
تحياتى و بوسة و حضونة

shaimaa samir يقول...

فطومة
حبيبتى
وروحى
ادعيلى خالص
دماغى هتنفجر
مفيش اجازة خالص
من ده لده
ولسه بحضر فى الحاجة
وبختار
ايموشن بيشد فى شعره

دعواااااااتك وحشتينى
انامقصرةمع الناس كلها
وعايزة الناس كلهاتجيلى
ايموشن خجلان
دعواااااااااااااااااااتك

Mafrousa يقول...

انا مع فاتيما خربشات مناسب
بس الصراحه!!!!
انا مش عارفه لإيه
ايموشن وشه فى الارض
هههههههههه

shaimaa samir يقول...

واحدةمفروسة
ربنايكرمك يا حبيبتى
هوعنوان ديوان
دعواتك
احبك فى الله

حمامة يقول...

ازيك يا شيماء :)

عجبنى اوى

عندما ينجب الدمع

حاساه اتراكتيف كده

ربنا معاكى ويوفقك وعايزين نفرح

معاكى قريب :)

Hanan Said يقول...

ازيك يا شيماء يا قمر
بجد واحشاني جداا
وربنا يكرمك يارب وتجيب تقدير عالي ان شاء الله السنه دي وكل سنه يا حبي
.
.
انا عجباني اوووي اسم (عندما ينجب الدمع )
حساه مختلف وجديد
وكمان يخلي الواحد يتشد ليه ..لانك تحسي فيه بالغموض
وتسال معاه هو الدمع هينجب ايه ؟؟؟
بصراحه عجبني جدا
تحياتي ليكي يا قمر
ومش عيزاكي تتاخري علينا كده
(حنان)

الفارس الملثم يقول...

حلو اسم خربشات بيستهويني الاسم ده , هو ديوان بتاعك ؟؟؟؟؟؟؟

ان شاء الله بالتوفيق دايما

تحياتي
محمد

rain man يقول...

انامل طفلة

و عارف ان ده هيزود حيرتك
بس بجد الاسم ده شدني اوي
اعتقد
انه غامض اكثر من خربشات
خاصة و ان خربشات أُستخدم قبل كده
يعني ربنا يدلك على الاختيار الاحسن إن شاء الله

محمد الهادى غانم يقول...

السلام عليكم
انا اول مرة ادخل عندك ومعلش ان انا دخلت من غير استأذان بس اصل انا بعتبر البيت بيتي برضه .
اما بالنسبة للعنوان انا حاسس ان انامل طفله حلو في رقه وحنان والله اعلم .
تالت حاجه نيجي بقه للخناق بقولك ايه انتي هتخشي وتقري المدونه بتعتي وتقولي رأيك بصراحه اصل ده اول موضوع ليه
ويجعله عامر

shaimaa samir يقول...

حمامة
دعواتك عشان الحيرة دى
مش هتخلينى ارسى على حل

نانو
اشكرك بقوة
بجد ادعيلى جدااااااا

الفارس
اعتذر اعتذار بكبر البحر على تقصيرى فى مدونتك
ثانيا اسال الله ان يخرج للنورووقتها ساقول على كامل التفاصيل
ومجيئك امر مفروغ منه


رجل المطر
انتظرت تعليقك الذى زادنى حيرة
فى بادىالامرقررت ان يكون اسمه خربشات
ثممن اسبوع تقريباوجدتنى اقول انامل طفلة
فزميلتى قالت انين طفلة
ثم باقى الاختيارات اسماء خواطربداخله
انا اسام المسميات على اى وجه
اصعب شىء
وهذا موقفنى عن عمل الغلاف
اللهم اختر لى ولا تخيرنى

هل اسم خربشات اتعمل قبل كدة؟؟!!

محمد الهادى
مرحبا بك
البيت بيت الجميع
ساحاول المجىءعندكم باذن الله
ولكن معذرة لضيق الوقت الذى انافيه


ازدتمونى
شرفا
وحيرة

rainbow يقول...

زوزو الرقيقة

سعيدة جدا جدا انك اتخذتِ خطوات فعلية لنشر الديوان .. ولكن اليست خيانة ؟!0
فين اتفاقنا ؟ هههههههههههه
اموشن عامل زعلان

ربنا يوفقك حبيبتى بدعيلك من كل قلبى

بما انى بنتمى لفئة المصريات اذا انا نكدية جدا ومعجبة جدا بعنوان : عندما ينجب الدمع !0

اموشن بيقرقض فى ضوافره

بحبك زوزو
بوستين وحضن كبيررررررررررر

هدى

آفاق الحرية يقول...

والله انا شايف احمال الليل
اتمناه منك ان شاء الله
ربنا يكرمك ويعزك

قوس قزح يقول...

انا عجبنى

خربشات

و يجى فى المرتبة التانية

عندما ينجب الدمع

مبروك مقدما:)

Unknown يقول...

السلام عليكم ورحمة الله وبركاته
ربنا يبارك لحضرتك وان شاء الله اعلي التقديرات
اعجبت ب"عندما ينجب الدمع"
واسأل الله ان يختار ما فيه الخير
وجزاكم الله خير الجزاء

.:.-=- ELGaZaLy-=-.:. يقول...

انين طفلة
انامل طفلة
خربشات
انا و الانا
عندما ينجب الدمع
احمال الليل
------------------------

همممممممممممممممممممممم
ربنا معاكى يا شيماء يارب

بصى انا لو خربشات مش مكرر ياريت

الباقى مشدنيش منة غير احمال الليل..

مش هتنازل عن نسخة موقعة

ربنا معاكى يارب

shaimaa samir يقول...

رين بوووووو
اه ثم اه ه ه

دعواتك

افاق الحرية
جزيت الخير

قوس قزح

اعزك الله واكرمك
دعواتكككككك جداااااااااا


الفاتح الجعفرى
لااحتاج سوى الدعاء
اعزكم الله


الغزالى
موقعةوش
وظهر كمان
كلكم هتكونوا موجودين
بس ااخد الخطوةبس
اعزكم الله
الدعاء

Doba يقول...

انا عاجبنى قوى أنامل طفلة
واحمال الليل

بس اكتر انامل طفلة

ربنايوفقك يارب وينجحك ويسعدك دنيا وآخره

تحيياتى
هبة

عاشــــــ النقاب ـقــــة"نونو" يقول...

شوشو
ازيك يا حبيبتي
ناجحة بعون الله
خربشات جميل بس اعتقد مكرر
احمال الليل حلو
انامل طفلة جديد
ربنا يبارك لك
وجه بيدعي
تحياتي

منى يقول...

بصى انا مش هقول عشان متحتريش اكتر
لكن الغالبيه بتقول خربشات
صلى بقى استخاره وشوفى
ربنا يوفقك ونشوفه قريب فى السوق
تحياتى وحبى

Soooo يقول...

الحقيقه انا مش عارف ايه نظام كتاباتك وايه اسلوبك في كتابة الشعر والخواطر

لكن لو هنحب نقيس الديوان يبقى يستحسن انك تقيسيه وتسميه باسم حاجه في الموضوع ككل

انا شايف والله اعلم ان احمال الليل اسم قوي

يعني بيشد القاريء انه يشوف ايه احمال الليل لصاحبة هذا الديوان

وربنا يوفقك ويكرمك ويسعدك دنيا وآخره



سلامووووووووووووز

shaimaa samir يقول...

دوبا
ربنا يعزك يا حبيبتى
فرحتى قلبى بوجودك

نونو الجميلة
خربشات مكرر!!
ياه لوتعرفوا حبى للاسم ده
نورتينى يا حبيبتى

منى
بدعى والله وهصلى باذن الله
اللهم اختر لى ولا تخيرنى
دعواتك

سوووو
اشكرك لمرورك وتعليقك الاول
جزيت كل الخير


دعواتكم جميعاااااااا

rain man يقول...

شيماء
الشاعر السكندري عمر عبد العزيز حاذق
ليه ديوان مشهور اسمه " لن استحم "
و ديوان تاني صدر غالبا عام 2002 اسمه " خربشات "
و كمان الشاعرة الليبية عائشة إدريس
ليها ديوان بعنوان " خربشات على هامش الكتاب "
لسه عند رأيي ان " انامل طفلة " جميل
و لو اني شايف ان اسهمه ضعيفة في اختيارات المدونين اللي قبلي و اللي بعدي
بس ربنا يوفقك للإختيار الامثل إن شاء الله

جنّي يقول...

السلام عليكم

أسف جدا جدا حدا على التأخير
لازال هناك فرصة ..
يتوقف الإسم على المحتوى وكما ذكرتي أنها توافق المحتوى لذا إذاكان خربشات يستهويكي فلا بأس ولكنه مكرر كما ذكر البعض .. لذا اختار أنامل طفلة
بالتوفيق

"النجم القادم" يقول...

اهلا اهلا

الف مبروك انك خلصتى امتحانات وبيضتى كويس

يلا علشان انا عاوز اعمل كام يافطة للمحل الجديد بتاعنا

هههههههههههههههههههه ربنا يكرمك يارب

والحمد لله انكط لسه عايشه بعد الانطحانات

على فكرة

تاج الشباب والبنات من النجم القادم فى انتظارك

سمراء يقول...

اولا حمد الله على السلامة
وبالتوفيق والنجاح ان شاء الله
اما عن عنوان الديوان
فقد اعجبني اسم انامل طفلة
اشكرك على زيارتك وتعليقك الرقيق
سمراء

sahr يقول...

بيتهيالي انامل طفله كويس

sahr يقول...

بيتهيالي انامل طفله كويس

صالح سعيد يقول...

انا رحت المدونه التانيه وبعدين قريت تنويهك رجعت هنا
بس بجد اسلوبك حلو
لانى قريت معظم المدونه
ربنا يزيدك ويوفقك
تحياتى

إسلام هجرس يقول...

الأخت الكريمة شيماء
أظن العنوانين الأخيرين هم الأفضل
لأنني أجد في كل ما سبقهما تقليدية وتكرار ودلالات مغلقة
....
ليكن واحدا منهما

وربما أنت تفضلين واحد من كل هذه العناوين وتحتاجين تثبيتا من الزملاء
نرجو ألا نزيد من حيرتك بتوزيعك بين العنواوين

..
مودتي
وبالتوفيق إن شاء الله

shaimaa samir يقول...

رجل المطر
تشكرات...
دعواتكم


جنى
دعوتكم بقوة
فانت على ارض الحبيب الان
جزيت الخير


النجم القادم
اهلا دائما


سحر
مرورك اسعدنى
واختيارك ايضا
نورتينى


صالح سعيد
اشكركم على تعليقكم
ونورت لمجيئك الاول
جزيت الخير

اسلام هجرس
اشكرك جدا
وفقنا واياكم الله

Esraa Hamed يقول...

زهرة
معلش مشغولة بشكل غير طبيعي الايام دي

انا عاجبني اوييييييي اسم خربشات
مع اني حسة شوية ان هيدي احساس ان ده ديوان عامية و انتي كتاباتك فصحي
بس بردو عاجبني جدااا

ربنا يوفقك يا قمرة

أبو خالد يقول...

أبنتي الغالية/شيماء سمير
أولا أسف شديد الأسف على تأخيرى
ثانيا ربنا يكتب لك النجاح و التفوق بإذن الله
ثالثا أختارى عنوان أنامل طفلة
لأنه له و قع و جرس جميل
رابعا سوف أكون أول الموجودين يوم حفل
التوقيع بإذن الله
خامسا تأخيرى كان لأسباب قهرية
دمتى أبنتى الجميلة مبدعة

Sara يقول...

في الاول بسلم عليكي لاول مرة بدخل لمدونة

وبشكرك على تهنئتك الرقيقة وزيارتك لمدونتي

بالنسبة لرايي
مشدنيش خالص اسم خربشات مع احترامي لكل الاراء اللى فاتت

اول اسم شدني كان حينما ينجب الدمع لكن لما قريت احمال لليل عجبني اكتر بكتييييييييييير

تحياتي