الخميس، 26 يونيو، 2008

مع الاطفال.. كل يوم خميس(1)





خالتو انتى متكوسة(متجوزة)
لا مش متكوسة
طيب مكونتيس بتيكى ليه
(مكونتيش بتيجى ليه)
معلشى كنت بمتحن
طيب نكحتى
مش عارفة.. ممكن تدعيلى
حاضر







هكذا بدا ترحيبها بى عند دخولى المسجد
تلك الهادئة التى كانت لا تنطق الا ببضع الكلمات لى السنة الماضية
كبرت سما .. سنة
واصبحت ودودة اكثر من الاول لى
لا تتحدث مع احدغيرى
كنت سعيدة بهذا جدا
وكانه الاصطفاء
وكنت احاول جاهدة ان تندمج وتكون اكثر صحبة
الان هى اجمل واجمل
ومازالت تحب اللون الاورنج بقوة... مثلى







نرجع للسؤال العظيم
ما علاقة غيابى بالزواج
سما ثلاث سنوات فقط
حيرنى هذا التفكير جدا
لِم لم ياتى فى ذهنها اننى ادرس
او اننى مريضة مثلا
فهوالاقرب لها
لن اطيل التفكير فى هذا الامر
كل ما شعرت به
اننى سوف اكسر لها تلك القاعدة الراسخة عندها
ان الزواج يبعد الناس عن احبائهم
ولعلها هى التى ستكسر لى القاعدة
وتكوّن فى فكرى حقيقة لم اكن اعلمها من قبل




اطفال المسجد رحبوا بى ترحيبا ..شعرت بوجودى فى الحياة
احبكم بكل ذرة فى كيانى
لانكم انقى شىء فى الوجود
دعونى انهل منكم
الحب
والصدق




المسجد الاحد والثلاثاء والخميس
ولكنى وعدتهم ان سيكون كل خميس يوم به رسم والوان
وسيكون كل يوم خميس على مدونتى موضوع لهم
الى انتهاء الاجازة ان شاء الله




واحنا بنرسم
انا.. هرسملكو بنت انا برسمها انتو عارفين انى بشتغل فى الرسوم
اه مش حضرتك فى كلية الرسم
لا انا فى كلية التصميم
انا بقول لسما هجبلك الفيلم بتاعى تتفرجى عليه
هما ...ايه ده هو حضرتك بتشتغلى فى ام بى سى ثرى
ولا اسبيس تون
طب بتعملى انهى برنامج
بيطلع امتى
احنا كلنا عايزين نشوف الفيلم
احم
اه طبعا (وانا عارفة انهم لوشافوه ممكن يتيريقوا لبكرة)
هههههههههههههه




اللى هيسمّع كويس هو اللى هيرسم
اوكى هنحفظ والله كويس ونجيب عشرة كمان




سما وانا بغسلها ايديها اللى كانت غرقانة باللون الاورنج
انا بحبك وعايزة احفظ معاكى قران
حاضر يا حبيبتى
وعنيه بدات تدمع
الكلمة هذة لم اسمعها للمرة الاولى
سمعتها كثيرااا
كنت اموت احراجا من المعلمات الفضليات الاخريات
واموت ذوبا عندما اقول لطفلة مينفعشى.. عشان انتى مع ابلة فلانة
هستاذن منها
لا مينفعشى
وانا بمووووووووت




على باب المسجد
واقفين مثلا 5 دقايق كل شوية نقول مع السلامة ونقف
بصراحة انا مكونتش عايزة اروح
ولا هما برضو
اما انى اروح معاهم
او يجوا معايا
بس كالعادة
مشيوا يمين وانا شمال



وافترقنا
وموعدنا يوم الاحد
وللاسف انا لا اُحفِظهم
دعواتكم بصدق
لعدم حدوث اية مشاكل
اعزكم الله
واسال الله الاخلاص....




ادى صورتين ع الماشى...



هنا اول ما بداو يرسموا

شايفين سما مفعوصة بينهم ازاى مع انى قايلالهم متزنقوهاش

بس هى جميلة فى كل الحالات



ودى رسومتهم كلها لانى جيبالهم صفحة كبيرة .....طبعا اللى فى النص الشخصية بتاعتى
وهتلاقوا فن سيريالزمى على اليمين من تحت باللون الاورنج لانها بتعشقه
دى الفنانة الكبيرة سما
دعواتكم

هناك 31 تعليقًا:

ghoneem يقول...

السلام عليكم

الأطفال زينة الحياة الدنيا وفعلاً النقاء بتاعهم هوة سر جاذبيتهم

ربنا يبارك فيكي ويعينك علي الخير ويهدي بيكي الي الطريق المستقيم ويجعل حب الأطفال ليكي سبب في حفظهم القرآن وتعلمهم حسن الخلق

منتظرين الصورة ان شاء الله

تحياتي

بالتوفيق..............

فزلوكة يقول...

المفروض إن مشروعى القادم فى الصيف مع الأطفال

أتمنى أن أصل معهم إلى تلك المرحلة التى يقتدقدوننى فيها إذا غبت

فعلا هم يملكون من البراءة والصدق والنقاء
ما نحتاجه نحن

ربنا يوفقك معاهم إن شاء الله
وتربيلنا جيل مسلم بجد

blue-wave يقول...

الله
اد ايه المشاعر دى بريئه وجميله
تحياتى بجد

fenoooon يقول...

خالتو شيماء ..

انا كمان بحبك خاااالث زيهم
وعاوزاكي تديني زيهم ، وتحفظيني القران ، وتتباعيني كده ، ده انتي المنبع يا خالتو .. ولا ايييييييييه ؟؟!!!!!!!!!!!!!!!!!!!!!!


علثان خطري يا خالتو ما تقوليش في رسك دلوقتي حسبي الله ونعم الوكيل بطريقتك كده ويعينيكي وايدك والحركات دي
عثان انا بحبك خالث خالث يا خالتو

طفلتك
فنون
:d
......


الأطفال
الحب
الأحتواء
التعليم
الاحساس
القران
الدعوة الي الله والجنة هي الهدف

أسأل الله لك اجازة طيبة ، وديوانا نافعا ، واخلاصا لا يشوبه سوء ، وترك علما يُنتفع به ،،

وأن تكوني ممكن قال فيهم

(( وَمَنْ أَحْسَنُ قَوْلاً مِّمَّن دَعَا إِلَى اللَّهِ وَعَمِلَ صَالِحاً وَقَالَ إِنَّنِي مِنَ الْمُسْلِمِينَ ))

الدعوة إلي الله هي السبيل للارتقاء ، بالنفس وبالناس ، وسبيل الاصلاح ، وسبيل الجبنة

رزقك الله وإيانا بها ..

......

أحبك في الله
يا خالتو ..

فاتيما يقول...

مشموشة
أنتى بتحفظى الأطفال قرآن ؟؟
عشان كدا دمعتك قريبة و قلبك خاشع
طب مستنيين الصور لما نشوف الشقاوة
و بعدين دا فال حلو
و بكرة نلاقيلك أفلام فى الmbc3و إنتى مش أقل منها يعنى و مش هيضحكوا على الفيلم متقوليش كدا و تزعلينى دنا حبيته قوى و حبيت البنوتة العسولة بتاعتك
سميتها إيه ؟؟
متسميها خربشة عشان هيا شقاوة و لذيذة ...و تفكرك بالديوان
أى أسم المهم تسميها عشان أبقى كل شويتين أسألك عليها
ربنا يسعد قلبك يا حبيبتى
و يكتبلك ثواب فى كل خطوة تخطيها

shaimaa samir يقول...

الاخ الفاضل غنيم
اسال الله ان يتقبل دعائكم
والصور مش لاقية القلم بتاع التحرير!!!
وادخل الاقيه محطوط لكن مش بيبان فى الرسالة
لو حد يعرف يقوللى ياااااااااريت

فزلوكة
جزاكى الله خيرااااا
زيارة عزيزة
ادخلت السرور
وتقبل الله منك


بلو ويف
اشكرك بصدق لمرورك الكريم
تحياتى

shaimaa samir يقول...

طفلتى الصغيرةالكبيرة
فنووووووون
حسبى الله ونعم الوكيل
اينعم
هههههههههههههه
ما انتى عارفةانى هرد كدة
وعارفة الباقى
فهسكتتتتتتتت

ربنا يعزك
وبجد اشكرك على اللينكات هى رائعة للغاية
واسال الله ان يتقبل دعواتك
عقبال لمااعلم اولادك واولاد اولادك

بحبك فى الله

shaimaa samir يقول...

فاتيما حبيبة القلب
ربنا يعزك
انتى الاجمل والانقى بروحك وقلبك
دعواتكلى كثيراااااااا
وزيارتك تمحى عنى الكثير
احبك فى الله
وانا سمتها يوم امبارح سما
بساعتقد هتتغير هههههههه
عشان كل يوم خميس نسميها باسم بنوتة جميلة
ودعواتك والله .. الواحد نفسه يعمل حاجة فعلية للاطفال
بس حد يحترم فكرنا..

دعواتك
احبكككك فى الله

الفارس الملثم يقول...

مش عارف احط تعليق بجد يا شيماء

الاطفال في السن ده بيبقوا ملايكه بجد لكن للاسف احتكاكهم بالدنيا وبالناس اللي حواليهم بيفقدهمم اشياء كتير جميله فيهم واولها برائتهم

البوست ده لمسني اوي من جوه لانه لمس جوايا تلك الرغبه العبثيه ان ارجع طفلا صغير ثانيا

ياريت بجد تعملنا بوست كل فتره عنهم يمكن نستعيد من خلالهم احلام الطفوله الضائعه

تحياتي

fahd يقول...

عندي بقي حد وخميس وجمعه

ومش ملايكة كده

دول شياطين

بس شعور حلو لما الواحد يأثر فيهم

او يعبروا عن شعور جواهم بشكل بسيط ومباشر وتلقائي بفحر جدا

Esraa Hamed يقول...

يا عسل
بجد شكلهم ما شاء الله فعلا يهببببببببببل

ربنا يحميهم يارب و يعزهم و يعزك يا زهرة يا قمر

و الرسومات كمان تجنن تحسي فيها بروح الاطفال النقية اوي


اسلوبك كمان عاجبني جداااااااا في النوع ده من الكتابة اوي
منتظرة الخميس القادم بشغف عشان تحكيلنا باقي الاحداث

احبك في الله

فاتيما يقول...

يا خلاصى على الطعامة !!!!
إيه يا شيماء العسولات دول
ربنا يحرسهم يا رب
و رسوماتهم حلوة
بتفكرينى لما كنت فى المدرسة أيام القراءة للجميع و كانوا العيال بييجوا المكتبة يرسمو و يعملو معايا حاجات فنية و نقعد نلعب سوا
أجمل وقت تقضيه وسط العيال بجد
نقاء و ألفة
و غحساس بالأمان إن محدش فيهم عاوز يأذيكى و لا بيفكر فى كدا
تحسى بالبصة فى وشهم إن ربنا حلو حلو قوى
لما يكون مخلوقاته بالجمال دا
اومال هوه سبحانه و تعالى هيكون إزاى ؟؟
ربنا يكتبلك و يكتبلنا اليوم دا
بوسيلى العيال الطعامة دول و قولوليهم الله ينور عليكم قوى
و سلامى للبت سما الشقاوة اللى وقعت فى غرامها و هيا قاعدة على البيانو بتسمع مزيكا

حمامة يقول...

ربنا يحفظهم يارب ويبارك فيهم
وربنا يباركلك :)

آفاق الحرية يقول...

والله بجد الواحد بيبقي في عالم تاني خالص لما ببقي قاعد معاهم
بحس انهم بيشدوني لما بتكلم معاهم للعالم بتاعهم
وبينجحوا في كده
ربنا يعينك ويقويك

امام الجيل يقول...

فعلا مفيش اجمل من الاطفال

والقعدة معاهم

بس اطفال عن اطفال يفرقوا
:)

انا برضه احتكيت بيهم كتر وما زلت

ونصيحة صغننة
حاولى متفرقيش بينهم فى المعاملة
عشان بيتاثروا جدا

مهما كان سنهم

وزى ما بنعلمهم كتير
بيعلمونا اكتر
مش كده ولا ايه

shaimaa samir يقول...

الفارس الملثم

احنا اللى مش بنخليهم ملايكة
ربنا يعيينا على انفسنا اولا ثم على بناءجيل مسلم صالح

تحياتى

الاخ الفاضل فهد

جزاكم الله خيرا
وعندى برضوشياطين
وما خفى كان اعظم
والقادم اروع
اللهم نسالك الاخلاص

تحيياتى


اسرؤة الحبيبة
ربنايباركلك
ونزعتك الادبية انك حتى تشوفى انى بكتب حلو وانا بفضفض
شىءيخلينى افرح بيكى والله

دعواتك

shaimaa samir يقول...

فاتيما
يا ابيض قلب شوفته
ربنا يكرمك
وبحبك
ودعواتك

حمامة
زيارتك ترفرف قلبى من السعادة
دعواتك
تحياتى

افاق الحرية
عالمهم النقى
حقا

تحياتى لك ودعواتكم

امام الجبل

جزيت الخير على نصيحتك
وبفضل من الله اعمل بها
لاادرى هل وصلك الشعور هذا لاننى وضعت صورتها
ولكنى صورت كل واحدة على حدى
وكل بوست سيكون الحديث على احداهم

والله نسال الاخلاص والثبات

دعواتكم

rainbow يقول...

شيماء الجميلة
زوزو حبيبتى

انا فخورة بيكى
وبيهم

بجد سعيدة لاقصى مدى شكلكو يفرح يا بنات .. هى دى روح الدين صحيح
الحب والجمال

وممكن يكون فى ايه اجمل من كلام ربنا سبحانه وتعالى
يليه ترك نفوسهم الفطرية اللى لسة بتتشكل تلون وترسم

بحبك اوى يا زوزو
بوسيلى سما

هدى

جنّي يقول...

السلام عليكم

ما شاء الله على الجمال والبراءة ..
ربنا يباركلك ياشيماء .. عمل عظيم جزيت عنه كل خير ..

أبو خالد يقول...

أبنتى جميلة الروح /شيماء
كلماتى لن توفيك حقك أنتى معنى جميل
أنتى نسمة حانية أنتى روح شفافة
أبنتى الغالية تركت لك رأى
وأنا أسف على تأخيرى ظروف قهرية أنستنى
أشياء جميلة كثيرةو أسائلك الدعاءبظهر الغيب فأنتى روح نقية
دمتى مبدعة

Doba يقول...

جميلة الروح اللى بتزرعيها فيهم
ربنا يبارك فيكى
انتى نقية الروح
وصافية القلب

وذلك ما لمسته فيكى رغم عدم تحدثك كثيراً
إلا ان بسمتك لا تفارق مخيلتى
وكم أتمنى أن يرزقنى الله بابنه تشبهك

تحياتى وامنياتى بالتوفيق دائما
هبة

shaimaa samir يقول...

رين بو
الحبيبة
اعزك الله
لكم احبك فى الله
واتلمس وجودك بجوارى
دعواتك

جنى
جزاكم الله خيرا
والله نسال الاخلاص والثبات


استاذى ابو خالد
يااااااااااااااااااااااااااه
هذة الكلمة هى ما قلتها عندما رايت ردك
واشرحت صدرى جدااا بقدومك فى مدونتى
وبترحيبك للحضور
ربنا يكرمك يارب
هو انا للاسف بعد ما عملت الغلاف لانامل طفلة
غيرت الاسم وخليته حاجةتانيةخالص
ربنا ييسر الحال
دعواتكم بصدق
اعزكم الله
ورفع اجركم ومقامكم فى الدنيا والاخرة
واشكرك على كلماتك الرقيقة

دوبا
بتحرجينى بذوقك بشكل فوق الوصف
ربنا يعزك
بنتك شبهى!!!!!!!!!!
انتى عايزاها تقعد جنبك ولاايه!!!
هههههههههه
خليها شبه سما افضل
نورتينى يا حبيبتى
واسالك الدعاء
وربنا يكرمك على كلماتك دى
انا اقل من كدة بكتيييييييير
بس ربنا ستار حليم
بوسيلى يوسف

Hu-man يقول...

هو أكيد عالم الأطفال ده عالم رائع بدون شك .....على فكره عجبتني قوي فكرة الرسم في المسجد ..فكره جديده ومبتكره

الفاتح الجعفري يقول...

السلام عليكم
ماشاء الله
ربنا يحفظهم ويبارك في عمرهم
هؤلاء فعلا من يستحقون العنايه والجهد والبذل ,لعلهم ان شاء الله يكونوا جيل النصر والتمكين القادم
ربنا يتقبل من حضرتك
وجزاكم الله كل خير

حاول تفتكرنى يقول...

حين تمر بنا الأيام طويلة لا ندرك إحصاءا لها ، وفى لحظة تمر لا ندرك وقتا لها ، وفى حالة غريبة لا نعرف اسما او نعتا لها ، نسترجع افعالنا الممتزجة على مدار حياتنا ، لنفصل ما اسعدنا به أنفسنا عن ما شوهناها به ، ونبحث فى اغوار الذات ، وسراديب الوقت ، عن شى وحيد فريد فعلناه ونباهي به أنفسنا فنجده

ستشعرين يوما ما وقتا ما حالة ما بهذا التباهي

نتمني أن نجد لحظات كتلك التى تمارسي فيها الإنسان الذى نتمني أن نكونه ، حين يتفاعل مع جيش من النقاء ، وفى بحر من النقاء ، ويستهدف فيه النقاء

ما أجمل أن ننقش النقاء على جدران البراءة ، فسوف يوفر علينا قرونا من العيش فى مستنقعات الرزائل


ليتنا نملك فرشاة كهذه

تحياتي

Soooo يقول...

انا عايز منك خدمه ولو قدرتي تساعديني فيها يبقى بارك الله فيكي

بنات اخويا بيحبو يلعبو ويرسمو وكده
وانا الحقيقه كنت وعدتهم انهم بعد مايخلصو امتحاناتهم اوديهم كلية فنون جميله عشان في هناك حاجه زي مدرسة تنمية مواهب .. لما خلصو ورحت سألتلهم قالو ان مافيش مكان
وطبعا انتي عارفه كليتنا في الكاظوظه خالص في الحوارات دي

فلو انتي تقدري تساعديني وتشوفيلي اي مكان يساعدهم على تنمية الموهبه دي تبقي عملتي في معروف لايمكن انساهولك والله

انا ساكن في المعادي .. لو تعرفي اي مكتبه او حاجه قريبه من المعادي تبقي اييييييييه
ويبقى ليكي عزومه كمان ان شاء الله

معلش طولت عليكي

ربنا يوفقك ويكرمك ويسعدك ويرضيكي دنيا وآخره



سلامووووووووووز

nonni يقول...

السلام عليكم

الاطفال زى ما بيقولوا "احباب الله"

الرسم بتاع الاطفال على قد ما بيقى بسيط كده بس على قد ما بحب اتفرج عليه
ممكن تعتبرينى طفلة من الاطفال اللى بتعليميهم الرسم دول هههههههههههه
اصل انا بحب الرسم اوى و نفسى اتعلمه

"حياتى"

shaimaa samir يقول...

هيو مان
نستطيع اننا نعمل كل حاجة
فىنطاقها الشرعى
ولكن اين العقول التى تفهم
تحياتى لك


الفاتح الجعفرى
اللهم امين
وربنا يرزقنا الاخلاص والثبات

shaimaa samir يقول...

حاول تفتكرنى
الصمت للرد على كلماتك
اسمى كلام
لانه لا يوجد كلام يوفى حق الرد عليك
تحياتى
لفكرك
وقلبك

سو
رائع جداااااااا
بص
هما اد ايه اصلا؟؟
عامةفى فى رابعة العدوية المسجد اللى فى مدينة نصر
فى حاجات تنميةبشرية للاطفال
حاجةرااااااائعة
رسم وفكر واخر حاجة بصراحة
انا مش عارفة بس اعتقد ان كل المكتبات بيكون فيها رسموحاجت من دى

والله اناشايفةان مش المشكلةان المكان يكون فيه
انا بحس الطريقة هى المشكلة
الناس بتتعا ملمع الاطفال انهم وحوش
فالاطفال بتتحول وحوش فعلا
وهسالك اصحابى اللى فى المعادى

ربنايعينك ويكرمك
وبعدين جبهملى انااظبطهملك تمام
يحفظوا قران
ويرسموا


نونى
واحلى طفلة يا حبيبتى
انتى تنورينى فى اى وقت
ربنايعزك
اسعدنى مرورك

.. نرمين زين الدين .. يقول...

حبيبتي
أري بأنك مثل الأطفال في صدقهم
في بياض روحهم
في قلبهم
فلا أعجب أن تنقلي أحساسا كهذا الذي قرأت ....
ولن أنسي نظراتك وكلماتك علي بعض الأطفال الذي قابلنا في دار زينب عزت ..
و لن أذكرك بغير صفوت والذي ........

أحبك ِ في الله

Soooo يقول...

الف شكر على اهتمامك واسف جدا اني ماشكرتكيش .. بس الحكايه اني سافرت ولما رجعت لقيت الجهاز بيشحور وبيطلع في الروح ولغاية دلوقتي ماصلحتوش

وبالنوسبه لبنات اخويا .. هم حاليا في الساحل ومقضينها بلبطه ولا بيفكرو لا في رسم ولا في اي حاجه .. واوعدك ان شاء الله اول مايبوشو من الميه ويرجعو من هناك هبقى اخدهم كده ونيجيلك هيلا بيلا .. وانتي بقى ومقدرتك عليهم

مره تانيه باشكرك وباعتذرلك عن تأخيري في الشكر
وربنا يوفقك ويكرمك ويسعدك ويرضيكي دنيا وآخره



سلامووووووووووز