الاثنين، 9 يونيو، 2008

قلوبنا الخضراء....


بعد معاناة ووقت وجهد(جهييييد)
وفى وسط12 مادة تانين
بفضل من الله
قدرنا نخرج افلام لا باس بها
مبسوطين من خوض التجربة جداااااااا
حاجة رااائعة ان الانسان يستشعر
انه بيشوف جزء من هدفه حتى لو فى نظرالناس صغير
وبالاخص فى رسوم متحركة
لانك بتفكر فى كل حاجة
قصة وهدفها
تصميم شخصيات
خلفيات
تحريك
مونتاج
اخراج
كل حاجة فيها
وعشان الحاجات دى كلها تتكاتف مع بعضها وتديك الاحساس اللى انت عاوزه
محتاج منك انك تشتغل بقلبك وروحك
مش بفكرك بس
لان الروح هى اللى هتوصل
الفيلم ده جزء من قلبى وعقلى











دعواتكم دوما....

معلشى نسيت اوضح ان المشروع اسمه
اخضر فى اخضر
يعنى الدكتورة رمت لنا الكلمة دى
وقالتلنا فكرواااااااااا
بس خلاص...
فى فيليمن كمان هتلاقوهم عند الفجرية
على جنب عندى

هناك 55 تعليقًا:

فاتيما يقول...

مشموشة
تجننى يا بنت الإيه
حلو قووووووى
و البنوتة الصغنونة دى اللى كنتى رسماهلى على الظرف من بره
دى طلعت حدوتة كبيرة
لازم تسميها بإسم يا شيماء
أنا حبيتها قوى قوى
و يا خرابى على طعامتها و هيا قاعدة فوق البيانو بتسمع المزيكا
و لا و هيا ماشية زعلانة و مدلدلة كتافها كدا
الله ينور عليكى يا شيماء
إنتى فنانة بجد
و فى يوم من الأيام هتبقى حد مهم قوى
و إذا كنتى بأقل القليل بتعملى حاجات حلوة كدا
اومال لو فيه اكتر حنتى عملتى إيه
الله ينور
و مستنيه التانيين اللى بتقولى عليهم
حبيبتى إنتى يا مشموشة

shaimaa samir يقول...

فاتيماااااااااااااااا
اول تعليييييييييييييق
لالالالالالالالالالالالالالالالالا
قلبى بيتنطط من الفرحة
هيحصللى حاجة يا ناس
ده انا لسه منزلاه
وكنت جاية ااقولك
فى حاجة قاتلى لا
هى هتيجى
والله يا فاتيما
قمت داخلةعند سحر وبلغتها
لسة من شوية
واحساسى بيكى مخيبش ابدااااااا

ربنا يخليكى ويكرمك
وشكرا على الكلام الجميل ده
بصى هتلاقى مدونةاسمها الفجريةعلى جنب
ادخليها
هتلاقيها حطة فيلمين عندها
هحاول اجيب اللينكات

بحبكككككككككككككككككككك
خااااااااااااااااااالص

appy يقول...

سكر بجد يا شيماء حاجه صغيرة بس ربنا يوفقك يا قمر يا رب

الطائر الحزين يقول...

مبروك
ربنا يوفقك دوما ان شاء الله

رئـــــيسـة حزب الأحلام يقول...

ربنا يوفقك ياقمر
وينجحك ربنا معاكى
وبالتوفيق

dr.Roufy يقول...

:)
الله بجد يا شيماء
حمييييييييييييييييييييل جدا
تعرفي؟
خلاني ابتسم بجد وأحس باحساس حلو قوي
الرسومات رائعة والسيناريو وطبعا الموسيقى متماشية جدا مع الفيلم
حقيقي أبدعتي يا شوشو
ربنا يوفقك يا جميلة

همس الاحباب يقول...

رائع جدا
والف مبروك وبالتوفيق دائما
وفى انتظار المزيد والمزيد لمخرجةو فنانة مبدعة دائما
تحياتى والف مبروك

صحفية روشة يقول...

النهاردة عيد ميلادى تعالو على مدونتى وسمعونى احلى هابى بيرث داى تو يووووووووو

واحدة مفروسة يقول...

شيماء يا جميله انا شفت اللينك اللى حاطاه فاتيما
حلو اوي الفيلم برافوا ماشاء الله عليكي يا امره

واحدة مفروسة يقول...

توضيح صغنن انا ليه شفته من اللينك بتاع فاتيما لاني كنت عند فاتيما و لاقيتها كاتبه عنه فرحت اتفرجت قبل ماجيلك
هههههه
بس حبي اوضح

مدحت محمد يقول...

ماشاء الله بجد

ربنا يوفقك دايما

المـــفـــــــقــــــــوعـــــة مــرارتـهــا يقول...

احمد وعمورة اتفرجوا علي الفيلم وعجبهم
ابقي ارسمي الواد عمر رسممة كاريكاتورية بقي عشان اعلقها في اوضته ياجميل
ربنا يسعدك ويوفقك ياأحلي وأرق شيماء في الكون

wael kamel يقول...

انا للأسف لم أشاهد هذا الفيلم لأني مش عارف اوصله لكن متأكد انه جميل جدا ربنا يوفقك

فاتيما يقول...

شيمااااء
الفيلم مبقاش شغال ليه ؟؟!!
ناس كتير عاوزة تشوفه اكيد
أنا عزمتهم ييجوا عندك يا قمر عشان يتفرجوا ...
متكسفوناش قدامهم بقى يا بتوع اليوتيوب و تشغلوا الفيلم
لو قدرتى تصلحيه يا ريت
تحياتى يا حبيبتى
أنا كمان
بحبييييييييييك

بنوته مصرية يقول...

حبيبه قلبي

بجد راااااائع انا اتفرجت عليه كله

ربنا يوفقك يارب واعبال ما نشوف اعمال تانية جميله

لكي مني خالص تحياتي

رودي

rovy يقول...

مبروك حبيبتى ربنا يوفقك دايما يااارب
جميل قوى الجزء اللى شفته يا شيماء لان الفيلم علق تقريبا فى النص ان شاء الله ابقى ارجع اشوفه تانى ..
الف مبروك ويا رب بالنجاح والتفوق
ربنا يحفظك ويسعدك ويحميكى
تحياتى
rovy

عرفة فاروق السيوطى ( الاديب العاشق) يقول...

شيماء

لالالالالالا

الاستاذة شيماء ولا احسن

المبدعة شيماء

انتى عارفة الفيديو ده ايه الجميل فيه

انه بيخاطب الكبار قبل الصغار

الصغار يتعلموا منه الامل فى غد افضل

والمحاولة دايما

والكبار يتعموا منه الرقة والحنيه

ده اللى فهمته

وكمان الرسومات اللذيذة اللى فيه

هايلة فعلا

رغم انى مبعرفش ارسم لكن بحب الرسم

قوى

خصوصا رسومات دافنشى بتعيشنى فى عالم

تانى

وشكلى هحب سوماتك

ياريت تنزلى معرض رسومات ليكى فيديو

او صور المهم نستمتع اكتر واكتر بفنانه

عارفة معنى الفن

رجاء آخر

انا كل ما ادخل على مدونتك التانية

عالمى ملقاش حاجة جديدة ياريت تهتمى

بيها شوية

ومعلهش هنتعبك بس ياريت تدخلينا

عالمك

تحياتى

غير معرف يقول...

زهرتى
اللى احلى من الفيلم اللى جميييييييل جدااا
والشخصيات والاخراج وكل التعب اللى تعبتيه ده
الفكرة
انك من اخضر فى اخضر توصلى لقلوبنا الخضراء
وازاى كلنا نبقى قلوبناخضرا ونساعد بعض
شىء راااااائع
ربنا يوفقك ان شاء الله دايماااااا
جنه

النجم القادم يقول...

لالالالالالالالا

الله ينور بجد فيديو حلو

الله ينور ياريس

بس انا عاوزك تعمليلى واحد زيه ماليش فيه وربنا

بس ايه اللون الاخضر ده

بقولك طريقك اخر ومليان زعزيع

هههههههههههههههههه

ربنا يكرمك يارب

وخلصى يلا امتحانات بقى

جنّي يقول...

الفنانة المبدعة

شاهدت الفيلم ثلاث مرات وأحيكي على هذا الجهد والفكرة الجميلة ..

يولد الإنسان على الفطرة النقية السوية بقلوب خضراء غضة مملوءة بالحب .. ولكن يحاول البعض تلويثها بالبغض والكراهية والبعد عن الفطرة السليمة تحت مسميات كثيرة مشبوهة ..

تحيتي وتقديري

said

سومه...مجنونه فى بلد عاقل يقول...

مشمشه
مبروك يا شيماء الكاراكترات جميله تسلم ايدك والتحريك حلو بس تقريبا فلاش مش سى تى بى صح ولا انا احوليت ههههه
جدعه والله والفكره جميله يا م قلب اخضر
تحياتى ليكى سومه_87

الفارس الملثم يقول...

جميله اوي يا شيماء , يمكن الاجمل كمان زي مانتي قلتي انها جزء منك , وانك تبتدي تحولي الكلام النظري اللي تعلمتيه لشئ عملي بيتحرك قدامك وتحس ان تعبك اللي واضح انه خد منك وقت ومحهود كبير متجسد قدامك

ربنا يوفقك ان شاء الله وتنفذي كل الافكار اللي في دماغك ..

انتي صح خلصتي الامتحانات ولا لسه ؟؟؟؟؟؟؟؟

تحياتي
محمد

nonoymm يقول...

حبيبتي شوشو
وحشااني
بارك الله فيكي
انا هحمله واحفظه العيال تشوفوه
يلا المرة الجاية نشوفك بقى نجمة فضائيات الاطفال علشان نعرف نسيب العيال تتفرج براحتها
ربنا يبارك فيكي يارب
تحياتي

د/أبويحيى وادم يقول...

السلام عليكم ورحمه الله وبركاته

ماشاء الله والله الفلم جميل جدا بالنسبه لك كأول عمل فى هذا الامر

ربنا يتقبل
الفكره جميلة والرسومات اجمل

التعقيب كان على شىء واحد وهو ان هناك نوعين من الموسيقى فى الخلفيه ..نقصد لو كان لحن واحد هو الذى بالخلفيه كان سيكون اوضح أليس كذلك؟ لكن العمل ككل رائع حقا والكل يعيه ويسمعه الصغير والكبير وبصدق الكبير قبل الصغير
وفقكم الله دوما وان شاء الله تنتجى لنا اعمال عظيمه فى هذا المحال نحتاج خبراء فى هذا المكان وخوصوا ان معظم الافلام الكارتونيه تكون اجنبية ونحن نعيد تعريبها وما ينتج بالعربيه لايكون بالكفاءة العاليه مثل القادمه من الخارج
ربنا يوفقك يارب ويكتب لك الخير حيث كان ويرضيك به

والسلام عليكم ورحمه الله وبركاته

حبيبـــــــة القمـــــر يقول...

شيموووو
ماشاء الله عليكي قد ايه جميل
ربنا يوفقك دايما ياقمر

على فكرة كنت حاسه اني لو شفتك هعرفك
وبعد ماقريت كلام فاتيما اتأكدت ان احساسي في محله
ربنا يوفقك ياااااااااااارب

Doba يقول...

تعرفى لما تبقى قاعدة كده وتجيلك نسمة هواء نقية وحلوة وتستمتعى بيها وتقولى الحمد لله عالنسمة الحلوة دى

انتى كده

انا مش اتكلمت معاكى كتير لما اتقابلنا ويمكن لاننا فعلا مش نعرف بعض قوى بس انتى حتة سكرة صغننة وماشاء الله عليكى وعلى تدينك وعلى طيبتك وأخلاقك الكريمة اللى واضحة فى عيونك وفى تصرفاتك

الفيلم جميل قوى وفعلا كله طيبة وحب زى قلبك الجميل وعجبتنى جدا الموسيقى اللى شغاله أخدتنى من ايدى ولففتنى وختلنى سعيدة ببنوتة تمتلك عقل وقلب من ذهب

ربنا يفرح قلبك وتخلصى امتحانت على خير ونقابل بعض تانى وتالت

تحياتى وامنياتى بكل التوفيق
هبة

حاول تفتكرنى يقول...

رائع رائع

حاولنا بقدر الاستطاعة أن نكون على قدر مسئولية المشاهدة ، لاننا لن القدرة على النظر ليها بذوق الفنان

لاننا ليس خبراء
ولسنا فنانين
ولسنا فلاسفة

ولكن ظل الاحساس هو السند الوحيد لنا طوال المقاطع ، فأحببنا هذا العمل ، حتى شعرنا أنه فخر لنا نحن وليس انت فقط
انك عبرتى عن كل كياننا فى قلوبنا الخضراء
يكفينا شرف المشاهدة
والاحساس
ندين بالكثير
للمصصم
والديكور
والمخرج


تحياتي

monaliza يقول...

هو فين ياجميل عندى مش باين خالص

كوارث يقول...

للاسف مش عارف اشوف الفيلم
مش ظاهر عندي خالص ومش عارف المشكلة فين
بس الرسوم المتحركة صعبة فعلا
كان نفي اشوفه ..
ممكن تحطي لينكه عاليوتيوب؟

Z_Diva يقول...

بص يا معلم
الفيلم نفسه حلو قوي و رقيق جدا و طفولي -قصدي انه برئ يعني مش شتيمة و الله :))))-
التصميم بتاع المشاهد عاجبني قوي و الخطوط بتاعت الشخصيات كمان, رغم انها بسيطة و خفيفة, بس لذيذة و في الجون يعني:))

بالنسبة للانيميشين اعتقد انكم عملينه فلاش, و بجد معمول كويس قوي, و الزوومينج كان في فعلا كاميرا بتصور و حركات يعني و اخراج مش اي كلام

نيجي بقى للحتة اللي اللي هي, البوست برودكشن يا باشا, في الفيديو, الشغل حلو قوي و ربط المشاهد ببعضها ماشي بسلاسة و محسيتش فيه بالقطع, انا مش عارفة انت ركبتوا المشاهد كلها على بعضها عالفلاش مرة واحدة و لا كان كل مشهد معمول لوحده و اتركب في البريمير مثلا او الافتر ايفيكت -فكرتوني بالذي مضى :(-, عامة يعني الشغل ميه ميه
لكن الاوديو اديتينج يا انساااااات, ليا عنده وقفة, اختيار المقطوعات كان حلو اوي و في الجون, و ماشي جدا مع المواقف, بس الترانزيشن كنت منعدة, فكانت الموسيقى بتتقطع فجأة و تتحول لمقطوعة تانية مختلفة تماما, فكانت بس مزعجة شوية, و كمان قطع الموسيقى نفسه مش معمول حلو, يعني تحسي القطع مقطوعة من نص النوت :))
بس دي النقطة اللي كنت معترضة عليها و اتمنى مش تزعلي مني فيها و انا عارفة ان دي لسة اول محاولات, و كمان اصلا الشغل جامد, بس احنا عايزينه يبقى برفيكس :))

هو في حاجة كمان بس عبيطة و مش قضية و تصليحها ممكن يتقال انه تناكة و الاطة من سموي :))))

في جملة في الخلفية في اخر الفيلم بتقول:
"we all must have a green hearts"
هيا فيه غلطة نحوية صغنونة, لما بنتكلم عن الجمع في الانجليزي بنشيل اداة التعريف
و معلش انا عندي هسهس تصحيح الكلام للناس, و هو اكتر اه في العنجليزي, بس برضون بعملهل في العربي, بس بكتمها في نفسي, لكن انا بقولهالك لانك بتعملي حاجة للنشر و ناس كتير و اغراب هيشوفوا الفيلم ده, فمش عايزين ندي حد يقول للورد يا احمر الخدين, صح يا معلم ولا ايه

بالتوفيق و ان شاء الله من حلو لاحلى, و جو اون يا جميل بجد شغل الله ينور :)

My Hope$ يقول...

مبروك الفيلم
وبجد حلو قوي ياشيماء
انا اول مرة ازورك
بس بجد حسيت بارتياح فظيع
وحاسة اني زي ما يكون ماليت الشاحن بتاعي
من الباور بتاعك
هادي ورقيق
وفي معاني كتير حلوة
بتعرفنا اد اية الواحد لما بيكون بيحب
بيكون راضي وسعيد وشة مشرق من الضحك
ربنا يوفقك واللي الامام
سلام
مني

rainbow يقول...

شيماء الفنانة
الجميلة

اكيد سمعتيها من بابا وماما كتير ربنا يخليهوملك لكن نفسى بجد اقولهالك : انا فخورة بيكى يا شيماء

انتى بجد رقيقة وجواكى موهبة اكبر من اى كلام صغير ممكن اقوله

دعائى الصادق ومودتى الصافية

هدى

إيهاب رضوان يقول...

تحياتى لفنك الراقى جدا ومدونتك الجميلة .

قوس قزح يقول...

عزيزنى شيماء

شغل جميل فعلا و اناعارفة اد ايه الشغل ده بياخد مجهود و وقت و فى الاخر بيتعرض فى ثوانى
الشخصيات جميلة فعلا
و احلى حاجة فيها انها معبرة عن حالتها النفسية بابسط الخطوط .. و اختيار للون الاخضر مع فيلم للاطفال جميل ومناسب جدا

بس ليا ملاحظات بسيطة
بالنسبة للكتابة فى البداية كانت مش واضحة اوى و محتاجة يتعمل لها اوت لاين بسيط
فى بعض المشاهد كانت محتاجة انها تكون فى السنتر بالظبط لانها كانت جايه على جنب شوية

بالنسبة للصوت اتكلم عن z_diva باستفاضة

يعنى لو هنقيم الفيلم كفكرة و اخراج و كله
هتاخدى 8 من 10 و ده معناه انك هتكونى فنانة كبيرة بما ان ده اول فيلم لكى

ربنا يوفقك و نشوف لكى مشاركات فى افلام ديزنى و بيكسار :)

زهرة الياسمين يقول...

فعلا تحفه
فنانه بجد يا شيمو
منتظرين باقى ابداعاتك يا قمر

آفاق الحرية يقول...

السلام عليكم
ربنا يوفقك ان شاء الله
تحياتي

شـــــــــــــــــاب يقول...
أزال المؤلف هذا التعليق.
حـــــدوتـــــة يقول...

السلام عليكم
كلمات جميلة وعميقة
تحتاج للقراءة اكثر من مرة
اختيار موفق

سلالالالالالالالالالالالالالالالالالالالالالالالالالام

nanooo2100 يقول...

بجد يا شيماء مش عارفه اقولك ايه يا حبي
انا بجد شوفته اكتر من مره لانه شدني جدا
وحسيت وانا بتفرج عليه بالصفاء والقلب الطيب
بجد احساس غريب اووووي تملكني
ولا ماقلكيش بقى احساسي لما شوفت البنوته وهي فوق البيانو
بجد تتاكل اكل كده
مش عارفه اقولك ايه يا شيمو
بجد تسلمي يا روح قلبي
وبجد كده نفسي اشوفك مووووووووووووووت

shaimaa samir يقول...

معذرة على التاخير فى الرد
بجد كان عندى تقييم يوم الخميس
والنت كمان فصل
بس هيجى النهاردة ان شاء الله
اذن انا برة البيت الان
المهم دعواتكو جدااا
وانا هرد ع الناس الجميلة على اد ما ااقدر باذن الله
دعواتكو لسه عندى يوم
الاتنين والاربع

shaimaa samir يقول...

آبى الجميلة
ربنا يكرمك
نورتينى بجد يا حبيبتى

الطائر الحزين
الله يبارك فى حضرتك
جزيت الخير
نورت


رئيسة حزب الاحلام
جزاكى الله خيرا يا جميلة على زيارتك
نورتى

المبدعة د روفى
يا حبيبتى تعليقك اللى خلانى ابتسم لابتسامتك الصافية
ربنا يكرمك
ويسعدك
دعواتك

همس الاحباب
جزاكم الله خيرااا
على الكلمات والدعوات الجميلة
نورت

صحيفة روشة
كل عام وانتى الى الله اقرب
جت متاخرة معلشى
نورتى

واحدة مفروسة
ههههههه
هناك او هنا
انا وفاتيما واحد
المهم نورتينى
دعواتك

مدحت محمد
جزيت الخير
نورت

shaimaa samir يقول...

المفقوعة مرارتها
عمووورة خطييييبى
اهم حاجة يعجب عمر
ربنا يباركلك فيهم
وعنيه يا حبيبتى جبيلى صورة حلوة بس
بوسيهووووولىىىىىىىىىىى

وائل كامل
الفيلم موجود فى الصفحة
هتلاقيه متحمل
مممكن تسيبه يحمل وبعدين تشوفه
وقولى رايك

بنوتة مصرية
الجميلة ربنا يكرمك يا حبيبتى
نورتينى فعلا
دعواتك

روفى
حبيبتى ربنا يعزك
بصى سبيه يحمل للاخر وبعدين اتفرجى عليه كله مرة واحدة
نورتينى يا حبيبتى
دعواتك

عرفة فاروق
ربنا يكرمك على تلك الكلمات
والله انتو خلتونى احس بالحاجة باحاسيس تانية
وبعدين الواحد لسه بيحط اول خطوة فى الفن
كان فى تعليق لدكتور عندنا كبير
اسمه د ابو بكر النواوى
كان بيعلق على معرض للفنان العبقرى
حسن سليمان كان معمول من شهر تقريبا المهم بيقول ان المعرض ده نقله قوية جداااااااااااا فى حياته
الفنان حسن سليمان عنده حاجة وسبعين سنه
ودى نقلة ربنا يستر عليناااااا

اما عن عالمى
والله انا هنزل الحاجة
بس مشغولة جدا فى الامتحانات معذرة
دعواتكو جداااااا
اما عن الفيديو
مممممانا معنديش الحاجت الوووووووووواو
انا خايفة بعد ما انزل الحاجة
الاقى بطاطس وطماطم بتتحدف عليا
وحضرتك تيجى تقولى هو ده الفن
ربنا يستررررررررررر!!!!!!!


جنة الجميلة
ربنا يكرمك يا حبيبتى
هو فعلا مسكو لان قلوبكم خضرا
بحبك جدااااا

النجم القادم
احم
يا ريس!!!!!!!!!!!!!!!!!!!!!!!
ايه يا اخ النجم
انا بنت مش واحد زميلك على فكرة
ايموشن بيرفع حاجبه اليمين
المهم ربنا يكرمك
ونورتنى
ودعواتك

الاخ الفاضل جنى
جزاكم الله خيرا على كلماتك
وعلى تعليقك الطيب
دمت بخير دوماااا
دعواتكم

سومة الجميلة
ربنا يكرمك
لا والله التحريك سى تى بى مش بعرف اشتغل فلاش
حركة المشى كنت عملاها فى 32 سلاية
وبعدين خلتهم 17 بس
دى خدت وقت
يالا الحمد لله
بس الشغل كله سى تى بى
دعواتك
ولو عزتى حاجة فيه تحت امرك
دعواتكم

shaimaa samir يقول...

الفارس الملثم
جزاكم الله خيرا
اعزك الله
لا لسه مخلصتش
فاضل امتحانين
دعواتكم

الحبيبة نونو
ربنا يكرمك يا حبيبتى
ودعواتك الواحد يقدر يعمل حاجة

د ابو يحيى وادم
اعزكم الله ونفع باولادك الامة
واعننا الله جميعا واستعملنا ولا يستبدلنا
تحياتى لك
دعواتكم

حبيبة القمر
ربنا يعزك يا حبيبتى
انا نفسى اشوفك جداااااا
واكيد قريب باذن الله تعالى
دعواتك

دوبااااااااااااااا

يظن الناس بي خيرا وإني ... لشر الناس إن لم تعف عني يا الله

ربنا يعزك يا دوبااااا والله انا حبيتكو كلكو جدا واتمنى اشوفكو تانى وقريب كمان لان قعدتكو جميلة فعلاا

ادعيلى جداااااا وربنا يخليلك ابنك السكر
وتشوفيه كدة حاجة عظيمة
بحبك فى الله

حاول تفتكرنى
يكفيك شرف المشاهدة!!!
يكفينى شرف الرد عندى
فهو لا يحتاج الى فلسفة ولا ابداع
هو يحتاج الى قلوب تستشعره

تحياتى

موناليزا
كوارث

الفيلم موجود والله
اكيد بيعلق ولا حاجة
حاولوا تدخلو تانى وتشفوه

نورتوة
كفانى اهتمامكم

shaimaa samir يقول...

الاخ الفاضل
Z_Diva

بداية جزاكم الله خيرا على كلماتكم وتعليقكم الموضوعى لشخص فاااااااهم
معك فى تعليقاتك بكل حواسى
وممكن كمان اخرج اخطاء تانية
هههههههههههه
المشكلة بس ان الواحد لو مركز فى الفيلم مثلا ومعاه مادتين ولا حاجة
الحمد لله معاه 6 مواد تصميم جنبه لا تقل مجهودها عنه
فالواحد حاول بقدر الامكان انه يقفله لان صعب تشتغل طول السنة وفى الاخر متشوفشى غير مشاهد متقطعة
او فيلم من غير موسيقى
يعنى الموسيقى مثلا كانت بالنسبة لى ازمة كبيرة
لان كان صعب ارمى موسيقى واحدة بس فى التراك لان الفيلم فى مشاعر مختلفة هدوء وصفاء فدول مثلا 5 موسيقات مختلفة من سيموفونيات واغانى وخلافه المهم بعد الجهد انى الاقى طبعا الحاجة جه وقت التنسيق والترنسيشن وده تم يوم التقييم نفسه بالليل احم والله مش تقصير بس اكيد حضرتك عارف
فانا مع حضرتك ان النقلات كانت عايزة تكون سموث
اما عن التحريك انا محرركة بالسى تى بى برنامج عقيم كدة لو تعرفه مش بالفلاش ومقفلة الفيلم ع البريمير
الخلفيات فوتوشوب والحاجة كلها متقفلة تحبير اليستريتور
اما عن الكلمة
واحدة زملتى قالتلى
بس والله عشان التخلف فى تخريج الفيلم اللى بيقعد اد كدة كان صعب خالص اصلحهاوبعدين انا كنت ناوية اكتب عربى عشان حاجات كتير بس فى حاجت مينفعشى والله هتكون بايخة اوىىىىى

اسعدنى تعليق حضرتك جدااااااا
والاخراج برضو على فكرة ع السى تى بى
وانا بحب الاخراج جدا ومن اكتر الحاجت اللى نفسى اشتغل فيها
ربنا ييسر الحال

بس بلاش يا معلم
نورت

Z_Diva يقول...

بجد مبسوطة انك مش زعلتي منني, و انا واحدة مش واحد ياخواننا, بذمتك في راجل في الدنيا هي يسمي نفسه "ديفا" برضون :))))))))))))))))))))))))

و خلاص مش هقول يا معلم تاني, بس اصلي بستخدمها للتعبير عن الحرفنة, بس عندك حق هي فجة و بيئة شوية, بس انا باستخدمها كنوع من التهريج مش اكتر :))))

و طبعا انا مقدرة دلوقتي ان لو في حجات صغنونة وقعت منك في النص فده عشان ضغط الشغل عليكي -مهو اختك خريجة فنون جميلة و عارفة المأساة :)))))- , عشان انا كنت فاكره ان ده تييم وورك, بس طلعتي عاملاه سولو, يبقى انت كده احسن كمان مما كنت متخيلاكي :)

بجد ربنا يوفقك, وانت يجي منك قوي, انصحك لما تتخرجي ان شاء الله تخدي كورس في المالتيميديا, بصي في كرياتف سووت بتاعت ادوبي سي اس ثري اسمها
"Adobe Creative Suite 3 Production Premium "
دي لو قدرتي تلاقي كورسات البرامج اللي فيها هتنفعك قوي, او ممكن برضه تخدي منحة وزارة الاتصالات في التراك بتاع الجرافيك و المالتي ميديا, هو طبعا الكورس مش جامد قوي, عشان في برامج كتيير و عايم حبتين, و انتي وحظك بقى في السنتر و الانستراكترز, بس لو انت بذلتي مجهود و كملتي مع نفسك و توتوريالز و كده, هتستفيدي منه قوي

بس يا جميل و ربنا معاكي ان شاء الله, و نشوف شغل احلى و احلى :)

-معلش بطول عليكي, بعيد عنك مرض الرغي متاصل فيا, و العلاج مش جايب نوتيجة :))))-

الفاتح الجعفري يقول...

ماشاء الله فيلم مميز جدا ورائع
يحمل افكار ومعاني ممتازة
استمري وحاولي اكثر ,ربما نري فن هادف متميز جاد في يوم من الايام
جزاكم الله كل خير ووفقكم الي مايحبه ويرضاه

shaimaa samir يقول...

انا كنت لسه فى مدونتك حالا وشفت انثى ورجعت ااقرا تعليقى اشوف كاتبه ايه اصلى فعلا كنت بكتب على اساس ولد
معلشى بقا
ربنا يوفقك
انا فنون تطبيقية مش جميلة
جميلة فيها نظام وتركيز على الحاجة
يعنى قسم جلاافيك بيركز اوى على الافلام والكلام ده
هو قسمنا بناخد كل حاجة
وبصراحة انا حبه ده اكتر
ما علينا
دعواتك
ولما اتخرج يحلها ربنا
دعواتك اتشرفت بزيارتك بجد
وانتى كدة من الناس اللى هزورها فى اسكندرية وتفسحنى
تبع مجداوية (مدونة جامدة جدا)
دعواتك

shaimaa samir يقول...

ماى هوبس
ربنا يكرمك على الكلمات الرقيقة دى
دعواتك دايما
نورتى وهستناكى كتير

رين بوووووووو
الحبييييييييييييبة اللى بحبها اوىىىىىى ونفسى اشوفها جداااااا
ربنا يعزك يا جميلة
ادعيلى كتيييييييييييير
وشكرا على كلماتك الرقيقة اللى زيك
بحبك جداااا


ايهاب رضوان
جزيت الخير
نورت
تحياتى ودعواتكم

قوس قزح
جزاكى الله خيرا نورتىنى فعلا
اما عن ملاحظتك
هى المشكلة فى الريزليوشن قل جدا عشان يترفع على اليوتيوب هو 850 ميجا منزلينه ل 17 متخيلة القرق!!!!!!
تنورينا السنة الجاية فى المعرض وتتفرجى على كل الافلام بريزليوشن عادى
دعوتك

زهرة الياسمين
جزاكم الله خيرااااااااا
على كلماتكم الطيبة
دعواتكم

افاق الحرية
وعليكم السلام ورحمة الله وبركاته
جزاكم الله خيرا
نورت

حدوتة
ربنا يعزك على كلماتك
المهم حاجة من الفيلم تاثر
نورت
بس هى كلماتى مش مختاراها
والفيلم بتاعى برضو
دعواتكم

نانو
ده انا اللى هموت واشوفككككككككككككك
ربنا يكرمك يا حبيبتى
وادعيلى كتيييييير فاضل امتحانين
وشكرا على كلماتك لارقيقة دى
ربنا يخليكى يا حبيبتى

الفاتح الجعفرى
جزاكم الله خيراااااا
وتقبل الله دعواتكم
اعزكم الله

تحياتى

rainbow يقول...

شيماء الجميلة
الصديقة

اردت ان ارى ردك على التعليق من باب الاطمئنان على احوالك عموما واحوال الامتحانات خصوصا
وما ان قرأت حروفك القصار حتى ارتسمت ابتسامة اشكرك عليها من كل قلبى

انا ايضا احبك شيماء ويسعدنى جدا ان اراكِ يوما ما
حاولت ان اجد ايميل لكى فى البروفيل لم اجد علَنا نتواصل افضل

يشرفنى ان اترك ايميلى لمزيد من التواصل بعد انتهائك من امتحاناتك على كل خير .. وفقكى الله

aloohawel@yahoo.com

دعائى المتواصل
مودتى الصافية

هدى

خبيب يقول...

خطيييييييييييييييييييييييييييييير
الفيلم

ما شاء الله

غير معرف يقول...

لمّا اتفرجت على برنس أوف إيجيبت
مووووزيس وعصاه والجبل والمناجاة وشق البحر والسقيا بعد أن يصدر الرعاع
وابونا شيخٌ كبير
وجدت الرسم بينطق إحساس
والناس لابسة توب المشاعر الدافية
وبألف عافية
وفريق جرار من العمال ومن الأسرار
قلت أكيد ديزني وآل ديزني سابقينا بألف عام بالتمام
والمقارنة أكيد ظالمة وجاهلة بالإمكانيات
اللي عند الصبيان وعند البنات
من أهل بلدي
بس النهاردة قلت يمكن نقبل التحدي
وإتفائلت خير لأن البداية قلوب خضر
وإتفائلت أكتر لما لقيت اللي أخرج
واللي حرك واللي فكر واللي دبر
نص اسمه يبقى ماء
وناظر للسماء والضياء والبهاء
تحياتي لعبقريتك شي ماء
وألف مليون سلام للقلوب الخضر
في عموم مصر
أشكرك على تحيتك الكريمة
في مدونة رجل المطر
zerooooo
خمسون عاما من السفر

الراقص مع الذئاب يقول...

السلام عليكم
ربنا يوفقك إن شاء الله
جميل يا شيماء

shaimaa samir يقول...

الاخ الفاضل
خبيب
جزيت الخير لمروك هذا

تحياتى

زيرو
يا مرحبا
زيارتك الاولى
استعجب من عدم عمل مدونةالى الان
جزيت الخير على تلك الكلمات الصافية
تحياتى لك

الراقص مع الذئاب
جزاكم الله خيرا
على مرورك

تحياتى

Whispers just for a Night يقول...

الاعتماد على الرمزية سر جمال ذاك الإنتاج الرائع

والقلوب الخضراء حينما تمثلت تمثلت في أمل الغد وطفل اليوم.

مجهود راقي ورائع والصمت فيه أبلغ من كل الكلام

إحترامي وتقديري

Soooo يقول...

طب والله فرحت لما شفت اسم كليتي
يااااااااه
فينك يا كليه وفين ايامك
وفين ايام عم عبده بتاع الشاي والقهوة في قسم سينما
وفين ايام عم محمد في قسم زجاج
وفين ايام المشاريع والبيات في الكليه
وفين ايام المسرح
ياااااااااااااه
عظيمه ياتطبيقيه
---
نيجي بقى للفيلم اللي انتي واضح انك تعبتي فيه وطالع حلو قوي بصراحه

بس لو خدتي بالك من كام نقطه صغننين هيطلع احلى بكتير

نمسكهم واحده واحده

المقدمه والتترات .. حلوه قوي .. سواءا على مستوى التنسيق نفسه في الكادر او على مستوى الفونط واللون

المزيكا متماشيه مع التتر ولو اني لي اعتراض صغير على المزيكا وحاسس انها اتسمعت كتير .. ولو كنت استعضتي عن المزيكا دي بمزيكا تانيه تكون ماتسمعتش كتير او مزيكا عباره عن مجموعة تيمات معينه وتزيد من نفس التيمه في لحظات التوتر وتقل بنفس التيمه في لحظات الصفا .. اعتقد ان ده كان هيبقى احلى وأوقع

في الثانيه الخمسين .. الشوت طول شويه .. خصوصا وان كل عناصر الصورة كملت .. لو كنتي عملتي زووم ان بمجرد ما العناصر اكتملت على طول كان الايقاع هيبقى اسرع وهيشد اللي بيتفرج اكتر نتيجة وجوود ايموشن اكتر

من اللحظه دقيقه تلاته وعشرين ثانيه للحظه دقيقه سبعه وخمسين ثانيه وانتي بتعرضي صور مختلفه للبنت وهي في لحظة انكسار نتيجة الموقف اللي حصل .. مش معايا ان اربعه وتلاتين ثانيه كتير لتوصيل الحاله دي
كانت كفايه صورتين بس بتايمينج سبع ثواني لكل صورة .. او خمس ثواني لكل صورة لو هتعرضي التلات صور كلهم

اللقطه اللي بعد لحظة الانكسار غير مبرره بالمره .. خصوصا وانك جايباها مبتسمه قوي واعتقد انها لسه من جواها متضايقه من الحدث .. وبيتهيألي لو بدأتي باللقطه اللي بعد اللقطه دي وعملتي شغل ديزولفات او تداخل من غير فواصل على اللقطه دي كان هيبقى اوقع .. خصوصا وانه صالحها وبالتالي ده مبرر قوي لابتسامتها العريضه

عاجباني قوي حالة يلا نرسم والشغل اللي بالقلوب الخضرا وحاسس انك لو كنتي لعبتي في الجزئيه دي تاني - وانا عارف ومقدر انها متعبه موووووت - كنتي هتخلقي حالة حلوة قوي بزياده عند المشاهد او المتلقي .. وماكنتش احب انك تحطي اللقطه اللي هي زعلانه في اخر مجموعة لقطات عشان تخلي الابتسامه على وش المتلقي تفضل مستمره من غير مايفتكر الموقف اللي حصل
عملا بالمبدأ .. اللي فات مات

تتر النهايه حلو قوي وايقاعه ناعم جدا .. بس برضه شريط المزيكا كان لازم يعلى شويه عشان يدي حالة بهجه عامه .. زي بالظبط الاوركسترا لما صوتها بيعلى في اخر مقطوعه

اخر حاجه بقى .. انتي هايله جدا الحقيقه وتجربه تستحقي التصفيق الحاد عليها

بس ايه ده .. هم دخلو التكنولوجيا عندنا في الكليه دلوقتي وبيخلوكم تعملو شغل كومبوتر
كومبوتر
كومبوتر ياتطبيقيه

طب ده انا دكتور سعيد فرحات رئيس قسم حديد طلع عيني ومارضيش يستلم مني مشروع سنه تالته عشان كنت عامله اوتوكاد

والله وعشت وشوفت كليتنا تطورت وبقت بتواكب التكنولوجيا ياجرعاااااان

وربنا يوفقك ويسعدك ويبسطك ونشوف افلام تانيه ليكي قريب ان شاء الله



سلامووووووووووووز