الجمعة، 6 يونيو 2008

لقااااااااء ولا ع البال ولا ع الخاطر؟؟



بما انى عايزة ابدا مذاكرة بقا عشان كدة هزار
بس مينفعشى اليوم ده يعدى كدة
من غير حتى ما ااقول كلمتين ع الماشى
لكن طبعا احساسى بيه مش ع المااشى خااااااااالص


بعد ماعرفت قدرا الساعة 2.30 بالليل ان فى تجمع النهاردة الجمعة
بجد مش هحكى كتير عن القدر اللى خلانى اعرف الميعاد
سواء من انى اكون صاحية للميعاد ده
اوادخل مدونة الغالية هدى
لا وادخل التعليقات كمان
واشوف فاتيما بتقولها ع الميعاد
ششششششششششششششششششششششششششش
خلاص ننسى الكلام ده



والحمد لله رحت
وبرضومش هتكلم عن التيسير اللى حصل
انى اروحلهم
لكن الحمد لله وصللللللللللللت
والمفاجاة
انا مش عارفة حد غير فاتيما
وحتى فاتيما
مش علاقتنا قوية
اكنى رايحة متطفلة كدة
(ايموشن بيهرش فى راسه)
ماعلينا
انا ليا هدف معين
اتعرف ع الناس بجد
واشووووووووووووف فاتيماااااااااااااااااااا
(ايموشن خجلان)
وفعلاا شفت الناس
الاغرب ان كل المدونات اللى شوفتهم
مش بنعلق عند بعض اصلا
واعتقد ان دى انطلاقة وشىء مختلف
الكل بيعلق عند التانى وبعدين يتعرفوا
انا لا نتعرف بعد كده نركز مع بعض
جديدة دى والله
(ايموشن مبين سنانه وبيضحك)



شفت


بنت خيخة
بشقاوتها اللى حساها حد فى 3 اعدادى مثلا
احم من غير ضرب
وهزارها وبساطتها خالص فى التعامل

وابنها الامور اللى مش شبهها قصدى شبها هههههههه


آبى
العاقلة المجنونة
وكلامها الجامد
الجديد على اذنى
احم احم هههههههههههههههههه


بنوتة مصرية
وبنتها اللى علاطول نايمة ولا اكنها بتذاكر
بنوتة مصرية
حسيت فيها بجدعنة غير طبيبعة فعلا صدقت انها سمت نفسها كدة
هى فعلا بنوتة مصرية


شاهى
الرقيقة صاحبة الاحساس المرهف
والوقار


دوبااا
ان ااااااااااااان وهى بتكلم ابنها الفظيع
كان شكلها تحففففففة
بخلاف انها كانت بتتناقش بحرقة اوى واتخضيت اول ما جيت هههههههههه
بس هى فيها من الجدعنة كتييربرضو ودمها خفيف خاالص


المفقوعة مرارتها
كارثة هى واولادها
بجد كنت متخيلاكى زى ما قلتلك ههههههه بس طلعتى خالص
وبعدين ده انتى مش شقية كدة زى المدونة
اولاااادك ربنا يباركلك فيهم
احمد وعمر
انا مش عارفة ترتيب الاسماء كل اسم مين الكبير والصغير
زهايمر بعيد عنك

(ايموشن مكسوووف)
بس رهيييييييييييييب ابنك اللى فمه زى الفرولايه ده
وحنين خااااالص جداااااااااااااااااا
ممكن يستنانى اخلص بس واجى اخطبه؟؟


سومة
برضو اهدا فى الواقع عن المدونة خالص
هى المدونة افراج ولا ايه
ايموشن بيفكر بعمق
وطبعا قرينة الفن


نبضات
جت قبل ما امشى
بس مبسوطة انى شفتها جدااااااااااااااا



فاتيماااااااااااا
ااااااااااااااااااااااااااااااااااااه والف اااااااااااااااااه
يا شقيقة الروح 2 (ايموشن بيغمز)
بصى انا مش هتكلم
لان الكلام مش هيعبر
فاسمحيلى انى اسكتتت



بجددددددددددددددددددددددددددددد
انتو حلويييييييييييين خااااااالص ومبسوطة والله انى عرفتكو جدااااااا
ومحدش يزعل من اى كلام
لانكو احلى من اى كلااام فعلا
والقاعدة معاكو تحفففففة وياريت تتكرر تانى كتيييييييييييير
انى احبكم جميعا فى الله
البوست الجاى هيكون هدية للاطفال والكبار ايضا
مشروع رسوم متحركة


ادعولى اذاكر بقاااااااااااااااااا

هناك 23 تعليقًا:

Ahmed Mubarak يقول...

ربنا يوفقك في امتحاناتك

تحياتي

آفاق الحرية يقول...

ربنا يوفقك في مذاكرتك ان شاء الله
شدي حيلك

جنّي يقول...

الشيماء
السلام عليكم
كل دا ولسه ما ذاكرتيش بالزمة دا كلام ..
توكلي على الله وشدي حيلك
ربنا معاكي يوفقك

تحيتي

said

Mafrousa يقول...

إهئ إهئ ياابختك
انا مش رحت معااااااهم

rtrcbh يقول...

السلام عليكم ورحمه الله وبركاته

ادام الله حبكم فى الله وجمعكم دائما على خير

اجمل حاجه قراتها منك فى هذا الموضوع
(انا ليا هدف معين
اتعرف ع الناس بجد)
حقأً احييك على هذا الهدف وهذا الفكر وهو الا تكون حدود التعاملات عالم وهمى بل الخروج بها ايضا الى ارض الواقع لان هناك أشياءء كثيرة ستختلف
اكيد أنتى لاحظتى هذا فهناك من كانت علاقتك به بسيطه ستصبح اقوى وهناك ايضا اعتقد التفكير فى العس لاناس أخرين

وفقكم الله فى دراستكم وامتحانتك وجعلك من الناجحين المتفوقين الاوائل باعلى الدراجات نريد فنانه ترسم لنا اعظم اللحوحات التى تعبر عنا وعن مشاعرنا واحاسينا ومشاكلنا
جدى كان استاذ بكلية الفنون الجميلة ونحات معروف
السلام عليكم ورحمه الله وبركاته

المـــفـــــــقــــــــوعـــــة مــرارتـهــا يقول...

انا موافقة بس الشبكة علي العروسة ماعندناش رجالة تجيب شبكة لستاتها
ًإيموشن فاتح بقه وبيسخسخ من الضحك

Asmaa mahaba يقول...

ههههههههه دا مفقوعه جريت علقت اهى
لالا سرعه منقطعه النظير ...حلوه ايموشن بيفكر بعمق دى بس انا من طبيعتى فى اول قعده مع اى حد محبش اتكلم كتير احب اسمع الناس اكتر واخد فكره عن شخصيتهم وبعدين اشوف مين اقدر اندمج معاه عشان كدا تقريبا النقد او التعليق الوحيد اللى اتقال عليا انى مش مجنونه وهاديه وعاقله ههههههههه والله انتوا اللى عاقلين ومخدوعين
انتى زى العسل يا شوشو
ياله ربنا معاكى
تحياتى ليكى سومه_87

أم أحمد يقول...

ادخلي عندي في المدونة دي وانتي تلاقيله صورتين
صورة البروفايل وصورة في موضوع قديم اسمه عمورة ملك الأختزال
انا أقدر أتأخر عليكي

rovy يقول...

ربنا يوفقك يا شيماء انا والله ما بأنساكي فى دعايا ..
توكلى على الله و ذاكرى وان شاء الله نطمن عليكى .
دمت بخير ووفقك الرحمن ورعاكى

تحياتى

rovy

فاتيما يقول...

مشموشة
يا حبيبتى أنا كمان موش هعرف أتكلم و لا أقول حاجة خاااالص
بصى أنا هقول اللى كتبته فى البوست عن اللقاء دا
إنتى جيتيلى فى وقت كنت محتاجاكى فيه قوى ...
أنا سعيدة إنك جيتى و قابلتك و موش عارفة كل شويتين امسك الكرت بتاعك أقراه و أرجعه جنب الكمبيوتر تانى
موش عارفة أتكلم عشان ساعات كتير الكلام يبقى أقل قووووى من الأحساس الغامر ....
ربنا يوفقك فى كل خطوة تخطيها عشان إنتى بنت حلال قوى
و طيبة قوى
و عاطفية قوى
و يا ريت كل حد يقابلك يعرف قدرك و يعاملك كما تستحقين
أنا هاخد مدونتك دى بقى واحدة واحدة كدا و على مهلى عشان أعرفك اكتر
خلى بالك من روحك
و هتلاقينى عندك علطول يا جميل
وش بيبعتلك بوسات طايرة فى الهوا

Empress appy يقول...

بجد يا شيماء انتى اللى سكر وسيبناكى بس علشان خاطر مذاكرتك بس عموما ان شاء الله يا قمر هنتجمع تانى ونلعب تانى انتى فاتك لعب يا بنتى يا نهارررررررر يالا المرة الجايه
ربنا معاكى فى مذاكرتك يا رب

قوس قزح يقول...

خسارة انى ملحقتيش اتعرف عليكى :(

شق القمر يقول...

شوشو زهرة
بجد وحشااااااانى موووت
انا اللى بعتذرلك حبيبتى
لانى بجد نفسى ليل نهار ابقى هنا فى فنك وكلامك وروحك الجميلة
بس برده امتحانات
اصبح من الصعب اجد الصبر وروح الرد على التعليقات
ولكنى تابعتك حبيبتى
وبجد كان نفسى اكون بينكم
واعرف الناس اللذاذ باولادهم
واتعرف بيكى بالخصوص زهرة
ربنا يبارك فيكى ويفتح عليكى
ويوفقنا لما فيه الخير ابدا
واشوفك عن قريب باذن الله :)
طمنينى دوما عليكى

dr.Roufy يقول...

:)
شكله كان يوم جميل ياشيماء
يلا بقى على الله يكون رفع من روحك المعدنية ..وتذااااااااااكري بضمير
:))
ربنا معاكي يا بشمهندسة

منى يقول...

الله
حلو اوى اللقاء المفاجاءه ده
ربنا يوفقك فى الامتحانات
قوليلى انتى هتخلصى اامتى
تحياتى وحبى

غير معرف يقول...

السلام عليكم

شيماء

هو انتى فى هندسة ولا فنون انا

كنت فاكرك فى فنون وبعدين دكتور روفى

بيقولك باش مهندسه

المهم المدونةدى جميلة فعلا ودى مش اول

زيارة طبعا المهم يارب تفضلوا

تتقابلوا وتفرحوا كدة

بس انا بحب مدونة عالمى جدااااااا

ده ميعنيش انى مش بحب دى بس اتمنى عالمى

تفضل على هذا النمط على طول

وربنا يوفقك فى الامتحانات وعقبال

مشروع التخرج اللى لازم تنشريه

تحياتى

الاديب العاشق

عرفة فاروق السيوطى

"النجم القادم" يقول...

وربنا ماينفع كده

يلا قومى ذاكرى

انتى قاعده نت ايه ده هو فيه كده

هيهيهيهيهيهيهيه

انا خلصت امتحانات

هيهيهيهيهيهيهيه

عاشــــــ النقاب ـقــــة"نونو" يقول...

شوشو باذن الله المرة الجاية اكون معاكم
قومي ذاكري متجمعين دايما في الخير يارب
تحياتي

doctor mohamad يقول...

هو التجمع ده كان نسائى فقط و لا إيه؟ .. دى عنصرية بقى!! .. >إبتسامة<.

موناليزا يقول...

بالنجاح ان شاء الله واحلى حاجة بجد ان كل واحدة فيكم بتحكى عن اللى حصل وده مخلينى متخيلة قد ايه اللمة كانت حلوة
يارب تتجمعوا تانى على خير

Unknown يقول...

جمعكم الله دائما علي الخير والطاعة والحب في الله
ربنا يوفقك ويرزقك النجاح والتفوق
وجزاكم الله كل خير

shaimaa samir يقول...

بجد لتانى مرة
بعتذر عن عدم الرد

معذرة
هخلص وهرد ردوووود مضعفة

واشكركم جميعا على دعواتكم
اعزكم الله

تحياتى

sama يقول...

ربنا يوفقك يا شيماء في الامتحانات ولا تكوني افضل الناس بل تكوني انفع الناس للناس لأنك تستاهلي كل الخير وليس كل خير وأكيد المقابله بينكم كانت جميله جدا لأنك الواقع يختلف عن الخيال ربنا يوفقكم جميعا لما يحبه ويرضاه