الأحد، 11 أبريل، 2010

براح..




ريشة ويّا ريشة
يكمل الجناح
والله أحلى عيشة
عيشة البراح
واحنا لو طيور
كان يحوشنا سور
أو جبال تصدّ شوقنا
ولاّ موج بحور
إحنا كنا طرنا ع القمر سهرنا
وفى ثواني جينا تاني نحضن الصباح


****
قشّة جنب قشّة تبقى أحلى عشّة
لا الغصون قليلة أوظروفنا حايشة
أو ظروفنا حايشة
ده احنا كنا دبنا من حنان قلوبنا
لا اشتكينا من تعبنا أو من الجراح

****









هناك 7 تعليقات:

فاتيما يقول...

عينى يا عينى

آه يا يانى


ع العصافير اللى مغرفانا
حب و زقزقات


و كمان على الحجار

و ريشة ويا ريشة


يا خراااااااااشى


انا بحب الشريط دا كله يا مشموشتى
فيه حاجات تحفة تانية


احنا نتمنى بس انه تكون
الاختيارات الطيورية
اللى مالية السما دى
جاية نتيجة روقان عالى
و رسايل للعصافير التانية الحلوة بتاعتنا ..صح ؟؟


بحبك يا عصفورتى يا صغيورتى

ربنا يسعد قلبك دايما
يا الف احتمال و احتمال

يــوم جــديد يقول...

ريشة وعصافير وطيران
جو من الهيمان في ملكوت السماوات والأرض :)
مشيها كده مؤقتا لغاية ما أفهم ايه الحكاية
ربنا يسعدك يا شيم يا صغنونة قلب مامتك
ويفرح بك مامتينك (والدتيك ):)

ويرزقك من حيث لا تحتسبين
بس لما يرزقك بقى نبقى نقاسم بالنص :)

shaimaa samir يقول...

فاتيما حبيبتى

وحشانى خالص

وبستاذنك جدا
لما يكون فى تجمع خيرى فكرينى قبلها بيوم

انا غلسة عارفة
والله بشوف الخبر وبنسى اليوم بعد كدة
انتى عارفة الفترة دى صعبة شوية

انا شخصيا مش عارفة فيه ايه
حتى كنت بفكر فى بوست معين عن اخر 3 بوستات

انا مش من هواة سماع الاغانى
دى اغانى فى الذاكرة
ماسكه بمعنى
واللى معلقة معايا بتاعة بنت وولد برضو اوى
وانا طير فى السما دى
حاجة خرافية
بابتسامته التى تعطينى كل تفاؤل الدنيا

ادعيلى دايما
وبستناكى دايما

بحبك

shaimaa samir يقول...

جنة القلب
حبيبتى يا هلا
اشكر دعواتك هذة جدا

همشيها كل حاجة
لانى انا شخصيا مش عارفة

بحبك

مصعب صلاح يقول...

السلام عليكم
الطيور اللي أيام دي عاملة شغل
اغنية رائعة لعلى الحجار
دمتم

بنت بضفاير يقول...

شيماء
مش عارفة اقولك ايه إحساسي لما لقت المدونة بتاعتك على صفحتي الخاصة
أنا بحب الأغنية دي وليها معايا ذكريات منسية لكن طعمها جوايا
معرفش ليه بفتكر البحر اوييي والفساتين المنقوشة
وكمان بيجيلي حنين غريب لبحر مطروح
مشكورة حبيبتي:)
وتسلم اديك:)
سلام عليكم

جنّي يقول...

السلام عليكم

كيفك يا شيماء

انقذني تعليق فاتيما !!!!

المهم الحمد لله على هذا المود ..

بداية الائتلاف مع الفن ..

فهل نبشر بعمل كبير ان شاء الله ..

نحن في الانتظار..

تحيتي وسلامي