السبت، 15 نوفمبر 2008

أخافهم.. ولكــــــــن




















نعم اخاف الفئران
ولكن اليس لهم الحق
فى القليل من المرح!!!!
واليس لنا الحق
فى قليل من
الابتسام
:)
_ما وراء المعنى 2_


هناك 43 تعليقًا:

ايمان مجدى يقول...

شيمو انا اول تعلييييييييييييق

فاتيما يقول...

يا حلاصى ى ى ى ى
على الطعامة
أنا بقى مبخافشى يا مشموشة من الفرافير و الواد الطعامة يوسف كان عاوزنا نشترى فار هامستر زى الكارتون عشان نربيه كان أسمه همتارو حاجة كدا
و طبعاً منفعشى عشان كنا بنربى قطة و كان لازم يضحى ...فقرر ياجل حكاية الهمتارو دى شويتين ...
بس عندك حق
الفرحة حق مكفول للجميع
قبلاتى يا عصفورة يا صغيورة

ايمان مجدى يقول...

اخاف الفئران بشدة ولكن احب تخيل الحيوانات وهى تعيش حياتها كما نعيش نحن حياتنا
عندما اتحدث الى احدى قططى بعد انهاء كلامى اقول لها سمعتك لا تقولى ذلك هذا عيب انا الكبيرة ( لانى دائما اتخيلها تتكلم وترد على كلامى )
لكل كائن حى الحق فى ان يعيش حياته بحرية
الصور جميلة جداااااااا

حمامة يقول...

لذيذين اوى
:)

شق القمر يقول...

والله مفيش حد مصدقنى
اقولهم الفئران دى مخلوقات جميييلة
يقولوا مجنونة
أقولهم دى وشها مسمسم وجميل
يقولوا اتهبلت
أقولهم عيونها كانها بتكلمكم
يقولوا ربنا يهديكى لعقلك يارنا

والله ولا أروع الصور دى ما شاء الله

فعلا فعلا القليل من المرح

تصدقى اننا بنتعلم
يعنى لو لقيتى ناس ممكن مش تتعودى على شكلها او طباعها او افكارك عنهم تبقى مرتبكة

تلاقيهم ناس شداد او مش ظراف بس تلاقيهم مع نفسهم مرحين

أكيد محتاجين نبص بنظرة مختلفة خالص للى حوالينا

منهم نفسنا اللى بنخاف نهتم بيها
أكيد محتاجة اوقات للمرح دا


بحبك يا شوشو

وأنا كمان فى البكالوريا
بس هخلص فى شهر واحد 2010

بالتوفيييييق حبيبتى
وموضوعك دا لا يسعنى الا انى انشره للأوساط اللى ادعت الهبل والجنون علىّ

saragebaly يقول...

أخاف الفئران جدا

لكن اعترف لهم بحقهم في العيش والمرح

في النهاية

هم مخلوقات

فائق احترامي وتقديري

سارة

*الطالبة عفو الله *زوزو يقول...

الفئران بخاف منهم بس بيعجبوني

الصور الي حطتيها ليهم جميلة اوي

بس انا بحاول اوصل للمعنى اعرف انك تقصدي شيء تاني بكلامك بس معرفتش اوصله

ابقى قوليلي

dina يقول...

بسم الله

ماشى يا رنا ماهو جالك موضوع بتحبيه
مش هتشبعى كلام بقى

صور لذيذه بجد
هما هنا شكلهم حلوين وكده
بس بردو بخاف منهم
بيفكرونى بايام الفارما فى الكليه

goooooood girl يقول...

your blog is very good......

Mafrousa يقول...

تخافيهم بس
ده انتى شجاعه

Ahmed Othman يقول...

و لماذا القليل
و لماذا الكثير
دعيه مطلقا
لهم الحق في المرح
و لنا الحق في الابتسام
------


المهم ان لا يكون الابتسام
مظهرا يواري خوفا أو مقتا
لذا فاجعليني في قاعدة الاستثناء
لن أبتسم

تحياتي لما وراء المعنى
و اليوم حان دوري
لتقديم الاعتذار
اعتذار التأخير

غير معرف يقول...

شيماء

أنا أكرهها جداا

لكن لا أخافها لذلك أقتلها

ولكن هل نستطيع فعل ذلك دوما

تحيتى

goodman يقول...

اذن
لا تجعلى الشيخ المنجد يدرى عن ذلك الامر
عسى ان نستفيد من محنة المرحوم ميكى ماوس

Hanan Said يقول...

شيماء حببتي
وحشاني خاااااالص خاااالص


عارفه انا الفائران دي اكتر حاجه مش بحبها خاااالص وبقرف منها كمان خالص

بس الصور دي جميله اوووي
ويأما هقول دول مش فئران
يا شكلي ححب الفئران ولا ايه

تحياتي لك حبيبتي

Mahmoud farag يقول...

ما وراء المعنى ... ؟!!

معاني كتير جدا

كل كائن حى ليه طريقته في المرح و الفرح نعلم بعضها ... و اخرى لا يعلمها الا الله

ــــــــــــــــــــــ

منستكترش الفرحة على اى شخص ... و نفرح لفرحه ... ده احنا كلنا اخوات في الاسلام

ـــــــــــــــــــــــــــ

بنخاف من حاجات كتير اوووي و في نفس الوقت برده بنحبها ... زى ما فيه ناس كتير بتخاف من البحر و في نفس الوقت بتحب هواه و تحب النظر اليه

ــــــــــــــــــــــــ

و فيه معنى جامد جدا : لو دخلك فار البيت نسيبه في حاله و نرحب بيه ... عشان الفيران بعد الصور دي طلعت لطيفة جدا ... هههههه

ــــــــــــــــــ

تقبلي مروري ... و يسعدني زيارتك لمدونتي ...

"النجم القادم" يقول...

بجد انا كمان بخاف من فران

بس شكل الصور حلوة ربنا يكرمك يارب

WSMA يقول...

انا بحب الفران البيضه اوي
دا انا حتي قلت لاختي تجبلي واحد من عندها من الكليه عشان بتعمل عليهم تجارب
عموما انا بحب اي حيوان صغنن
بحس فيه بالبراءه زي الاطفال
سعدت بمروي جدا من مدونتك

shaimaa samir يقول...

شخبطة اهلا بيكِ اول تعليق والثالث كمان:)

شكرا لمرورك الجميل
وانا بعشق القطط برضو
وبكلمهم

نورتِ



فاتيما

قلبى.. كيفك
الفرحة حق
مكفولة للجميع!!
لمن يختارها فقط يا فطومى

تحياتى

shaimaa samir يقول...

حمامة

نورتِ


رنا

نصفى الاخر

لا تنسى وضع اسمى بجوار الحملة اللى هتشنيها ضدهم هههههه

اهم حاجة الانسانيكون كويس مع نفسه
كل حاجة هتتظبط

ربنا معاكِ فى البكالوريا
شهر يناير شهر ميلادى:)

shaimaa samir يقول...

سارة الجميلة

لهم الحق
للجميع..

تحياتى


الطالبة عفو الله

نورتينى
كفى الصور انهااعجبتك

المعانى لاحصر لها
احببت ان اترك لكم فيض التخيل

نورتِ

shaimaa samir يقول...

دينا

اهلا بك
اول زيارة كدة يكون عندنا فئران:)

جزاكى الله خيرا
ايه الفارما دى؟؟!!

goog girl

thanxxxxx

shaimaa samir يقول...

واحدة مفروسة
هههههههههههه

اشكرك كثيرا
ضمنت صفة من احد

وجه جديد
د احمد
الن يحق لنا قليل من الابتسام
حتى ولو كان مصطنعا

هكذا كان باقى التعليق وحذفته وانا اضع البوست

كلماتكم رائعة
لها عمقها الدائم
لك ما تشاء وتختار
فالفرح والحزن وجهان الحياة
فلنختار ما نشاء
دون المساس باوجاع قد يسببها اى منهما

تحياتى لك كثيرا

shaimaa samir يقول...

المحارب المتيم
تقتلهم!!

شجاعة منك ايها المحارب

ليتنا نستطيع حتى ابعاد كل من نكرههم
وليس قتلهم
بل ليتنا نستطيع ان نقوم بفعل واحد

تحياتى لك


good man

ربما لم افهم ما قصدته
المنجد!!
يعنى فهمت شوية ميكى ماوس:)

نورت

shaimaa samir يقول...

حنان سعيد
وانتى اكتر حبيبتى

هههههههههه
لا الصور دى
فانتازيا
كبقية حياتنا

تمثيل
زيف



محمود فراج

اهلا بك
شكرا لتعليقك
ولكن

منستكترش الفرحة على اى شخص ... و نفرح لفرحه ... ده احنا كلنا اخوات في الاسلام

لم استكثر الفرحة عليهم
بل اشد من ازرهم لكى يفرحوا

هكذا نحن
فى اشد حالات حزننا
نامل ان نرسم بسمة على وجوه البشر
لعل بسمتكم ترسم اخرى على قلوب حزينة

تحياتى

shaimaa samir يقول...

النجم القادم

اهلا بك

جويت الخير نورت


wsma

هما حلوين
لكن اطفال دى
لما اشوفهم فى الواقع احدد

نورتينى

شق القمر يقول...

حبيبتى
كيف حالك ؟؟
كتير على النصف التانى والله
ربنا يحفظك ويخليكى شوشو
على فكرة والله انا استبشرت خير من قبل ما ابدأ الدراسة
كل سنة وانتى طيبة مقدما حبيبتى

بالنسبة للفارما اللى كتبتها دينا
ودينا من كتاكيت دفعتنا ربنا يبارك فيها
هى مادة دراسة الأدوية
وعشان نعمل تجارب الأدوية والمواد المخدرة والمهدئة والمواد المنشطة
كان لازم نجربها على فئران تجارب اللى هى البيضا دى بس أصغر حجما من دول الصراحة :))
وكذلك عالضفادع وعلى الأرانب
شوية لعب كده اى واحد فى طب بيدرسهم فى عملى مادة الفارما
كان الله فى العون والله :))

تسلميلى شوشو
بحبك :)

Dr. Ibrahim يقول...

الإبتسامة هى جواز السفر للمرور لقلوب الآخرين

---
الإبتسامة لا تكلف شيئا ولكنها عتنى الكثير

د إبراهيم

ghoneem يقول...

السلام عليكم

أنا بكره الفئران جدا جدا ولكن ...!!!

بجد تسلم ايدك ماشاء الله صور جميلة جدا جدا جدا
أنا بستمتع لما بزور مدونتك وأجد البوست يحمل الصور المتميزة دي
وطبعا لو البوست شعر كمان بستمتع مدونة جميلة لشخصية متميزة

سلمت يداكي

تحياتي وخالص دعائي

بالتوفيق..................

الفارس الملثم يقول...

بداية انا متشكر اوي يا شيماء علي سؤالك في المنتدي , ربنا يخليكي

تعرفي نظرتنا للاشياء ساعات كتير بتختلف لو احنا شفناها من زوايا مختلفه , بالظبط زي شخصيه جيري اللي كلنا بنحبها ونبقي مبسوطين اوي لما بتنتصر علي القط مع انها بتمثل شخصية فار يمكن نموت من الرعب لو لقيناه ادام عنينا

بس الفيران دي شكلهم عسل اوي هههههههه

منة الله يقول...

السلام عليكم .. شيماء ..

أنا منة الله صاحبة مدونة طيف

اتمنى انك تكوني كويسة

ممم بصي يا جميلة انا عايزاكي في خدمة

و يا بختك يا فاعل الخير :D

انا عندي لوحات عايزة اطبعها و اعلقها في البيت

بحيث اللوحة ما يكونش لها اطار

مجرد زجاج من فوقها ممسوك بمسامير

انا مش عارفة الحجات دي تتجاب من فين و تكلفتها كام

فياريت ياريت لو تساعديني في القصة دي

و جزاكي الله خيرا

mostafa rayan يقول...

بصراحة انا مختلف معاكي يعني هما يفرحو واحنا نتفزع
هما مالهمش اي حق غير يموتو بالسم او بالزق او حتى بالكهرباء
تحياتي ليك ودمت بكل الخير

موناليزا يقول...

جعلتينى ابتسم وتعرفى انها نظرة منطقية فعلا
كنت قرأت قبل كده عن تقزز الناس من الحشرات بس ياترى الحشرات بتبص لنا ازاى
يعنى اذا كان فيه ناس كتير بتخاف من الفئران ياترى الفئران بتنظر لنا ازاى

منى يقول...

بل حقهم
وحقنا
دمتى بخير حبيبتى

حنين القلب يقول...

شيمو وحشتينى اوى خالص
عامله ايه
طمنينى عليكى
بصى بقى انا بموووووووت من الفيران دى
وبعدين معلش
انا من حقى انكد على اى فار واطالب باعدامه

تقبلى مرورى

shaimaa samir يقول...

رنا

لا مش كتير طبعا

دعواتك حبيبتى


د ابراهيم

صدقت
لا تكلف شيئا
ولكن لا اعلم لم ما زال فعلها
صعبا

shaimaa samir يقول...

الاخ غنيم

اشكرك على هذا الاطراء
رايت احدى الصور عندك:) بالفعل

مدونتك هى الاخرى رائعة
والبوست الاخير مميزا

تحياتى لك


الفارس الملثم

اهلا بك
عود كريم واحمد :)
لا شكر على واجب

كل التقدير

shaimaa samir يقول...

منة
اهلا حبيبتى
طيب خدى رقمى من رشا وكلمينى
افهم منك اكتر

بالتوفيق


مصطفى ريان

ايه شغل امن الدولة ده
احم
:)

نورت

shaimaa samir يقول...

موناليزا

كيف ينظرونالينا
وكيف ننظر الى انفسنا

انهاحلقة متصلة حبيبتى

المهم ان نعى ما نرى
ولانخاف مما سنرى

وحشتينى


منى

افتقدك
وصدقتِ

shaimaa samir يقول...

حنين
والله ادعوا لك دوما
وافتقد الاسكندرية الان كثيرا
اشتاق لبراحة بحرها وسمائها

لك كلالحق
اعدميهم اعملى زى الاخ مصطفى ما اقترح


لا احتكر حرية احد مطلقا

تحياتى لك
مرورك اسعدنى كثيرا

غير معرف يقول...

شيماء

سأتابع من بعيد

ألقاك فى حياة أخرى

تحياتى

shimaa يقول...

حلوين اوى
احلى من اللى بشوفهم على المواسير

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

مصطفي النجار يقول...

نعم لكي الحق ولهم ايضا