الخميس، 22 مايو 2008

اتنيـــــــــــن فى واحد

هو ايه الاتنين فى واحد ده!!!
موضوعين كنت محتارة انزل مين فيهم
هما الاتنين موقفين وبعد ما اخدت قرار بتنزيل واحد منهم...
لقيت الاتنين سبحان الله بيصبوا فى مكان واحد
قلوبنــــــــــــــــــــــــــــا



نبدا بالاول كنت مسمياه
عودة للرومانسية








حكت احدى زميلاتى هذا الموقف لى
وانا ما زلت مبهورة به
كالعادة تنزل كل يوم وتستقل عربتها الى الكلية
ولكن منذ يومان وجدت شىء غريب
علبة هدايا
حسبتها فى بادىء الامر حد نسيها
ولكن بعد لحظات وجدت كارت مكتوب عليه انه اليها
تصمرت واقفة لا تدرى وفتحت العلبة اللبنى اللون ذات الوردة البيضاء والشريط الابيض
لتجد بداخلها قطة لعبه(لونها اسود)متخضوش
وفلاشة(8 جيجا)
وهى ترينى هذة العلبة والموقف لا لا تددرون كم المشاعر التى انتانبتنى
المهم لقتها بتقولى حاجات كلها بتدور فى ذهنى
قطة سودا
عشان كان عندها قطة سودا
فلاشة
لان فلاشتها ضاعت
اييييييييييييييييييه داااااااااااااااااااا
حد مركز اوىىىىىىىىى ع الحاجات اللى بتحبها واللى محتجاها
يا جماعة هو الموقف ذاته رومانسى جداا
لكن الافعال دى المفترض اى حد بيحب هو بيعملها من غير ما يشعر
لانه عايز يسعد اللى قدامه
عشان كدة قلتلكو ان معنى الحب المتمثل فى الاه والتعب مش حب
الحب فرحة وبهجة وسعادة وحاجات كتيير معانيها تبعث
وتصب فى نهاية الامر الى المودة والرحمة التى ذكرت فى القران
يا جماعة والله فعلا الحب يصنع المعجزات
انا لست من انصار الحب وحده لا يكفى
من لا يدركون بواطن تلك الكلمة هم من يقولون هذة المقوله
الحب هو الدافع
هو العطاء
هو التفكير
هو العقل
الحب مش كلام وبس
افعال كل ما تحمله معنى كلمة فعل
الحب دوما يقوى الانسان
كتيييييييييييييييييييير من المعانى التى تحملها كلمة من حرفان
ولوادركنا معنى الحرفين
لادركنا اسباب كثيرة فى حياتنا


ايه المشكلة لما الزوج يدخل على زوجته بحاجة بتحبها

ان شالله بفجلاية

وهى ايه المشكلة لماتجبلوه حاجة بيهتم بيها

ان شالله جرنال

وبنية ادخال السرور يا سلاااااام

بجد الموضوعات دى بتفرق اوى

الله بقى لو بيعلم اولاده يبوسوه ايد مامتهم

وهى تعلم اولادها يجبوا لبابهم حاجة

يااااااااااااااااااه

المعانى دى كلها

والله ممكن تبنى مجتمع

حاجات بسيطة بنغفل عنها

لكن بتسيب اثر غاية فى الروعة فى نفوسنا

علنا ندركها قبل فوات الاوان





الموضوع التانى
كان اسمه
كانت بتصالحنى


واحدة زملتى(اختى فى الله) والله مافاكرة ايه السبب حتى تقريبا عملت حاجة واناعارفة انها مش تقصد

بس ضايقتنى جدا فى وقت كنت محتاجاها حاجة كدة يعنى
فلقتها بتبعتلى بقا

كل حاجة بحبها

والله فى ثوانى استشعرت مفيش حاجة خالص
ووالله مش فاكرة فعلا كنت زعلانة ليه هتصل اسالها
ههههههههههههههههههههههههههه





دى الصور اللى بعتتهالى

عارفة ان بحب القطط والورد الاصفر

وانا بحبك يا روشى

(العلبة الزرقا اللى فيها ال..... والبوكية والقطة) وهروح ع ال....

معلشى هى هتفهمنى ههههههههههههه ده سيم معين





























الشاهد ان الحب والمعانى

لكل البشر وبين كل البشر

سواء ازواج
او اخوة

او اب وام

معنى الحب يشمل كل شىء
يصل الى الطبيعة
وربما للجماد

دعوة للحب بصدق ....


هناك 42 تعليقًا:

المـــفـــــــقــــــــوعـــــة مــرارتـهــا يقول...

ياريت الرجالة والستات تعمل ذي ماانتي بتقولي .....كانت الدنيا تبقي أحلي كتييييييير

غير معرف يقول...

لا ادري ماذا يمكن ان تخط انامالي لكي أعبر عما شعرت به من أحاسيس كثيرة تداخلت وتحركت بداخلي ..
لكني أستطيع أن أقول .. أنك تستطيعين أن تلمسي اوتارا معينة بالقلوب محرمة علي أحد الاقتراب منها غير أناس معينين في حياة أي شخص .. تلمسيها وتحني عليها تدفئيها بكلماتك العزبة الرقيقة وتقلبين أوجاعا جميله دافئة مؤلمه وسعيده في نفس الوقت .. أحبك زهرتي

جنّي يقول...

الشيماء
السلام عليكم
عن عائشة ، قالت : قال رسول الله صلى الله عليه وسلم : « تهادوا تحابوا » المعجم الأوسط للطبراني
فالهدية لها تأثير عجيب في كسب القلوب ..
الموضوع الآخر عن الحب كثير جدا من تعليقاتي كنت أرفض فيها تعبيرات الحب الممزوجة بالعذاب واللوعة والنار الخ الخ .. فما الحب إلا كما ذكرت مودة ورحمة وعطاء وإثار وسعادة ونشوة وفرحة وآمال وأماني .. حتى هذه المعاني أليست أجمل من تعبيرات اللوعة والعذاب والحزن والهم ..
تحياتي
said

rtrcbh يقول...

السلام عليكم ورحمه الله وبركاته
الموضوعين بحق اجمل من بعض
دى كانت زيارتى الاولى لمدونتك
ربنا يوفقك يارب
نعمه الحب نعممه جميله بس للي يفهم معنى الكلمه كما قولتى
وربنا يكرمك ويوفقك على الخلق الطيب
فكما قال رسول الله
خيركم الهين اللين
جزاكم الله خيرا
نسال الله ان نجد لديكم دائما كل جديد ومفيد ونرجوا المزيد
والسلام عليكم ورحمه الله وبركاته
اخوك
د/احمد جمال

khobayb يقول...

كلام رائع حقا ..

رائع ..

---

فقط المقصود بأن الحب وحده لا يكفي :

أن هذا الحب الشديد لا يستطيع أن يصمد أمام سوء الأخلاق !

قد تحب شخصا ما بشدة ، لكن سوء أخلاقه يجعل العشرة مستحيلة ..

ولذلك كان قيد الزواج مثلا مرتبطا بالدين والخلق لا بالحب ..

وهذا - بالتأكيد - لا ينفي : لم يُر للمتحابين مثل النكاح

لكن .. الحب وحده لا يكفي !

ولذلك قال سيدنا عمر للرجل : ويحك ! ألم تبن البيوت إلا على
الحب ؟ فأين الرعاية وأين التذمم ؟

موناليزا يقول...

فعلا حبيبتى الحب ليس كلام الحب فعل
واحلى حاجة فى الاطفال انهم عندهم قدرة فائقة للتعبير عن مشاعرهم لما تلاقى طفل ييجى جرى على مدرسته عشان يحضنها ويسلم عليها فى طابور الصبح ومايسلمش على المدرسة التانية اللى بتضربه
طمنينا عملتى ايه فى الامتحانات؟

rovy يقول...

ازيك يا شيماء يا رب تكون الامتحانات ماشيه كويس .
عاوزه اقولك يا حبيبتى ان الحب مواقف وافعال وعطاء وكمان تسامح بس مش تنازل لأن يوم ما حيكون فيه تنازل بيكون الخطوه الاولى لموت الحب وبيتحول بعدها للنقيض او ابشع .
ربنا يسعدك وتعيشى دايما فى حب و سعاده
والحب الاول والاخر هو حب الله لوحبينا ربنا بجد حنحس بحب كل الناس .
ربنا يوفقك ويحميكى وينجحك انتى وكل بنات المسلمين .
دمت بخير
تحياتى

rovy

غير معرف يقول...

يااااااااااااااه

معنيين حلوين قوي

ربنا يسعدك يارب

مجداوية يقول...

السلام عليكم

حمدا لله على سلامتك يا زهرتنا

امس ,أمس
أمسسسسسسسس
كتبت فى أحدى المدونات واحاول جاهدة ان اتذكر اين ولم تسعفنى الذاكرة كتبت
الرومانسية هى حالة من الرحمة الدائمة
هذه رؤيتى الخاصة للرومانسية
وانت أكدت على المعنى الذى اقصده بموضوعك الاول والثانى

الرومانسية عكس قسوة الواقع الذى اصبح شديد القسوة على الانسان لأن الانسان أصبح شديد القسوة على نفسه وعلى الآخرين

لذا فأى حالة رحمة وطبطبة وحنو وتفهم هى رومانسية أتمنى أن ننشرها جميعا فى تعاملاتنا فالرحمة هى الرومانسية والرومانسية هى الرحمة

تعليقا منهجيا نقديا على ما كتبتيه

1- المعنى رائع والدعوة اليه أروع خصوصا الفجلاية
هههههههههههههههه
وبصلة المحب خروف
وفجلاية حبنا
وكوز حبنا

2- تصمرت ولا تسمرت ؟؟جاية من المسمار والتثبيت به ولا ايه ؟؟ده سؤال لتأكيد ما أعرفه ولا عشان بالعامية مفيش مشكلة

3- ألم ها ألم تحرمى بعد من استخدام كلمة ادراك يعنى مكفكيش اللى حصل هااااااا
اه خلصتى امتحانات بقى وهل من مبارز
دى (مزحة أى دعابة أى هزار )


4- تصحيح الأخطاء الاملائية ده لازم ومفيهوش تعديل لفكرتك خصوصا لو فى تدوينة مش فى التعليق راجعى كده وصححى الحروف اللى وقعت

5- قطة سودة قطة بيضا قطة مشمشى الناس فيما يعشقون مذاهب فعلا

أنا نفسى أقتنى نمر لأنى أراه أجمل الحيوانات لكن انت عارفة بقى عندى حساسية من الفرو ههههههه
بجد والله عندى حساسية من الفرو بس مش معنى كده انى مجداوية الحلو بس سبحان الله كنت أتمنى أن يكون النمر أليفا نفسى بس اطبطب عليه
اوعى ألاقيكى جايبالى نمر دليل حب ورحمة ورومانسية

فى الجنة بقى ونعيمها

متعتينى بقراءة موضعينك وحمدا لله على سلامتك
وربنا يستر ويجعل كلامنا خفيف عليهم

حاول تفتكرنى يقول...

جميل أن نشعر بالشىء ، والاجمل أن نترجم ما بداخل الآخرين ، قد يكون ذلك هو قمة التوحد

الحب وحده يكفي إذا قرر الطرفان ذلك
والحب وحده لا يكفي ، حين يبحث أحدهم عن تبرير له

أعتقد انه دائما لا يكفي ، ولو كان عكس ذلك لكنا متنا حبا

تحياتي دائما

shaimaa samir يقول...

حماتى ملااااااااااك
مرحبا بك يا حبيبتى
اولى زيارتك ... نورتى
ممكن نبدا احنا والباقى هيعمل زيينا
ربنا يسهل

***************************

نرمين الغالية
كلماتك اسمى من كلمات التدوينة
واروع تعبيرا
تنم عن شخصك المرهف دمت دوما رقيقة

*************************
الاخ الفاضل جنى
وعليكم السلام ورحمة الله وبركاته
نعم .. وانا اناشد معك بما تناشد به
الفرح والبهجة والعادة
تحياتى لحضرتك
وشخصك الكريم

***************************

الدكتور احمد جمال
وعليكم السلام ورحمة الله وبركاته
مااجملها من جمله
خيركم الهين اللين
جزيت الخير كثيرا
زيارتكم الاولى..
نورت
دمت بصحة دوما
اعزكم الله

*****************************

الاخ الفاضل
خبيب
مممممممممممممممممممممم
توقعت اعتراضا على تلك الكلمة
الحب وحده يكفى
انا ذكرت اننى انظر الى بواطن الكلمة بمنظورشخصى
ربما اضم فى معنى الحب
الكثير من المعانى العقلية
ولكنى اغلفها بالحب
الكثير من المشاكل الفكرية ولكنى اغلفها بمعنىالحب
فاصبح معنى الحب بالنسبة الى شااامل
معانى كثيرة ربمتاا اعجزاحيانا عن ايضاحها او وصفها
الدين والخلق بالنسبة لى حب
انا لا اناقض الحديث حاشا لله
ولكنها فلسفتى الخاصة ...
ربما فى كثير من الاوقات استشعرها اكثر من ان اوصفها فى كليمات تقلل من قدرها
ولكن فى النهاية
انااتحدث عن الحب بمعناه المجرد

جزاكم الله خيرا لمروركم الطيب
ودوما ما تثير اشييائا اخرى
اعزكم الله ورزقكم الخير

shaimaa samir يقول...

الحبيبة موناليزا
اعزك الله
تعرفى هنزل التدوينة الجاية باذن الله
هتمس حاجة جواكى جداااااااا
وابقى ادعيلى
احبك فى الله
ووحشتينى

***********************

الغالية الحبيبة
روفى
كلماتك تحمل معنى قوى جدااااا
بصدق ... احبك فى الله
ايتها الرقيقة
والامتحانات ادعيلى جدااااااااا
هبدا فى النظرى ودعواتك بتثبيت اللى بذاكره
نورتينى

***************************
الاخ عبد الرحمن فارس

اعزكم الله
على مروركم الطيب
زيارتكم الاولى
نورت

****************************

shaimaa samir يقول...

ههههههههههههههههههههههه
اضحك الله سنك
يا غااااااالية
الاول هبدا بكلمة ادراك
والله افتكرت ووانا بكتب قعدت اضحك جدااا وااقول ربنا يستر محدش ياخد باله
لكن هروح فين من مجداوية النبيهه
هههههههههههههههههههه

موضوع النمرده قوى اوىىىى
ربنا يرزقك
انا بحب القطط كفاية عليا
على ادى

انا والله كتبت الموضوع علاطول من غير ما ارجعله
وقعدت بنزل فى الصور تسعين ساعة
فاخد وقت
معذرة لاى اخطاء هرجعلها ان شاء الله
والامتحانات اللى جاية بقا هى الزببد
دعواتك لمواد النظرى اوىىىىىى

احبك فى الله

*****************************

حاول تفتكرنى
مرحبا بك.. نورت المدونة
كلماتك العميقة دوما ما تثير فى ذهنى كثير من الاشياء
ارجوا مراجعة ردى على الاخ خبيب
دمت بصحة

الـفجـريـــة يقول...

جميلة اوى التديونى دى يا شميوءة

الموقفين حلوين
بجد الاتنين فيهم حاجة بتفكرنى بمواقف حصلت معايا
لناس شعرت بحبهم وقربهم وفهمهم لما احتاج ومتى احتاجه

ربنا يرزقنا جميعا بحب صادق نحب به الناس ويحبنا به الناس

fenoooon يقول...

حبيبتي ،
اولا ، بحبك في الله بجد جدا جدا جدا
أعزك الله

كما عودتينا علي تلك المشاعر الراقية ، الرقيقة ، الصادقة ،،

ممممممممم
بجد ، ربنا يعزك يا مشمشتي
ادخلتي السرورو علي قلبي بكلامك الجميل ده ، وبالبوست الأجمل يا حبيبتي


(العلبة الزرقا اللى فيها ال..... والبوكية والقطة) وهروح ع ال....

معلشى هى هتفهمنى ههههههههههههه ده سيم معين


هههههههههههههههههههههههههههه
انا قولتلك علي موضوع التحول ده ونخلص نفسنا بقي
صدقيني هو ده الحل
ههههههههههههههههههههههههههههه

ان كنتي تتكلمين عن الحب وعن المشاعر
فبالحب نعيش ،
وبالحب تهدأ نفوسنا
وبالحب نري الحياة بأجمل ما تكون
وبالحب نحيـــــــــــا
وتحيا قلوبنا

واني استشعر الحب في اللي حواليا ، يااااااااااه بجد ، احساس من اجمل ما يكون
حتي في النظرة ، في البسمة ، الاحساس بيوصل فعلا لو كان صادق

ان نهتم ان نوصل الحب للي حوالينا ، مش نكون بنحب ومخبيين ، او نكون بنحب ومش عارفين نوصل ، نحــــــــــاول نوصل ، حقيقي بتفرق كتير

علشان كده قال النبي صلي الله عليه وسلم

(إذا أحب أحدكم أخاه في الله فليعلمه، فإنه أبقى في الألفة ، وأثبت في المودة)

وان الصدقة لو وضع الرجل اللقمة في فم امرأته
حقيقي ، كلما اتذكر مواقف النبي مع زوجاته ومع اصحابه
عندماقابل النبي سيدنا معاذ ذات يوم، وقال له: (يا معاذ، إني لأحبك في الله) قال معاذ: وأنا والله يا رسول الله، أحبك في الله.

معاني رائعة يعلمها لنا النبي الحنون ، معلم الحب بصدق

احبك في الله يا حبيبتي
واسأل الله ان يجمعني واياك في الفردوس

وابقي اجيبلك بقي البوكيه والعلبة الزرقا والقطة ، بس من بتوع الجنة
هههههههههههههههههههههههههه

بحبك بجد

سلام عليكم

rainbow يقول...

الصديقة الجميلة

اجمل ما فى موضوع الحب انكى تعشقين القطط مثلى !!! هههههههههه
لا طبعا اجمل ما فى الموضوع هو الموضوع نفسه واختياره وجمال تعبيرك عنه ببساطة دون افتعال

تعريفات الحب بلا نهاية واعتقد من وجهة نظرى الضئيلة ان تعريفه نسبى من شخص الى آخر وردة الفعل تجاهه تختلف كإختلاف البصمة ولا يمكن التعميم فى المشاعر حبيبتى .. لكن موضوع التربية على قيم الحب ونبله اروع ما جذبنى فى موضوعك شيماء .. ووجود قدوة لنا ونحن صغار تعرف الحب افعالا لا مجرد تابوهات غالبا ملعونة هو اجمل شىء حقا وليت كل اب وام يعرفون مدى تأثر اولادهم بكل صغيرة وكبيرة تحدث بين والديهم من اول كيف تقال صباح الخير حتى ردة فعل احدهم تجاه احتياج الآخر ولو كان ابرة وفتلة !!0

تحياتى يا رشيقة المعنى

هدى

مشتاق لله يقول...

تدوينه راقية ذكرتني بشخص لابد ان ارسل اليه شيئا شكرا لك لانك اخترتني من بين المدونات التي ترتاحين عندهم -ملاحظه -لون المدونه يريح الاعصاب والله -

rain man يقول...

الغالية شيماء , و لابد انك تعرفين الآن أنكِ كذلك
لم اقصد بصمتي ردا معينا .. في الواقع لم اقصد الصمت من الاساس
كل ما في الامر ان الظروف تحول دون ردي في كل مرة و لابد انك تلاحظين انك لستِ الوحيدة التى لم ارد عليها
ربما يكون الصمت المطبق هذا إمعانا في الغرور من يدري ؟
كلمة اني ربما استزيد من صفة الغرور و التعالي لكي يشعر الآخرون بي لم تروق لي كثيرا
و ان كانت صاحبتها تفعل
فأنا لا اريد ان يشعر بي احد , بدليل ان زياراتي للمدونات قليلة و في اضيق الحدود ان ادعائي الغرور ما هو الا اسلوب اؤمن به .. و هو يتلخص في
( انا مغرور .. و افعل كذا و كذا ) و على المحيطون بي ان يقررون مدى صدق كلامي ..
سأعتذر بشدة عن اهمالي الرد عليكي و لم تكوني وحدك المعنية بذلك
و إن كنت اخشي ان يقلل الاعتذار من اخلاق غروري .. فلم اسمع يوما عن مغرور يعتذر
شيماء
اخيرا يجب ان تتأكدي تماما
انك بالاخص اكن لكِ احتراما و تقديرا عاليا .. على الاقل و قد حققتِ مالم استطع انا تحقيقه يوما

بغرور
رجل المطر

sama يقول...

احييكي علي الموضوع الرائع
وبصراحه الموقف بتاع الهديه رائع بس في حاجات مش متفق معاكي فيها

نور جديد يقول...

halloz
شيمووووووووووووو
ازيك يا كتكوتة
بجد المرة دي اقدر اقولك برافو
بس مش عشان الموضوع جميل
انت دايما بتكتبي مواضيع جميلة
و انت عارفة ان مواضيعك بتعجبني
بس المرة دي الموضوع مختلف بمعنى اني متوقعتش في يوم من الايام انك تكتبي كده او عن كده
جمييييييييييل و الله فعلا
و بلا شك اتفق معاكي في ان الحب بيحمل كل المعاني الطيبة و الا مكنش ربنا نسبه لنفسه و قال بحب عبادي
و اللي بيحب بيعمل كده من غير مايحس
ده مظبوط
بس عارفة ممكن البني آدم يحس باللي بيعمله و يكون قاصد و يركز
على ما يتحول لفعل لا ارادي
بمعنى ان اللي مش حاسس باللي انت قولتيه ميفتكرش انه هو في حاجة غلط
فهمتي و لا ايه
شكلي انا و الله مش فاهمة انا عايزة اقول ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اني احبك في الله

shaimaa samir يقول...

الفجرية
حبيبتى نورتى
اهم حاجة المواقف دى اكون انا فيها
lol
اللهم امين
تقبل الله دعاائك
************************

روشى فنون
الحبيبة ساكنة الروح والقلب
احم
اه يالا بقى حولىىىىىىى
ههههههههههههههههههههههههه
كلماتكاضافت معانى كثيرة للبوست
جزيتى الخير
فدائما ما تنشرين العبق على الاشياء
احبك فى الله بصدق
ومستنية البوكية والعلبة والفطة
فى الجنة
وفى الحياة الدنيا(مش منك)
ايموشن بيطلع لسان
والتانى بيغمز
هههههههههههههههههه

shaimaa samir يقول...

rain bow
الحبيبة الغالية
جزاكىالله خيرا
لم اتطرق فى موضوعى الى ماعنى الحب
لانى دوما اعجز عنها
ولكنى بصدق هذا الموقف عندما حدث
قلت ياه الدنيا لسه بخير
والى الان منعرفشى صاحب الهدية!!

انتى لخصتى معنى اريده فى تلك الجمله الراائعة احييكى عليها بشدة

الحب افعالا لا مجرد تابوهات غالبا ملعونة

واكرر ملعونة ملعونة
واكرر تابوهات عشرين الف مرة
احنا بنحصره فى معانى ضيقة اوى وهو كبير جدااااااااااا

الغالية هدى
دوما ما تشعرينى بضئالة ما اكتب
وانافى هذا الموضوع ما شعرت به العفوية
نعم كنت اكتب تلقائيا دون ان احضر كلاما
الموقف كان اكبر من اى شىء

دمت بخير ايتها الحبيبة الرقيقة

shaimaa samir يقول...

الاخ الفاضل
مشتاق لله
مبسوطةانى كنت سبب فى حاجة زى كدة
جزيت الخير
نورت

shaimaa samir يقول...

الاخ الفاضل
رجل المطر
جزاكم الله خيرا

جعلتنى اشك فى نفسى عندماقلت هذا

كلمة اني ربما استزيد من صفة الغرور و التعالي لكي يشعر الآخرون بي لم تروق لي كثيرا

لم اقصد هذا المعنى بتاتا
فقد كتبت بالنص


هل هو فى الواقع هكذا..؟؟
ام انه يستزيد بشكل يشعرنى به ؟؟؟
وهو فى الواقع ليس كذلك

يستزيد الغرور بشكل يجعلنى اقول انه مغرور
بمعنى
ان مثلا حد يفضل يقولعلى نفسه فى كل حاجة انا كدة
فمن كتر ما قال انا تحولت عندى قناعة بكدا (الصفة يعنى)من غير ما احس ده
وبالتالى كتبت وهو فى الواقع غير هذا
هل الموضوع وصل؟؟!!
لكنى لم اقصدهذا المعنى الذى فهمته ابدا
وبالتالى لم افهم معنى تلك الجمله

و ان كانت صاحبتها تفعل..!!

من صاحبتها
وماذا تفعل
اانا!!

لم يكن هناك داع للاعتذار
انا اعلم اننى لست المعنية بالصمت وحدى
ولكنى كتبت لاقول لك
اننى كنت انتظر ردا ليس اكثر
لان عالم المدونات يعرفنى على اشخاص بعوالمهم...وعلى الفهم

.. على الاقل و قد حققتِ مالم استطع انا تحقيقه يوما

وانت تستطيع ان تحقق ما لميستطع غيرك تحقيقه
لان لكل منا طاقته البشرية
فقط اذا اردنا...

دمت بخير

shaimaa samir يقول...

الاخ الفلاضل
وائل كامل
جزاكم الله خيرا لهذا المرورالطيب
اتقبل الراى الاخر
ولم افرض راى
بتاتا
كتبت قناعتى الخاصة
ورؤيتى للموقف
واعلم ان غيرى ربما لا تعجبه فلسفتى
ولكن هى تريحنى انا
وقناعتك تريحك انت
ولكننااتفقنا
على الاختلاف
وفى الاختلاف رحمة

دمت بصحةطيبة دوما
دعواتكم

shaimaa samir يقول...

سلمونتىىىىىىىىىىىىىىىى
حبيبتى
رفيقتى فى الورق
محدش فاهم
ههههههههههههههههههههه

احم
ولااناتوقعت انى اكتب عن كدة
هههههههههههه
بس اكيدهتجيلى فترة
مش هكتب غير عن كدة
ههههههههههههههههههه
ما علينا الا ان تحين هذة الفترة
خلينا فى غيرنا

عارفة ممكن البني آدم يحس باللي بيعمله و يكون قاصد و يركز
على ما يتحول لفعل لا ارادي

ماهى لازم تبدابكدة يا سلمونتى
اى حاجة فى بادى ء الامر بتكون مركزة
ومن كتر ما بتعملى وبتدى
وعايزة تدى
بقت لا ارادى
لا يا بنتى
متشككيش فى قدراتك العقلية واحنافى ايام امتحانات
ونسبة الذكاءلازم تزداد

بحبك فى الله
وبجد مفتقداكى بشكل معين

بنت مصريه يقول...

الله على كلامك
بوست جمييل زيك يا قمر
احييكى
تقبلى مرورى

rain man يقول...

شيماء

اهتمامك بأن ارى الرد يجعلني مغرورا جدا ..

لم يروق لي كثيرا و ان كانت صاحبتها تفعل ..

اي ان الجملة لم ترق لي كثيرا في حين ان صاحبتها تروق لي جدا
حسبت هذا مفهوما
:D
ربما اكون قد اسأت فهمك
لكن هذا لا يغير من واقع احترامي لكِ اي شىء .. اتمنى ان تثقي في هذا جدا

ثم ان الاشخاص الذين سيخضعون للإمتحان غدا لا لوم عليهم و لا تثريب
:D

طلب

إقبليني صديقا حقيقا لكِ

منى يقول...

احنا ليه حارمين نفسنا من السعاده؟
فعلا حاجات صغيره ممكن تسبب سعاده كبيره
تعرفى من اكتر الهدايا اللى حبتها دبوس صغير ب50 قرش بس صاحبتى جبته عشان كان عجبها الطقم الجديد بتاعى وقالت لى بده هيبقى اجمل

تهادوا تحابوا
مش النبى عليه الصلاه والسلام قال كده
يبقى لازم نصدقه

تحياتى وتقديرى وحبى

سمراء يقول...

للحب لغات كثيرة للتعبير عنة
الكلمة
اللمسه
الهدية
وغيرها من اللغات
لذا على المحبين تعلم لغة من يحب وأن يحاكيه بها

اما عن الارتباط فانا لا اتفق معك فالحب وحده لا يكفي
يحتاج الى توافق وحد ادني من الاستقرار
ادعوك لقراءة موضوع الحب واشياء اخري في تصنيف رؤية خاصة
والتعليق علية
تحياتي
سمراء

shaimaa samir يقول...

بنت مصرية

اهلا يا حبيبة
نورتينى جداوالله
دوما دعواتك

تحياتى لك

shaimaa samir يقول...

الاخ الفاضل
رجلالمطر
لكل شىءفىالدنيا مقدمات وبالتالى يكون لها نتائج
فعندماذكرت انشغالك
واعلم انك لا تدخل المدونات كثيرا
واعلم انك فهمت معنى كلامى فهماخاطئا
كانعلى استنتاج انك لن تدخل المدونة لضيق الوقت
لذا كان على التنبيه ان هناك ردا على كلامتك التى لم تفهمها منى كمااريد

افعل هذا كثيرا...
فانا اقدر ظروف الناس بفضل من الله

فلا داعى ليزداد غرورك...


وحضرتكعندك امتحان بكرة
وانا كمان
تلات امتحانت فى هذا الاسبوع


دمت بخير
قارىء متعمق
ذات فلسفة كبيرة
احترم فكره وعمق كلماته
وشخصه البسيط...

shaimaa samir يقول...

الحبيبة منى
انتظرتك من اول ما نزل البوست
وحشتينى يا حبيبة
المهم
الله الموقف بتاعك روعه
وزملتك عسلخالص
بجد الحاجت دى بتفرررررررق جداااااااا
ووجودك عندى فى المدونة بصدق بيفرق جداااااااا
دمت لى كما انتى
احبك فى الله جداااا


الغاليةسمراء
اسعدنى مروكر فى مدونتى المتزاضعة هذا فى بادىء الامر
اماعن نظرتى لما قلت ان الحبوحده يكفى
وذلك لاننى وضعت كل مسمى الاشخاص يضعونه خارج الحب
فى بوتقة الحب

توافق وحد ادني من الاستقرار

انتى ذكرتى تلك الاشياء خارج معنى الحب
وانا اضعها فيه

انا كما ذكرت
بالنسبة لى
الحب يعنى فى بواطنه ملايين المعانى
لقدقلت الحل هو العقل!!
حتى اوضح ان كل شىءعندى لهم عناه المغلف بالحب

دمت بصحة
تحياتى
دعواتك لى...

عاشــــــ النقاب ـقــــة"نونو" يقول...

السلام عليكم حبيبتي
تعرفي انا واحدة من الناس اللي بحب اوي الرومانسية دي
مش مشكلة تبقى هدية ممكن جدا يبقى موقف او كلمة او بسمة المهم حاجة تتحس وخلاص
ربنا يبارك فيكي يارب وطمنينا الامتحان عامل ايه
تحية من قلبي

الفارس الملثم يقول...

والله يا شيماء كلام جميل اوي ,لان المعني في الكلام ده اننا نحس ان في حد فكرنا واننا مهمين بالنسبه لحد عشان كده هو اهتم بالبحث عن الشئ اللي بنحبه عشان يقولنا انا بحبك وفكرك وبتمنالك السعاده

طبعا التعبير عن الحب هنا ممكن يكون بين الاصدقاء او الاخوه او الازواج او اي علاقه انسانيه بتحتاج اظهار مشاعر الحب والموده باستمرار عشان تحتفظ بدفئها ..

تحياتي
محمد

Hossam Nasr يقول...

موعدنا غداً لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

25/05/2008

بنات صاحبة الجلالة يقول...

الفنانة الرائعه شيماء سمير

ابدعتي في طرح موضوعك وفعلا الواحد لما بيجيله هدية ولو ورقة حتي بتخليه طاير لانه الهدية في معنها مش في ثمنها وقيمتها لو كل واحد عمل كدا مع حبيته او زوجته اعتقد الوضع هيتغير للاحسن والافضل وربنا يخليكي صحبتك اللي جتبلك الهدية والقط الاسود ويارب يديم محبة الناس ليكي

انا في الاول قلت اية اتنين في واحد برت بلاس ولا اية هههههههههههههه

تقبلي مرونا وتحياتنا ياجميل

"النجم القادم" يقول...

هبدأ امتحاناتى غداً الآثنين دعوااااااااااتكم http://ewaatekhaf.blogspot.com/

فقط وحصريا مع النجم القادم مدونة إوعى تخاف

shaimaa samir يقول...

الحبيبة نونو
اه خالص طبعا المعانى مش شرط تتمثل فى هدايا بس
نورتينى
الامتحانات بتطحنا
ادعى اوىىىىى
***************************
الاخ محمد الفارس
اسال الله ان يكون دورالبردراح
جزاكم الله خيرا لمرورك الكريم الطيب
دمت بصحة
دوما

****************************
حاضر والله ساحاول جاهدة غدا باذن الله
جزاكم الله خيرا
صاحب مدونة
قولا سديدا

shaimaa samir يقول...

بنات صاحبة الجلالة
يا هلااا
انتى فهمتينى غلط
لا ده صاحبتى هى اللى جالها الهدية دى
من مجهول
منعرفشى مين!!!
عقبالنا كده
هههههههههههههههه
(ايموشن خدوده حمرا)
والله دايما زيارتك بتفرق معايا
ربنا يكرمك
وكنت عارفة ان حد هيقول برت بلاس
قلب المؤمن
هههههههههه
احبك فى الله

***********************
النجم القادم

ربنا معاك
ومعانا جميعا
دعواتك ايضا

نبضات يقول...

بوست جميل وفعلا الحب له اشكال والوان متعدده واولهما هو حب الله وحب الرسول صلى الله عليه وسلم وهذا الحب هو الذى ينير القلوب ثم حب الوالدين والبشر جميعا وانا معاكى ان الحب افعال وليس كلام فقط لان كثيرون من يعرفون ان يتكلموا فى الحب عموما ولكن قليلون من يفكرون ازاى يعرفوا يحبوا ويعبروا عن حبهم ويعملوا ايه عشان يسعدوا الناس اللى بيحبوهم بكلمه او مشاركه فى الاستماع الى مشاكلهم او حاجات بسيطه جدا ممكن تدخل السعاده الى قلوب من نحبهم

تحياتى

Esraa Hamed يقول...

التدوينة دي بجد اكتر من رااااااائعة

روشي دي قمر أصلا و انتي كمان من أجمل الناس اللي عرفتهم بجد
ربنا يخليكوا لبعض ياااارب