الخميس، 17 أبريل 2008

رســــــــــــــــــــــــالة....




منذ فترة وانا اريد الكتابة عن اشياء كثيرة
مواقف يومية تحدث..
تحركنا الاحداث
نحو حلقات متصلة..
كل حلقة ندور با
ثم نلتصق بالتى تليها
فنعيش فى دوامة دائمة
بين احداث سريعة
واحدث ما حدث فى هذة الايام..

هو قضية الاخوان
فرحة غامرة تشوبها الاحزان...
فرحة عودة عموياسر الى منزله
تشوبها حزن لهؤلاء الشرفاء الذين اخذوا احكاما جائرة


عمو ياسر
كان من احد المعتقلين
ايام عصيبة مرت علينا جميعا
كنا نعيش بداخل احداثهم...
مثلما يعيشون فى قلوبنا...
اسماء حبيبتى...عوداحمد لعمو ياسر
مهما سطرت من الكلمات فلن اوفى حقه ابدا
فهو انسان يدرك معنى الاسلام وانسانياته
واكيد طبعا خالتو الصامدة
واكيد انتى(عشان احنا معاكى بس)
احبك فى الله يا اسموءتى
واسال الله ان يجمعنا بهذا الحب تحت ظل عرشه يوم لا ظل الا ظله


اريد ذكر بعض الاشياء القليلة جدا
اسماء طوال الفترة الماضية(سنة وثلاث شهور)
حقا الله يسبب الاسباب
انا لن اقول ماذا تغير فى كل منا
لاننا كبرنا
(الكلمة اللى على لسانى بقالها اسبوعين ومستشعراها جدا)
لكن اسماء بصدق انتى كنتى شعلة الامل لغاية اخرلحظة لغاية ما كنتى بتكلمينى وانتورايحين تسمعواالحكم
بجد ده اكتر شىء بجد كنت مستشعراه
سيبك من اى معانى تانية حصلت ليكى او لينا كلنا
كان ليا خاطرة
كنت كاتبه فيها جمله بحبها جدااااااا
لحظات لا نصنعها بل تصنع منا بشرا
بصدق كل لحظة نحياها تعلمنا وتكون بداخلنا معانى انسانية ربما لا ندركها فى وقت حدوثها ...
مش هتكلم عليكى تانى كفاية امبارح والبرد وجتللى سخونية بسبب القاعدة


عمو ياااااااسر
مش عارفة ااقول عشان متاكدة انى مش هاوفيه حقه
بس موقف عمللو عمو يااااسر
اقسم بالله العظيم انى مش ممكن انساه ابداااااا
فى بدايةاعتقاله
جاء المولد النيوى
جاءت اسماء لنا
وفى يديها علبة حلوى المولد
وبتقولنا بابا بعتهالكوووووووووووووو
لالالالالالالالالا
اسماء ممكن متكونيش فاكرةاساسا
لكن انا اصلا عيطت حسيت بانسانيات عالية جدا
هو فين وبيفكرانه يسعدنا
اصل موضوع حب الخير واضفاء السعادة اصبح غير مصطنع اصبح كالعادات التى يفعلها
معنى انه يسعدانسان كانه مثلا كان بيغسل ايديه
حاجة كده يعنى
بجد ده موقف فكراه جدا وما اكتر المواقف
واخرها الورقة الجميلة اللى بعتهالى انا ومى
انا محتفظة بيها لانى الكبيرة طبعا وصورتها لمى
بجد انا ممكن ااقعد اتكلم كتييييير
فاضل بس خالتو...
عشان بجد خالتو هى التى ستتوج تدوينتى
بجد يا خالتو انتى صاحبة المعانى الكبرى
مش عارفةاوصفلك اللى عايزةااقوله
بس بجد اى معنى كبير عرفاه
بحسك ربنا يكرمك يا خالتو عندك
اسال الله ان يجعل الفترة الماضية لكم جميعا
فى ميزان حسناتكم
احبكم فى الله بصدق


رسالة الى من احبها ولا تعرفنى
عائشة حبيبتى....
كم ان لدمعاتك وقع على قلبى
اشد حرارة من لهيب النيران
دوما اسال عنك
اعرف انك صامدةوجميلة
طفلتى الجميلة
ان ارادالله وتزوجت فسوف اتمنى ان تكون ابنتى تشبهك
فى حنان عينيك
وطيبة قلبك
وبرائتك التى لا مثيل لها
احبك عائشة

وبما انى مش بعرف ارفع

فده لينك بتوجعيلى قلبى جدااااااا

http://www.youtube.com/watch?v=X9-54aYbhtY&feature=related

بجد نفسى اشوفك وااقعد معاكى ونرسم ونلون ونتكلم

لانى متاكدة انى هتعلم منك معانى كتييييييييييير

17/3/2008

هناك 28 تعليقًا:

غير معرف يقول...

مبروك يا جميل علي المدونة
انا لسه شايفاها النهاردة بس مش كنتي تقوليلي يا شوشو
علي العموم برافو عليكي لاني كان نفسي اخد خطوة زي دي من مدة
اختك: سارة زكي

shaimaa samir يقول...

ايه الشرف الكبير ده
سارة زكى
لا واول تعليق
يا نهارى
ربنا يعزك يا سارةويكرمك
وانسشاء الله تخدى الخطوة
ومتتاخريش زى كدةفى اخدها
لانى فاتنى كتيييييييييير

احبك فى الله

موناليزا يقول...

انتى جميلة اوى ياشيماء وربنا يكرمك على كل كلامك الحلو ده

shaimaa samir يقول...

موناليزا
انتى اجمليا حبيبتى

دعواتك

نورتى بجد
بستناكى دايما

غير معرف يقول...

السلام عليكم
حسبنا الله ونعم الوكيل
"وقالوا ربنا إنا أطعنا سادتنا وكبرائنا فأضلونا السبيلا.ربنا أتهم ضعفين من العذاب والعنهم لعنا كبيرا".

fenoooon يقول...

مشمشتي

اولا ، عذرا لعدم دخولي الفترة الماضية
احبك في الله بجد

الف مبروك لخروج عمو ياسر
وربنا يثبت وينصر اللي اتحكم عليهم بسنين الظلم

اما ما ذكرتيه عن مواقف عمو ياسر

فلا يدل الا علي انه انســـــــــان

اسأل الله له الاخلاص والسير علي طريق الحق هو وكل اخوانه
وان يتقبل اعمالهم وجهـــادهم

وحقيقي
لحظات تمر علينا ، تكون اقوي من الف درس ومحاضرة وعظة واستثارة لمشاعر او نهضة او عمل

تدريبة طيبة

جزاك الله خيرا يا مشمشتي

shaimaa samir يقول...

الاخ الفاضل عمر
اسال الله ان يثبت باقى المعتقلين
وان يرحم ضعفنا

جزاكم الله خيرااااااااا


فنونتى حبيبتى
نورتينى بجدددد

جزاكى الله خيراااااااا
مشتتاخرى تانى

دعواتك

جنّي يقول...

الأخت شيماء
السلام عليكم
والله أختي الكريمة .. الأحكام الجائرة أنستنا الفرحة بأحكام البراءة لبعض اخواننا .. وأى كانت الأيام التي قضاها الأخ ياسر في محبسه .. أو السنوات التي سيقضيها إخوانه في محبسهم فلقد بايعوا على ما هو اكثر من ذلك ( الموت في سبيل الله أسمى أمانينا ) ونقول لهم ( وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ )..
تحياتي
said

جنّي يقول...
أزال المؤلف هذا التعليق.
Esraa Hamed يقول...

كلماتك ابكتني يا زهرة

يمكن انا مش مهتمة اوي بقضية الاخوان بس بجد كلامك لازم يخلي اي حد يدور ورا الموضوع

خليتني بجد ابقي نفسي اشوف عمو ياسر و حبتتيني اكتر في اسماء الجميلة اللي عنيها كلها طيبة بجد

بجد كل كلمة بتكتبيها بتدل علي عمق احساسك و جمال روحك


ربنا يكون في عون الناس اللي خدت احكام و يصبر اهلهم يارب
و ينشر العدل علي ارضه

و ما من شوكة يضارها المؤمن الا و كان له بها اجر

جزاكي الله خيراااااا يا حبيبتي

حنة يقول...

شيماء انتي كاتبة عن موضوع مهم
طب ممكن بقى الاخوان يراجعوا موقفهموما يخافوش ويشاركوا في اضراب 4 مايو
هيعملوا فيهم ايه اكتر من كده يعني

shaimaa samir يقول...

الاخ الكريم
جنى
يمكن بصدق زى ما وصفت الشعور اللى كان عندنا كلنا
فرحة غامرة تشوبها الحزن
شعرنا بفرحة عودته جداااا كما ذكرت الاسباب
وحزننا على الباقيين
(من المؤمنين رجال صدقوا ما عاهدوا الله عليه فمنهم من قضى نحبه ومنهم من ينتظر)
جزاكم الله خيراا لمروركم الكريم....

shaimaa samir يقول...

اسراء حبيبتى
لا تعلمين مدى سعادتى بكلماتك والله
لانها وصلت لهدف اسمى كنت اامل ان تصل له
اتمنى متابعتك وبحثك فى الموضوع
جزاكى الله خيراااااا حبيبتى
ادخلى عند الفجرية وانتى هتشوفى عمو ياسر
ولو شفتى خالتو بقا ... هتتهبلى
ربنا يكرمهم والله

shaimaa samir يقول...

حنة...
حبيبتى اول مرة تزورينى بجد نورتى كنت عايزاكى تشوفى الموضوع اللى قبل ده لانه كان هيعجبك باذن الله
المهم
نيجى للموضوعده
والله يا حنة
انا فى موضوعى اخدت الموضوع من زاوية تانية
بعيدة عن اى سياسات وتفكير وتنفيذ
انا اخدتها من ناحية انسانية
بعيدا عن من ضد الاخوان
ومن يقولون انهم يرفعون الدين رايةوليس فعلا
اريدهم فقط
ان يدخلو فى حياة هؤلاء الافراد ويستشعروا
ثم يصدروا احكامهم
هؤلاء من يتحدثون
ينحون كل الجوانب الانسانية التى بصدق سيجدونها بقوة عندهم
ولا ننكر انهم بشر ولهم اخطائهم ايضا

حبيبتى حنة
لا اعلم ماهو موقف الجماعة من الاضراب القادم
كل مااعرفه
انهم يحبون النظام فى كل شىء
لذا فان مواقفهم تكون رنانة ومؤثرة بنسبة كبيرة

حنة
بجد نورتينى
ودايما مستياكى ....

عاشــــــ النقاب ـقــــة"نونو" يقول...

تحياتي لاحساسك الجميل يا شوشو
عوزاكي تقوليلها
ولا تهنوا ولا تحزنوا وانتم الاعلون
احبك في الله
تحياتي

مجداوية يقول...

شيماء
ابنتى العزيزة
أولا تعالى استلمى تاج التهييس أنا كتبت اسمك

ثانيا
ألف حمدل لله على سلامة عمك ياسر وعجبنى جدا كلامك العفوى عنه وعن خالتك أسماء خلتينى أحب أتعرف عليهم ,,سبحان الله الناس الحلوة اللى زيهم بتصلح ما أفسده الناس وبتنشر الفرحة على من حولها ,وارجو ابلاغهم سلامى وتقديرى واحترامى ,ولك أيتها الفنانة الصغيرة العمر الكبيرة المعانى والاحساس كل الحب والتقدير وبرجاء ازلة تأكيد الكلمة اللى تحت مربع التعليق دى عشان بتجيبلى شلل رعاش يا بنتى أنا عضمة كبيرة مش حمل امتحانات انا نظرى شيش بيش وشيش يك

مجداوية يقول...

بصى بتروحى للاعدادات قسم التعليقات ومن هناك تشيلى علامة تأكيد الكلمة أنا برضه لما دخلت عالم المدونات مكنتش أعرف بتتشال منين وما زلت لا أعرف حاجات كتير ومش عارفة أسأل مين حتى ,و الغريب أعمى ولو بصير وأهو الواحد عمال يضبش لحد ما النور ييجى

معلش فداك حاكتب تأكيد الكلمة تانى
استعنا على الشقا بالله

shaimaa samir يقول...

nonoymm
حبيبتى
حاضر والله هبلغها
جزاكى الله خيرا
ومش تحرمينى من تواجدك الجميل

shaimaa samir يقول...

مجداوية
هههههههههههههههههههههههههههه
انتى سكر اصلا
لا بجد انتى مشكبيرة
انتى هتلخبطينى ليه
اخرك كدةسننا
انا بصدق على فكرة
انتى ادنا تمام
دى اولنقطة

تانى حاجة
شكرا على التاج
انا عاجبنى بجد
شوية كدة وهروح اخده

ثالثا
كنت عايزةااقولك
انه مش عمى عمى
ولا ه
انا بقوله عمو وبنادى مامة اسماء بخالتو
وده بيقرب العلاقات
تحسيهم حد منك وانتى منهم
لكن هما والد ووالدة زملتى واختى فى الله فى القسم

وهى هتدخل وتشوف كلامكوالجميل ده

انا شلتها على فكرة
انامكنتش عارفة
كويس انك قولتيلى وحسيتى بيا

متتاخريش تانى عليا لو سمحتى
يا جميلتى

الـفجـريـــة يقول...

حبيبتى شيموءة

اولا..جزاكى الله خيرا على التدوينة دى
كلماتك عن ابى وامى مستنى جداا
ولكن ما حاولت قوله لك مرارا ولا اعلم ان كان وصل اليك ام لا

هو ان حب الخير امر جميل جدا لكنه يحتاج مع جماله الى عين تراه وتقدره لتفهمه وتدركه..انت تمتلكين تلك العين التى تقدر المعانى الانسانية وتشعر بها ولو كانت بسيطة جدا جدا

ادامها الله عليكى..واعانك على ال
reactions
D:D:
:p
وعلى فكرة معرفتش الكلمة
يعنى شكيت فى كذا حاجة كده
لكن يمشوا يعنى
مش واقفين اوى
:)
بغلس بس

سلااام
حتى اراكى غدا ان شاء الله

sama يقول...

لقد تأثرت جدا بهذا الموضوع وكل ما استطيع قوله هذه الأيات التى أحفظها عن ظهر قلب لأنها غيرت حياتى بمجرد قرائتها (أخر 8 أيات فى سورة فصلت)
فيجب ان نقول الحمد لله فى السراء والضراء والرضا هو سر سعادة النفس مهما كانت قسوة الحياه فلا أرى الا ما بداخلى من ايمان ادخله فى قلبى الرحمن فاحمده واشكره على ما فى نفسى من ألوان فحتى اللون الاسود أراه ليس حزنا ولكن هو الليل الذى خلقه الرحمن وبداخل هذا الليل ثقب أبيض اسمه القمر يالها من الوان

shaimaa samir يقول...

اسمءتى
حمدا لله على سلامتك
حضرتك التعليق العشرين
ما علينا
هسامحك
وجزاكى الله خيرااااااا

واااااااه
ال reactions
لا ده عهد بيننا

انت مرآة حياتى
لا تجامل سيئاتى

احبك فى الله يا اسموءتى


سلميلى على عمو ياسر
لغاية الساعة
2.30 متيجى

shaimaa samir يقول...

من عمل صالحا فلنفسه ومن اساء فعليها وما ربك بظلام للعبيد

الاخ الفاضل
وائل

بداية سعيدة جدا بمتابعتك للموضوع
والحمد لله فى السراء والضراء
انه الرضا
اللهم ارزقنااياه
كلماتك بها من العمق والفلسفة ما يكفى
لاعطائنا التفاؤل

دمت بخير
دوما

الفارس الملثم يقول...

جميلة اوي المشاعر اللي بتفيض بيها هذه التدوينة يا شيماء , واكيد كلنا محتاجين اظهار مشاعر الحب لمن نعزهم ونحبهم خاصة اذا كان حب في الله دون اي اسباب دينوية ........

وبالنسبة للاخوان المسلمين ,فرغم اني لا اعلم احد منهم معرفة شخصية الا اني استشعر ما تعرضوا له من ظلم وتصفيات حسابات سياسية وادعو الله ان يرفع عنهم هذا الظلم..

تحياتي
محمد

shaimaa samir يقول...

الفارس الملثن
ربنا يكرمك على تلك الكلمات
وتعليقك ينم على شخصية واعية متفهمة
ليس ممن ينظروالى الامور بسطحية

فى حق من ان من ينمى بلده ويكونون من اكبر رجال الاعمال والدعاة واساتذة الجامعة
ثم يسجنوا
ومن ينهبون ويسرقون ثم يبيعون بلدهم ويرحلون عنها
نتركهم

معادلة لا اعلم لها تسمية

اعزكم الله
مروركم دائما ما يشرف مدونتى

في حب مصر يقول...

المحاكمات اللي حصلت دي كانت مسرحية سخيفة جدا
انا مش عارف بصراحة النظام المصري واخدنا على فين

ربنا يتولانا برحمته

ومبروك المدونة الجديدة بتاعتك

واتمنى تتواصلي معي باستمرار

تقبلي مروري

shaimaa samir يقول...

الاخ الكريم
فى حب مصر
طول مااحناسيبينهم يخدوناهيخدونا لحتت كتييييييييييير

يارب نفوق شويتين
ونعمل حاجة

الله يبارك فيك
ربنايكرمك
نورت
.........

klmat يقول...

الف حمد الله على سلامه عمو ياسر
وكل اللى تم الافراج عنهم وعقبال
الباقى يارب . عارفه انا مش اخوان
بس متأثره جدا بما يحدث لهم ولاسرهم
اتعاطفت اوى مع عائشه ربنا يفرجها عليهم وعلى اسراء عبد الفتاح
انا بدعى لهم كلهم من قلبى كان الله فى عونهم
وعون اهاليهم ربنا يصلح حال بلدنا
ويكرمك انتى مشاعرك جميله واثرتى فيا اوى
ربنا يسمع دعاؤنا ويولى امرنا من يتقى الله فينا ويسعدك يارب
خالص حبى وتقديرى