الأربعاء، 16 يوليو 2008

corpse bride&ME




فاااااااااااااااااااكرين التاج اليتيم اللى كنت معجبة بيه كانت الحبيبة مجداوية مررته عليا
تحت طلبى لانى كنت معجبه بيه
المهم كنت قلت فيه انى بحب فيلم corpse bride
وبذات شخصيتها نفسها ال كوربس برايد
المهم الفيلم ده عميق جدا وفيه معانى وشخصيات وحاجات رائعة
انااخترت المشهدين دول لانى بحبهم جداااااااااااااااااا وفى مشاهد كتير
لكن دول حالة خاصة
طبعا محتجاكو تشوفوا الفيلم وتعيشوا كل حاجة فيه
المشهد ده جه بعد ما احرجها وقالها انتى ميتة مش ممكن تكونى انتى زوجتى
لوشفتو المشهد اللى قبله هتزعلوا عليها خالص
المهم
الكلمات هنا راااااااااااائعة
العنكبوته والدودة اصحابها كانوا بيواسوها
فبيقوللها هو لو كان شافك زى ما احنا شايفينك وعرفينك مكنشى قال كدة
هى بتقول على البنت التانية اللى عايز يتجوزها انها خدودها حمرة ادميه يعنى
فبيقوللها انتى عندك شخصية رائعة
بجد ياريت كنت ااقدر اجبها بالترجمة
كتير بيخدعنا المظهر..
كتير بننسى اللى جوانا ونهتم بالشكليات فيصبح اللى جوة ضعيف هش ...
كتير بنحكم على الناس من موقف او اتنين
لكن هما عشان عرفنها اوى فحسيين بقيمتها اوى
كتير بنفقد ناس بسبب قصر نظرنا ولو عشنا جواهم اكتر كنا لقيناهم احسن ناس لينا


فى جملة برضو جميلة بيهدوها بيها بيقوللها


من يهتم غير مهم

(الموقف انها مهتمه بيه لانه زوجها نتيجة لخبطة حصلت وقدرا وهو مش مهتم بيها عشان ادبس_لازم تشوفو الفيلم_)


ليه بنهتم بناس ويكونوا مقياسنا فى الحياة واحنا اصلا بالنسبة لهم ولا حاجة
ليه بنبنى عليهم كل حاجة وهما ممكن يهدونا فى ثانية


فهى بقا بترد عليهم بكلام رائع _متنسوش هى من الاموات_


اذا لمست شمعة مضيئة استطيع الشعور بالالم
اذا جرحنى بسكين لا يختلف الامر
وانا اعرف ان لديه قلب.. واعرف انه ليس لى قلب
الالم هو فى شعورى
وانا لا اتنفس
ويبدو ان لدى دموع يمكننى ان اذرفها
بصو بقا الحكم اللى بيصبروها بيها
مين؟؟
العنكبوته والدودة اصحابها
بيقوللها


انتى نسيتى حاجة سيئة فى المخلوقة التانية
انها حية!!
الكثير من الطمع...الكثير من الحقد
الكل يعرف انها حالة مؤقتة والتى تختفى بسرعة عندما نريد اشيائنا


ان تكون من الاحياء مقترنة بصفات ذميمة
فعلا للاسف بقينا نستشعر خلاص ان اى معنى مش جميل هتلاقيه عند البشر
لو ان الاصل مش كدة كلمة انسان من الانسانيات
ولكن لا يبقى الانسان اى شىء على حالها
حتى انسانياته الخالصة
المهم
فبترد عليهم تانى


اذا لمست شمعة مضيئة استطيع الشعور بالالم

اذا جرحنى بسكين لا يختلف الامرولكننى لا اشعر بقلبى ينبض
مع انه لا ينبض فانه يتحطم
والشعور الذى اشعر به هنا_بتشاور على قلبها_
احاول ان اقول انه ليس حقيقيا
انا اعرف اننى ميتة
ولكن يبدو انه ما زال هناك دموع كى اذرفها


كتير بنجرح فى الناس لان عندنا قناعة انهم مش بيشعرواواحنا الناس الوحيدة اللى بنحس فى الدنيا
كلنا لدينا شعورواحاسيس وخوفنا على مشاعرالاخرين من تمام بل من اساس مشاعرنا
ليه ممكن نظن ان اللى ادمنا هيستحمل كل لحظات انفعالاتنا وقسوتنا
احنا بشر!!


كلماتها راائعة وفكرتها اروع


احبك كوربس برايد لانك تشبهينى!!!









المشهد ده بقا
فظييييييييييييييييييييييع
وهوجاى يعتذرلها
المهم بقا يا جماعة بصوااللغة اللى كانت بينهم
كلموابعض بالموسيقى!!
هى قعدت تلومه
وهو بيقولها انااسف بجد مكنش قصدى
مش بهزر انا كنت سمعه كلمة انا اسف وانفعالاتها فى كل لمسة من صبعها على البيانو
وكلامه وهو قاعد يحكلها الموقف ويبرر كذبه



ليه فاكرين ان الكلام هى الوسيلة الوحيدة اللى ممكن نعبر بيها
ممكن نرسم شخبطة
ممكن نحط لون واحد معبر
ممكن نظرة تنهى مواقف كثيرة
ممكن نقطة تقول الاف الكلمات
ليه بنحصر احاسيسنا فى دايرة صغيرة خالص بوسائل سهلة
مستهلكة






فى النهاية
مكن ااقول نعتبرالموضوع ده جزء تانى
تبع موضوع دعونا نحب بعض بصدق اكثر
الحب اساس كل شىء
اساس الدعوة الى الله
ان لم نفكر فى كيفية كسب قلوب الناس وحبهم
واعطاء مزيدا من الحب
فما فهمنا معنى دعوتنا فى هذة الحياة
القائمة على الحب
ان لم نفهم الناس بشخصياتهم بكل الحب ماحققنا الحب
ان لم تتسع قلوبنا للتسامح والرافة والرحمة فما حققنا الحب



املأ حياتك بالحب
تعش فى حب وبالحب

(اعتذر عن استخدام اللغة العامية)

هناك 44 تعليقًا:

فاتيما يقول...

كلام كتير من عروستك الجميلة
أناحسيت بيه
فى وقت من الاوقات
و إتمنيت يكونلى أصدقاء زى أصدقائها ينصحونى و يخففوا عنى
و لقيت هنا فى عالم التدوين الأصدقاء دول
منهم إنتى
إنتى حكاية كبيرة محدش متصور حجم روعتها يا شيماء
ربنا يسعدك و يقلل حجم أحزانك
و عقبال ما نشوف سما بطلة فيلم جميل زى الفيلم دا
بوسة على خدك يا مشموشة

blue-wave يقول...

حلو اوى البوست دا
والفيلم كمان
على فكرة
انتى احساسك عالى اوى
بحييكى عليه

غير معرف يقول...

الشيماء

اسف فقد فاتني التعليق على البوست السابق وهكذا حالي مع كل المدونات الأخرى .. لظروف قل مروري جدا ..

ولكن البوست ممتاز قدم لنا ناقدة ومحللة قديرة بعدما عرفناكي كاتبة المعية وفنانة مبدعة ..

على فكرة انا شايف الخنفساء عنكبوت مع الدودة ..

شكرا على سؤالك

بارك الله فيكي وأعزك

الفارس الملثم يقول...

كتير بيخدعنا المظهر..
كتير بننسى اللى جوانا ونهتم بالشكليات فيصبح اللى جوة ضعيف هش ...
كتير بنحكم على الناس من موقف او اتنين
لكن هما عشان عرفنها اوى فحسيين بقيمتها اوى
كتير بنفقد ناس بسبب قصر نظرنا ولو عشنا جواهم اكتر كنا لقيناهم احسن ناس لينا

ايوه يا شيماء كتير بتخدعنا المناظر , وكتير بنتعسف في حكمنا عن الاخرين لاننا محاولناش نبصلهم من جوه

كتير بنجرح فى الناس لان عندنا قناعة انهم مش بيشعرواواحنا الناس الوحيدة اللى بنحس فى الدنيا
كلنا لدينا شعورواحاسيس وخوفنا على مشاعرالاخرين من تمام بل من اساس مشاعرنا
ليه ممكن نظن ان اللى ادمنا هيستحمل كل لحظات انفعالاتنا وقسوتنا
احنا بشر!!

يمكن لان الانسان كائن اناني لايري غير المه ومعاناته هو فلا يشعر بتانيب ضمير عندما يهين ويجرح مشاعر الاخرين ,ربما لو وضع نفسه مكان الاخر دائما لاختلفت طريقة تعامله مع الاخرين


ليه فاكرين ان الكلام هى الوسيلة الوحيدة اللى ممكن نعبر بيها
ممكن نرسم شخبطة
ممكن نحط لون واحد معبر
ممكن نظرة تنهى مواقف كثيرة
ممكن نقطة تقول الاف الكلمات
ليه بنحصر احاسيسنا فى دايرة صغيرة خالص بوسائل سهلة
مستهلكة


بالتاكيد يا شيماء , الصمت ذاته لغه خاصه جدا لا يدرك مفرداته سوي قليلين ممن ضجروا ن عالم الكلمات

ان لم تتسع قلوبنا للتسامح والرافة والرحمة فما حققنا الحب

اكيد يا شيماء ودامت روحك بكل هذا الصفاء والنقاء

تحياتي

rovy يقول...

شيماء حبيبتى .. زعلتينى من نفسى ومن تسرعى بجد اسفه و حقك عليا لانى ضايقتك
انتى بجد غاليه عندى و انا زعلانه من نفسى لانى فهمتك غلط .. الحقيقه الفتره اللى فاتت كانت حاجات كثير بتتلغبط امامى ارجوكى سامحينى ..

اسفه كمان قوى لانى ما عزيتكيش فى عمك رحمه الله عليه .. والله ما شفت البوست ده واول مره اشوفه دلوقت .. انا زعلانه من نفسى جدا ارجوكى سامحينى و حقك عليا
ده ثانى درس فى التدوين يقولى بلاش تخلى حساسيتك تفقدك ناس حلوين قوى ..
مش حاسمح نفسى و كل اللى باتمناه انك تفهمى انى اتسرعت فى الحكم او فهمت غلط فحقك عليا ..

البوست ده رائع يا فنانه و يا انسانه
جميله و نقيه ..
دمتى بخير فى رعايه الله و دمتى مبدعه

كل الود غاليتى و الاعتذار
تحياتى

حـــــدوتـــــة يقول...

السلام عليكم

املأ حياتك بالحب
تعش فى حب وبالحب

كعادتك
فنانة
حساسة
مشرقة
ملهمة
نقية

حمد الله على السلامة

سلالالالالالالالالالالالالالالالالالالالالالالالالالالالام

sama يقول...

انسانه شفافه نقيه وما تفعله وتكتبه يعكس حقا ما بداخلها نشعر بكلامك وينتابني شخصيا شعور غريب عند قرائة أي موضوع لكي وهو أنني أشعر بصوتك يخرج من بين الكلمات فيجعلني أنصت للموضوع وأشعر به وذلك من فرط حساسية مواضيعك ويعلم الله وتعلمي أنني لا أكذب هذا حقا ما أشعر به
رغم أنني قررت من قبل ألا أدخل الي أي مدونه أو حتي مدونتي شخصيا نظرا لموقف حدث معي لكن ماذا أفعل فقد ادمنت مدونتك لما بداخلها من احساس لا ينقطع وأرجو من الله ان يديم عليكي احساسك وان لا يشفيني من هذا الادمان

دعوة للأمل يقول...

المدونة جميلة و الفيلم دة انا انفرجت علية و هو حلو اوى و عجبتنى اوى الجملة دية كتير بنفقد ناس بسبب قصر نظرنا ولو عشنا جواهم اكتر كنا لقيناهم احسن ناس لينا

فعلا عندك حق و كمان دلوقتى بقينا بنحكم على الناس من الظاهر و بس
تحياتى لكى

shaimaa samir يقول...

فاتيما الغالية

انامنهم
ده شرف مش استحقه
روعة ايه بس انتى جميلة فشيفانى بروحك
واشكرك لجرعة التفاؤل دى
دعواتك
بحبكككككككككككككككك

shaimaa samir يقول...

بلو ويف

تسعدنى زيارتك
واسال الله ان لا تنقطع
اشكرك لكلماتك
وتحيتك

تحياتى

shaimaa samir يقول...

الاخ الفاضل جنى
كيف لنا ان لا نسال عنك!!
اعزكم الله
ورزقكم الاخلاص والثبات

على فكرة انا مكنتش فاكرةكلمة عنكبوت كانت رايحة من دماغى بشكل
واول ما لقيتك كاتبها
قلت اشهد ان لا اله الا الله
هى دى
وصلحتها علاطول
اشكرك جنى
دوما تكمل اشيائى الناقصة
واشكرك على كلماتكم الرقيقة
ودعواتك

تحياتى

shaimaa samir يقول...

الفارس الملثم

اخترت كل الكلمات التى قلتها من عندى
والتى استشعرها كثيرا
اشكرك

تقبل الله دعائك
الذى لا ادرى هل اناكما ذكرت ام لا

تحياتى لك
دوما

shaimaa samir يقول...

روفى
برضو ابكيتينى
لا تثقلى على نفسك
فهى منى وانا منها
ان اثقلتى علبها شعرت بها
لا داعى لكل تلك الاعتذارات
انا والله خلصت امتحاناتى يوم 18/7
ومن بعديها ملخومة فىالديوانوجت الوفاة
وكان قبلها الفرح
الحمد لله
دعواتك النتيجة قربت
بحبك فى اله
واشكرك على مشاعرك
بحبك فى الله بصدق
وسانتظر رؤيتك على شوق
فى حفلة التوقيع باذن المولى

shaimaa samir يقول...

حدوتاااا

المرةدى مقولتليش غلمض
انا سعيدةجدا
ده انتصار رهيب
هههههههه
اشكرك
على كلماتك الرقيقة هذة
اتمنى ان اكون مثلها
اعزك الله

shaimaa samir يقول...

وائل كامل
ماهذا الاطراء!!
جزاكم الله خيرااااا لرقة كلماتك وصفائها
وائل
لا تتراجع عن شىء عزمت عليه
لا تجعل شىءيعيق طريقك عن كل شىء
مهما كان عظم الموقف
لا يبعدك ابدا عن قلمك
قلمك قلبك
اشكر دخولك مدونتى وكسر تلك القاعدة
ولااتمناه ادمنا لك.. شافك الله وعافاك من كل سوء

shaimaa samir يقول...

دعوة للامل

اشكر زيارتك ياجميلة
وكلماتك الطيبة

تحياتى

shimaa يقول...

اسمحيلى فاعتذارك ليس فى محله مطلقا
لغتك العامية جعلتنى اشعر انك تحدثينى كما نفعل دوما احساسى بكلماتك لم يكن ليصل لولا تلك الطريقة التى سردتى بها كلماتك مصحوبة بتعبيرات وجهك التى احفظها داخلى
امتعتنى كلماتك كنا يمتعنى حديثك وافكارك وذاك الدوار الذى يصيب كلانا فى قلوبنا كلما التقينا

أحبك فى الله

Unknown يقول...

السلام عليكم اختنا
تدوينة ممتازة جدا فعلا
اولا لي تعليق علي كلمات استشعرتها
"ليه بنهتم بناس ويكونوا مقياسنا فى الحياة واحنا اصلا بالنسبة لهم ولا حاجة
ليه بنبنى عليهم كل حاجة وهما ممكن يهدونا فى ثانية"
عارفه حضرتك المشكلة اننا نبني علي الناس وهذا غير صحيح
بل المفروض ان نبني كل تحركاتنا لله رب العالمين ,لذا فمهما حدث فنحن نبني علي اركان قوية وكما قال النبي - رحم الله اخي لوطا كا يأوي الي ركن شديد-
اي الي الله عزوجل
---------
وصحيح دعوتنا ودعوة الاسلام اصلها الحب ,وكما قال النبي صلي الله عليه وسلم
الحب في الله اوثق عري الايمان
--
اللهم اجعلنا كما تحب وترضي
وجزاكم الله كل خير

عاشــــــ النقاب ـقــــة"نونو" يقول...

السلام عليكم
كلام رومانسي اوي حقيقي اوي
كل فترة كدة حاجة حالمة يت شوشو
اعتذر عن تقصيري في المتابعة
تحياتي

حاول تفتكرنى يقول...

يقتلني الوقت ، فيمنعني من مشاهدة الفليم
ولكن تنوع الوان الكلمات يضعنا فى حيرة كبيرة حول مدلولها

فترة اقرأ جيدا واعود

على الاقل تمر هذه السحابة السوداء التي فى الآفق

تحياتي

shaimaa samir يقول...

شيماء.. روحى المكنونة

كلماتك مصحوبة بتعبيرات وجهك التى احفظها داخلى

اضحكتينى حبيبتى كثيرا
احب تعبيرات وجهى من حبك لها
وانتى تعلمين اننى اغرق فى عينيك الدامعتين فرحا وحزنا

وذاك الدوار الذى يصيب كلانا فى قلوبنا كلما التقينا

توصلتى لهذا التعبير من اين!!!!!!
بصدق هو الاصح والافضل على الاطلاق
بحثت كثيرا ولكنك كالعادى تفضى بى الحل فى طبق من ذهب

احبك شيماء
قرينتى اسما ومشاعرا

shaimaa samir يقول...

الاخ الفاتح الجعفرى

دوما تاتى بكلمات تذكرنى باشياء فى ذاكرتى
اعزكم الله على ذلك

رحم الله اخي لوطا كا يأوي الي ركن شديد-

الحب في الله اوثق عري الايمان


بوركت بصدق
وجعلك الله من المتقين

shaimaa samir يقول...

نونو

وحشتيييييييييييينىىىىىىىى
بجد
وحشتينىىىىىىىىىىىىىىىىىى

ربنا يكرمك يا حبيبتى
وعلى تعليقك الطيب

shaimaa samir يقول...

حاول تفتكرنى

اسال الله ان تمر بسلام









دمت بخير

sama يقول...

شكرا علي النصائح الغاليه
وأرجو زيارتي مدونتي لأن لكي حق حان الوقت أن تأخذيه

أبو خالد يقول...

أبنتي رقيقة المشاعر/ شيماء سمير
لرقة تناولك دمعت عيني
و لا أجد تعليق يناسب هذا الأحساس
سوي جزيت الجنة يا أرق معني
و جعلك الله مع النبيين و الصديقين و
الشهداء و حسن أولئك رفيقا
أنتي بنيتي روح شفافة
جزاك الله خيرا

غير معرف يقول...

شيماء

اكيد الفيلم جميل انا سمعته لأنى بعشق افلام الكرتون قوى

بس معرفتش انى سمعتة الا بعد ما شفت كام مشهد منه

وكمان معرفتش اسممعة تانى علشان الترجمة بس مش مشكلة

حلو ختام الموضووع
املأ حياتك بالحب
تعش فى حب وبالحب

تحياتى

عرفة فاروق السيوطى

.. نرمين زين الدين .. يقول...

حبيبتي زهره
اؤكد لكي قد لمستيني فعلا .. هزتني كلماتك جدا و فجرت بداخلي أحاسيسا بت أخفيها عن نفسي ..

أحبك في الله يا حبيبتي
يا زهرتي البيضاء

وكمان قلت لك سابقا (( أنتي شفاة صمتي )) ..

أحبك في الله

يــوم جــديد يقول...

فكرة الفيلم رائعة فهي تحمل الكثير والكثير من المعاني بحيث تلمس شيئًا مختلفًا داخل كل منا
فنفكر في أشياء كانت أمامنا طوال الوقت ولم نكن نراها أو تجعلنا نفكر فيها بشكل لم يسبق أن خطر لنا

أما ناقدة الفيلم فلن أستخدم معها تلك اللغة الفقيرة التي لا تستطيع أن تعبر عنا .... تلك اللغة المسماة بلغة "الكلمات"
فهي ستفهمني بدونها :)

بنات صاحبة الجلالة يقول...

الفنانة شيماء سمير

منقدرش علي زعلك ياقمر بس كانت ظروف كتيرة منتعنا من التعليق عند كل حبايبنا البوست هايل جدا وقصة الفيلم الجميل دا روعه اننا فعلا ممكن نفقد ناس عزيزة علينا ونجرحهم بدون مانشعر اننا عملنا كدا متخلين اننا بس اللي بنتالم وبنتجرح عجبتني اوي اننا ممكن نتفاهم بلغة الموسيقي اوي لغة تانية غير الكلام ياريت نقدر نطبق دا في حياتنا

بجد انتي فنانة وعبقرية وهايلة وطريقتك في السرد بجد حلوة اوي تسلم ايديكي

تحياتنا لكي

shaimaa samir يقول...

ابو خالد
اشرح بفرحة غامرة عند قدومك المدونة والله
اثابك الله اجر ادخال السرور على قلب مسلم
تسعدنى زيارتك فما بالك بكلماتك التى لا تضاهيها اى كلمات شكر
وماذا اقول ردا على تلك الدعوات
غير ولكم المثل باذن الله
اعزكم الله
وثبتكم
وسدد خطاكم دوما

shaimaa samir يقول...

المحارب المتيم

تمام المزيج ده من الاسم
مبروك تغير الاسم للمرةالتانية!!
وكفايةانك بتحب افلام الكارتون
والله ده شىء جميل جداااااا
تحياتى لك
ولمتابعتك للمدونة

shaimaa samir يقول...

نرمين
زيارتك الاولى الرسمية
مبروك المدونة
اسال الله ان تكون منفث لك
وان تكونى انتى شفاة نفسك وصمتك

احبك فى الله
ودعواتك
فانا مريضة وحرارتى 38
افتقدك

shaimaa samir يقول...

يوم جديد

حبيبتى الرقيقة
عفاكى الله من كل سوء
وادعوا لك
كلماتك الرقيقة ادمعت عينى
سواء فى تعليقك لى عندك
او تعليقك هذا
احبك فى الله
والله اسال الشفاء القريب

shaimaa samir يقول...

بنات صاحبةالجلالة
اييييه النور ده
بجد وحشتونى يا بنات
اوعو تغيبوا كدة تانى
وانا مستهلشى الكلام الكبير اللى فى الاخر ده
احنا على باب الله
هههههههههههههههههه

احبكم فى الله
ولا تغيبوا
افتقدكم كثيرا

إنسان || Human يقول...

أفلام الكرتون دي بتحمل معاني عالية قوي ..بالذات الفيلم ده أمتاز برسوماته الجديدة مع إنها قابضه شوية ..أنا ماشفتوش كله لكن شفت منه أجزاء ..أنا برده كده أعتقد إن مش شرك الكلام هو اللي نعبر بيه عن نفسنا بيه ...في حاجات كتير قوى والكلام مجرد أدة

جنّي يقول...

الشيماء

شفاكم الله وعافاكم
طهور ان شاء الله

لبينا طلبكم ودعونا لكم في الروضة الشريفة بالمسجد النبوي الشريف

شكرا

منى يقول...

هموت واشوف الفيديو
بس مش قادره دلوقتى
لكن قريت كل كلمه
راااائعه يا شيماء


كانها اختصار لالام الانسان كلها
اكتر حاجه توجع لما تحس بحد مش بيحس اصلا
ومن المضحكات المبكيات
ان تشعر هى وهى كشبح
ولا يشعر هو

الكلام عندى كتير
بس هخليه بينى وبين نفسى
سلام يا شيماء
تحياتى وحبى

غير معرف يقول...

شيماء

كنت ِ قبلا قد دعوتنى لحفلة توقيع فى

منتصف الشهر ولم تحددى تاريخا لها

على ايه حال قرأت كلامك ِ الجميل شعرك ِ

الذى سينشر فى ديوانك بأذن الله

أنا متواجد الآن فى القاهرة

ارجو أن تكتبى متى حفلة التوقيع وأين

حتى أعد نفسى للحضور لأن تواجدى اوشك

على النفاذ اقصد فى القاهرة

تحياتى

shaimaa samir يقول...

هيومان

مرورك اسعدنى
بتعليقك الطيب

تحياتى


جنى
اعزكم الله على الدعوات

واسالكم الدعاء فغدا قرار انتظر القبول بالايجاب فيه
فدعواتك

shaimaa samir يقول...

منى
وصلتى كمانقول
لمربط الفرس
ان تصل لهذا الحد من الشعور
وهىشبح

تحياتى لك حبيبتى


المحارب المتيم

رددت عندك

اشكر سؤالك

تحياتى

Soooo يقول...

الفيلم ده انا شفته وعجبني جدا فعلا

وانتي معاكي حق في اننا بقينا بنحكم عالناس من خلال المنظر الخارجي بس وسايبين اللي جوا ومش عايزين نشوفه

----
ليه فاكرين ان الكلام هى الوسيلة الوحيدة اللى ممكن نعبر بيها
----

اهو انتي تستاهلي علبة شيكولاته شيكسو على الجمله دي


ملحوظه
انا باموت في شيكولاته شيكسو دي .. وما اوعدكيش لو جبت علبه منها اديلك بجد .. بس هحاول



سلاموووووووووز

جنّي يقول...

إخواني أخواتي الأعزاء

السلام عليكم ورحمة الله وبركاته

استودعكم الله الذي لا تضيع ودائعه

إجازة من التدوين ...

ولكني سأكون على تواصل معكم بزيارة مدوناتكم ...

أرجو أن تسامحوني على تقصيري في حقكم ...

وتفضلوا بقراءة البوست الأخير ...

إلى اللقاء والسلام عليكم ورحمة الله وبركاته

أخوكم

said

شق القمر يقول...

شوشو الحبيبة وزهراء الأخت الرقيقة
ألف لا بأس عليكى فتاتى
علمت من ردك على مدونة جنّى بتعبك
فدخلت أطل سريعا وأطمئن عليكى
وأعلم أنكى ستعذريننى
ففترة امتحانات المادة تختلف عن امتحانات الاحساس
المهم اننى سأبدا نهاية العام اخر هذا الشهر وسانتهى منها قبل العشر الاواخر من رمضان
أزمة أزمة يعنى
المهم ادعيلى وطمنينى عليكى
اتصرفى ... المهم ألاقيكى بخير دوما :))
اما التوبيك نفسه فاول ما لقيت الصورة ضحكت كثيرا وظننت أنكى أعدتى التاج ثانية
ولكنى هذه المرة وجدت احساسا بالغا وتدارك رائع للمعانى والكلمات
خاصة الفقرة الثانية كون الانسان ميتا اقصد اننا لا نقول ان الاخرين ليس لهم شعور انما كلنا بشر
لن أطيل كثيرا فانا شاهدت الفيلم برأيك ورأيت جمال الفقرات التى أخبرتيها
ولم أجد لتوضيحها جمالا كما وضحتيه انت
لذلك ساقول لك بعد التحيات الكثيراااات الطويلاااااات
خللى بالك من نفسك
وخلينى اطمن عليكى
سلام عليكى يا رقيقتى
رائعة رائعة رائعة
تبارك الله
ولى مجالسات اخرى بيبيتيّكِ ولكن نبقى على وعدنا بعد الامتحانات
سلااااااااااااااام