دعونــــــــــــــا نرحـــــــــــــل...1

اعانق الحياة
من خلف قضبانى الخاصة
لن ادعك ترحلين
سأسخر عيناى لاجلك يا سماء الحرية
كى اشعر بحريتى
فى ذاتى ...

اود الحياة بداخلك ...
لن تشعرين بهمسى
سابقى ساكنة كطفلة فى احضان امها
فانى افتقد لدفء الحياة..
اتسمحين لى..؟؟

هل نحمل بداخلنا مثل هذة الاشياء
دعونا نقف تحت شمس الحياة
فقد خلقت لاسباب كثيرة

اوحيدة انتى على سطح جاف..!!
فلم البقاء.؟؟
هيا ارحلى الى عالم يشعر بقيمتك
غير هذا العالم جاف المشاعر
قليل من الوقت وستجفى مثلما جف..!!

يقولون انك ترهبين من امامك..
واراك تبكين بحرقة..!!
هل لك ان تدلينى
اانا مخدوعة فى برائتك..؟؟

اتخافين السقوط..!!
فالتشبث بالشىء الضئيل حماقة..
هيا اسقطى
فأرض الله واسعة...

انتظرنى سالحق بك..
اعلم ان عندك حق للرحيل
عن دنيانا
وارسم شكل دنياك الخاصة
بريشة رقيقة
مثل حياتك...


هذه رؤيتى الان وربما تختلف فى وقت اخر..
فدع رؤياك تتحدث عما تشعر به...

كتبت الساعة 10.30مساءا
25-5

اتنيـــــــــــن فى واحد

هو ايه الاتنين فى واحد ده!!!
موضوعين كنت محتارة انزل مين فيهم
هما الاتنين موقفين وبعد ما اخدت قرار بتنزيل واحد منهم...
لقيت الاتنين سبحان الله بيصبوا فى مكان واحد
قلوبنــــــــــــــــــــــــــــا

نبدا بالاول كنت مسمياه
عودة للرومانسية

حكت احدى زميلاتى هذا الموقف لى
وانا ما زلت مبهورة به
كالعادة تنزل كل يوم وتستقل عربتها الى الكلية
ولكن منذ يومان وجدت شىء غريب
علبة هدايا
حسبتها فى بادىء الامر حد نسيها
ولكن بعد لحظات وجدت كارت مكتوب عليه انه اليها
تصمرت واقفة لا تدرى وفتحت العلبة اللبنى اللون ذات الوردة البيضاء والشريط الابيض
لتجد بداخلها قطة لعبه(لونها اسود)متخضوش
وفلاشة(8 جيجا)
وهى ترينى هذة العلبة والموقف لا لا تددرون كم المشاعر التى انتانبتنى
المهم لقتها بتقولى حاجات كلها بتدور فى ذهنى
قطة سودا
عشان كان عندها قطة سودا
فلاشة
لان فلاشتها ضاعت
اييييييييييييييييييه داااااااااااااااااااا
حد مركز اوىىىىىىىىى ع الحاجات اللى بتحبها واللى محتجاها
يا جماعة هو الموقف ذاته رومانسى جداا
لكن الافعال دى المفترض اى حد بيحب هو بيعملها من غير ما يشعر
لانه عايز يسعد اللى قدامه
عشان كدة قلتلكو ان معنى الحب المتمثل فى الاه والتعب مش حب
الحب فرحة وبهجة وسعادة وحاجات كتيير معانيها تبعث
وتصب فى نهاية الامر الى المودة والرحمة التى ذكرت فى القران
يا جماعة والله فعلا الحب يصنع المعجزات
انا لست من انصار الحب وحده لا يكفى
من لا يدركون بواطن تلك الكلمة هم من يقولون هذة المقوله
الحب هو الدافع
هو العطاء
هو التفكير
هو العقل

الحب مش كلام وبس

افعال كل ما تحمله معنى كلمة فعل

الحب دوما يقوى الانسان
كتيييييييييييييييييييير من المعانى التى تحملها كلمة من حرفان
ولوادركنا معنى الحرفين
لادركنا اسباب كثيرة فى حياتنا

ايه المشكلة لما الزوج يدخل على زوجته بحاجة بتحبها

ان شالله بفجلاية

وهى ايه المشكلة لماتجبلوه حاجة بيهتم بيها

ان شالله جرنال

وبنية ادخال السرور يا سلاااااام

بجد الموضوعات دى بتفرق اوى

الله بقى لو بيعلم اولاده يبوسوه ايد مامتهم

وهى تعلم اولادها يجبوا لبابهم حاجة

يااااااااااااااااااه

المعانى دى كلها

والله ممكن تبنى مجتمع

حاجات بسيطة بنغفل عنها

لكن بتسيب اثر غاية فى الروعة فى نفوسنا

علنا ندركها قبل فوات الاوان

الموضوع التانى

كان اسمه

كانت بتصالحنى

واحدة زملتى(اختى فى الله) والله مافاكرة ايه السبب حتى تقريبا عملت حاجة واناعارفة انها مش تقصد

بس ضايقتنى جدا فى وقت كنت محتاجاها حاجة كدة يعنى

فلقتها بتبعتلى بقا

كل حاجة بحبها

والله فى ثوانى استشعرت مفيش حاجة خالص

ووالله مش فاكرة فعلا كنت زعلانة ليه هتصل اسالها

ههههههههههههههههههههههههههه

دى الصور اللى بعتتهالى

عارفة ان بحب القطط والورد الاصفر

وانا بحبك يا روشى

(العلبة الزرقا اللى فيها ال..... والبوكية والقطة) وهروح ع ال....

معلشى هى هتفهمنى ههههههههههههه ده سيم معين

الشاهد ان الحب والمعانى

لكل البشر وبين كل البشر

سواء ازواج

او اخوة

او اب وام

معنى الحب يشمل كل شىء

يصل الى الطبيعة

وربما للجماد

دعوة للحب بصدق ....

قرااااااار....

حيث ان طلبة وطالبات كلية الفنون التطبيقية جامعة حلوان

من الطلبة الخارقين

عقليا وجسمانيا

فقد اتوا من كوكب غريب لا نعرف له اسما

وقد اجرينا عليهم تجارب مكثفة فى الترم الاول

واجتازوها بنجاح

لذاقررنا اجراء تجارب اخرى
ووضعنا لهم جدولا خارقا

18-19-20-21
اربع تقييمات متتالية

ليس هذا فحسب
25-27-29
ثلاث امتحانات نظرى منعرفش عنهم غير اساميهم

ثم تتوالى الضربات فوق رؤسهم

يومين ثم ثلاث ايام لغاية 18/6

ثم نطلق سراحهم

وورونا شطارتكو بعد اسبوعين فى التدريب الصيفى!!!!!!!!!!!!ا

اجازة .. دراسة

مفيش رحماااااااااااااااااا

ساوافيكم بالتهريج اللى بيحصل فى التقييمات برضو

دعواتكم جدااااااااااا

بفضل من الله

تمت اول اربع تقييمات

ادعوا ربنا يثبت النظرى فى دماغى

ادراك.......!!!

1

اكتشفت مؤخرا اننا لا نستطيع فهم كل المعانى الانسانية بدواخلنا.. وللبشر
لان استيعابها كاملة يفوق ادراكنا العقلى ....

2

الماسوشية
كلمة عندما ادركت معناها.... ادركت معنى الحزن السائد فى حياتنا
وياليتنا ندرك انفسنا... فنحررها من انفسنا..!!!

3

ادركت انه دوما تكون افراحنا..كفرحة عجوز_ تجاوز المئتين_ ... بامتداد عمره عشرون عاما اخرين

فهو يدرك حجم ماساة الحياة

4

ادركت عندما تنتفر عروق رؤسنا

فتكون تارة من كثرة التفكير واحيانا من عدمها

فكر او لا تفكر

فرأسك دوما فى حالة انفجار

وتختلف الانفجارات...!!

5

ادركت ان قمة اعجوبة الحياة

ان تكون انت .. هم واولئك وهذا وهذة وهؤلاء وهن

ان تكون انت .. كلهم

وانت ميت ...تعيش فى اكذوبة حياتك

6

ادركت اننا احيانا نرسم صورا... نكتب قصصا

نحيا بداخلهم باوهامنا

ولكننا نظل فى خارجها اشباح احياء ساكنة ...

7

ادركت معنى الابحار فى عالم بلا شواطىء

عندما لم اجد مرسى لقلبى...

8

ادركت عند مرور السنون

بعضنا يكبُروبعضنا يصغُروبعضنا يظل كما هو

فلا الذى كُبر يستطيع مجالسة من صُغر ومن ظل كما هو ...

ولا من ظل كما هو يستطيع مجالسة من صغر ...

فيظل من كبر.. قد كبر

ويظل من صغر..قد صغر

ويظل من ظل.. قد ظل

مفارقات انسانية ....

9

اردت فهم اشياء ان تبد لكم تسؤكم

فانصهر معنا بداخلى...!!!

علكم تدركونه او تجدونه ...

10

ادركت ان الاعتماد كلية على مشاعرنا يؤذينا كثيرا

لان لغتها لا يفهمها الا البشريون ...

11

ادركت ان بدواخلنا معامل كيمياء مجهزة

للاحتراق ..

للانفجار..

ولانتاج تجارب فريدة ....

شيمـــــــــــــــــــــــــــاء سميـــــــــــــــــــــــــر

5/5/2008

10مساءا

تحديث

اعتذر عن عدم الرد الى الان على تعليقاتكم وذلك لضغط الدراسة والبرد

وسارد قريبا جدا باذن الله

اسالكم الدعاء امتحانتنا 18

تحديث تانى

تم الرد الحمد لله

ومن مكانى هنا ادركت معنى جديدا

لا تؤجل تعليق اليوم الى الغد

الانسان يرد اول باول

بدل ما يرد على 40 تعليق مرة واحدة ولا اييه..!!