السبت، 15 مارس، 2008

ولكن العقول تختلف..!!

لم اكن اتخيل ان يكون اول موضوع فى مدونتى يكون عن مبارة كرة قدم..
ولكن هكذا الاحداث تحركنا نحوها دائما ...
بالامس وانا فى احتفالى بمولد مدونتى كانت مباراة القمة كما يقولون مبارة (الاهلى والزمالك)
منذ ان كنا صغارا نعلم جميعا مامعنى ان يكون هناك مبارة اهلى وزمالك وكانها الحرب العالمية الثالثة التى تتكرر كل عام او انه ذاك الواجب الوطنى الذى يتحتم على كل فرد من افراد المجتمع معرفته..!!
بعيدا عن اجواءالمباراة...
نقترب اكثر من اجواء الناس واحوالهم...
بداية نعلم جميعا انه يجرى فى عروق المصريين (اطفالا – كبارا-شيوخا) كرات دم حمراء وبيضاء وكرات (قدم ايضا)
لعبة لا احد ينكرها ولكن الانكار لمدى التعلق الشديد بها لهذة الدرجة.. حتى يصل الامر فى بعض الاحيان الى الضرب اوالمخاصمه...!!
وما زلنا مع اجواء الناس وهذا ما اثارنى لكتابة هذا الموضوع...
بعد انتهاء المبارة كان هناك تعليقات للناس عليها على قناة dreamsport
جمهور نادى الاهلى:_ لا خلاف انه سعيد للغاية
جمهور نادى الزمالك:_لاول مرة لا ارى الشعب المصرى يتهافت امام الكاميرا ويلوح بيديه ليظهر فى التلفاز كل منهم مهموم مغموم وكانه يحمل عبئا ملىء السماوات وملىء الرض هموم امة باكملها..
يقول كل واحد منهم كلمته ويمشى سريعا..
يقولها بمضض وحزن عن الحالة المتدهورة فى ناديه(الزمالك)
واليكم بعض الكلمات التى حاولت ان اتذكرها...
- اللعيبة دول اصلا مش رجالة ومش حاسين بالمسئولية اللى عليهم
- جهاز فن مبيفهمشى حاجة وقاعد ياخد ميزانيات وفلوس ويدى للعيبة
- عايزين نفرح.. حرام عليكو.. بقالنا 4 سنين مخدناش ولابطولة ومفرحناش
ومن اكثر التعليقات التى حيرتنى..!!!!!!!
- خلاااااااااااااص والله العظيم هيخلونا نروح نتعالج فى المستشفيات نفسيا تعبنا منهم جالنا احباط ويأس حرام عليهم
التعيق الاغرب
- انا والله والله مش عارف هروّح ااقول لاولادى ايه... انا مكسوف منهم والله..؟؟!!

هذه كانت بعضا من التعليقات التى حاولت ان اتذكرها...
كلمات عندما رنت فى اذنى... لولم اكن اشاهد التلفاز واعلم انهم يتحدثون عن المباراة لظننتهم يتحدثون عن احدى قضايا الكبرى كفلسطين
ركزوا فى تعليقاتهم وعممووها......!!
-اللعيبة دول...................................
وكانه يتحدث على كل فرد فى مجتمعنا.. لا احد فيه يشعر بالمسئولية تجاههم... ولو ادركناها ما كنا فى هزيمة وخذلان
-جهاز فنى............................
فلنغيره ونعممه ونقول الجهاز المسئول عن البلد.............!!وكفى
-عايزين نفرح...........................
4 سنوات فقط جعلتهم يشعرون بتلك المشاعر فما بال من هم من اكثر من نصف قرن لم يذوقوا طعم الفرح

اما عن التعليقين الاخريين
فصدقا ضحكت كثيرا وبكيت كثيرا
يتعالجوا فى المستشفيات بسبب ان الفريق بيتهزم
والاخر بأى وجه يلقى ابنائه......!!!!!!!
الهذه الدرجه وصلت عقولنا..
نكبر الصغير ونتفه الكبير..!!!
الاغرب من كل هذا وذاك
انهم قرروا مقاطعة الذهاب الى المباريات.!!!!!!
سبحان الله
يستطيعون ان يقاطعوا ويفعلوا ما يريدون ولكن عندما تحلو لهم ارادتهم ذلك...!
بالقياس دائما على مشاكلنا الصغيرة وتوافه الامور
سنجدها نفس مشاكلنا الكبيرة
نفس الهيكل
نفس الحلول
ولكن العقول تختلف فى اخذ كل منهما...؟؟؟!!

هناك 11 تعليقًا:

Midoooo يقول...

فعلاً يا شيماء

و لكن العقول تختلف !!!

دعيني أضم صوتي الذي أطلقته بعد كأس الأمم الى صوتك لنطلق صرخة في فضاء التغييب تشق سكونه و تمزق جنباته المخجله

لقد أصبحنا شعباً يهوى الخمر و إن كانت غير مادية

يهوى أن يعيش تائهاً ضائع العقل

تنازل طوعاً عن مسئولياته فكان لزاماً عليه أن يفقد حقوقه رغما عن أنفه

و المثير للسخط أنه لا يجد داعياً حتى الآن لمحاولة إستعادتها

كفايه كده عشان أنا إتنرفزت

سامحكي الله

منزله موضوع تحفه و مثير للأعصاب

shaimaa samir يقول...

جزاكم الله خيراااااا
تعليقك يا احمد والله ما شاء الله رائع رائع جدااااااا والكلمات فيه توصف الحال بدقة
جزيت الخير لزيارتك الكريمة

غير معرف يقول...

ما شاء الله
اول موضوع علي طول كده

الموضوع رائع يا مشمشة

انا بصراحة ما شوفتش المباراه ولا الردود
والحمد لله اني ما شوفتش
علشان ما كنتش شوفت التعليقات

خيرا

ولكــــن العقول تختلف !

اكثر ما جذبني
كلماتك الاخيرة
نتفه الكبير
ونكبر الصغير

فعلا ، هي دي المشكلة
ان مش بندي لكل حاجة حقها

يعني مفيش مانع يتفرجوا ويفرحوا
ولكن مش لدرجة هذه التعليقات التي لا نسمعها في قضايانا الحقيقة ، الحقيقة بجد

فعلا
هي كلمات تنطبق علي همومو وقضايا الامة ، وليست علي ماتش او مباراه وسنتنهي

ولكن

( فلنعــــــط كل ذي حق حقـــــه )

موضوعك جميل فعلا
ربنا يجعل المدونة فاتحة خير لكِ وعليكِ

انتظر موضوعك الجديد بشوق

جزاك الله خيرا


fenoooon

مشتاق لله يقول...

تحيتي لك ولمدونتك وارجو ان تدوم مئة عام شكرا علي وزيارتك وارجو ان تعتبري مدونتي بيتك

ganna يقول...

جزاكى الله خيرا زهرة
الاسقاط هاااااااااايل فعلاااااا
انا سمعت فى برنامج انى فى شعوب كاملة كل صحافتهم كورة كل اخبارهم كورة
فطبعا الناس دى هتلاقيهم معندهمش اى وعى باى حاجة وتلاقيهم مش عارفين ايه فلسطين اساسا
ربنا يرنا الحق حقاويرزقنا اتباعه
ويرنا الباطل باطلا ويرزقنا اجتنابه

yota يقول...

والله معاك حق
انا ماتفرجتش على الماتش ده وماعرفشى بصراحه كان امتى لكن شفت يوم ماتش كاس افريقيا والشوارع كانت واقفه ازاى وكانت مصادفه قبلها موضوع غزه وطبعا الناس ماكنشى فى دماغها غزه ولا غيره اهم حاجه الماتش ....

انا مش عارفه اقول ايه غير ربنا يهدينا ويفوقنا من الغيبوبه اللى احنا فيها دى

عصفورة من الشرق يقول...

هايله يا شيمو اسمحى لى ادلعك واقولك حصلى ايه لما قريت اخر تعليقين بجد موت من الضحك وعينيا دمعت بس مش من الضحك من الحزن والاحساس بالخزى وسالت ماذا حدث للمصريين؟ده اسم كتاب بيناقش التغيرات اللى حصلت فى مصر من الاربعينيات حتى التسعينات لكن لو الكاتب اعاد كتابته دلوقتى هينتحر قبل ما يكمله
يا رب ارحم بلدنا

shaimaa samir يقول...

فنووووووووووووون
جزاكى الله خيراا يا حبيبتى
نورتى

مشتاق لله
اسعدنى مرورك عهلى مدونتى المتواضعة
جزيت الحير

جنتى
حبيبتى نورتى وربنا يفوقنا

يوتا
ربنا يتقبل منك دعائك يا حبيبتى

عصفورتى
انتى تغردين كماتشاءين يا حبيبتى
وفعلا هينتحر
نورتى يا حبيبتى

غير معرف يقول...

ماشاء الله بجد عليكى يا زهرتى المقالة تحفة تحفة تحفة يعنى

بجد وهمية يعنى واسلوبك فيها تحفة بجد
على قد ما فى كلام يخلى الواحد يضحك

بس فى نفس الوقت يبكى على الحال اللى وصل ليه الناس فى تفكيرهم ووزنهم للامور

wael kamel يقول...

دعينى أوافقك فى الرأى ولكن فى الظروف الطبيعيه وأرغب فى سؤالك سؤال بسيط ماذا تفعلى لو كنتى داخل بالونه ممتلئه عن اخرها وليس بها الا ثقب واحد يمكن ان تتنفسى من خلاله هل تتركيه وتموتين (ألف مليون سلامه عليكى)أم تتنفسى من خلاله علما بأن البالونه مش بتاعتك يعنى صاحبها عايز كده واحنا صاحبنا مخلاش للناس حاجه تفرحهم غير كرة القدم أو بمعنى اصح 90دقيقه ممكن تنسى فيها همومك مجانا أظن عرض قوى جدايعنى هو عايز كده وكفايه كده عشان هنروح فى داهيه

shaimaa samir يقول...

الاخ الفاضل
وائل
اعلم ماذا تقصد
وما يقصده الكثير من الشباب
انا لست ضد الفرح ولو حتى فى غير الظروف الطبيعية
انا اطالب بالتوازن
هل هؤلاء الشباب
حزنوا بهذا الشكل لما حدث فى غزة وفلسطين
هل هلاء الشباب
قامواووقفوا وقفة رجل واحد وباستطاعتهم فعل هذا ضد اى احتكار او ذل من الاخريين
انهم مغيبون عن كل واقع نحيا فيه
اتعلم
انها النظرة الحدودة التى ننظر بها من ثقب الابرة كما يقولون
اتريد مخرجا
اتريد منفثا يفرحك
اقسم لك انك ستجد الكثييييير
فقط ابحث
ابحث حولك
بداخلك
ابحث فى وجوه البشر
عن معانى تحيا بها
ستشعر انك قد ملكت الدنيا بما فيها
ووقتها
ستشعر بما كنت اقصده...
نورت